Ergaa Yaaqoob 4:11 - Waadaa Haarawa

¹¹ Yaa obboleeyyan! Ufii keessan wol hin hamatinaa, nama ka hamattu yookiin nama irratti ka murtteessu seera ni hamata, seera irratti'llee ni murtteessa, seera irratti yoo murtteessite ammoo murtteessaa ta'uu keeti malee, seera raawwata'aa miti.

WAADAA LAMMATAA

¹¹ Obboleeyyan tiyya! Wol hin hamatinaa'a! Ka obboleessa ufii hamatuu fi ka obboleessa ufiititti murteessu seera hamata. Seerattillee hin murteessa. Yoo seeratti murteessite, ati murteessa'a malee, nama seera hujii irra oolchuu miti.

Kitaaba Woyyuu

¹¹ Obboleeyyan tiyya! Wol hin hamatinaa'a! Ka obboleessa ufii hamatuu fi ka obboleessa ufiititti murteessu seera hamata. Seerattillee hin murteessa. Yoo seeratti murteessite, ati murteessa'a malee nama seera hujii irra oolchuu miti.

Ergaa Yaaqoob 4:11 ပူးပေါင်းရင်းမြစ်များ

1 Ergaa Phexiros 2:1

Eegaa hammeenna mara, sobuu mara, fakkeessitummaa, hinaaffaa, hama bifa kamiituu dhabamissiisaa.

Gara Worra Rooma'aa 2:1

Nama bira'aa irratti ka murtteessitu ati mataa keetii waan itti sababattu ka hin qabddu, nama bira'aa irratti yoo murtteessitu, mataa kee irratti ni murtteessita, ati nama bira'aa irratti murtteessa'aa, waan naminni itti murtteessite sun raawwatu ni raawwatta.

Ergaa Yaaqoob 5:9

Yaa obboleeyyan! Isin irratti'llee akka hin murtteeffamnneef ufii keessan wolitti hin wocinaa, kunoo murtteessan yeroon itti dhufu gayee jira.

Wongeela Luqaas 6:37

«Eennuun irratti'llee hin murtteesinaa, isin irratti'llee hin murteeffamu, kaanniin hin ashinaa, isin'llee hin ashamittan, dhiifama taasisaa, isiniif'llee dhiifama ni taasfama,

1 Gara Worra Qorontoosii 4:5

Kanaaf yeroon uduu hin gayin, Gooftaan murti'iif uduu hin dhufniin duranatti eennuun irratti'llee hin murteessinaa, inni yeroo dhufutti dhossaa dukkana keessatti dhokate gara ifaa titti ni baasa, yaadinni onnee namoota keessatti dhokate'llee ni muldhisaan, yeroo sanitti tokkoon tokkoonuu Waaqa biraa galata barbaachisaa ni argata.

Gara Worra Efesoonii 4:31

Hadhaayummaa, aarii, dallanissuu, jeeqama, arrabaa fi hameenni bifa kamii marrinuu, isin irraa garasi haa fagaatu.

2 Gara Worra Qorontoosii 12:20

Ani garas yeroo dhufutti yookiin akka ta'uu qabddan uduu hin ta'in, ani'llee akka isin barbaadan uduu hin ta'in, wol argina ta'a jedhee ni sodaadha, akkuma kana isin biratti wol dhabiinssi, hinaaffaan, dallansuun, mataa ufii jaalachuun, maqaa namaa balleessuu, hamtti, ufi tuulumma'aa fi jeeqamnni ni jiraata ta'a jedhee ni sodaadha.

2 Gara Ximotewoosii 3:3

jaalala ka hin qabnne, dhiifama worra hin taasfnne, maqaa namaa worra balleessan, mataa isaanii ka hin toowanne, gara jabeeyyii, waan mishaa ta'e ka jibban,

1 Gara Ximotewoosii 3:11

Akkuma kana haawotiin worraa isaanii ka bajaman, nama ka hin hamanne, hagatti ka jiraatan, waan maraanuu amanamoota ta'utu isaan irra jira.

Gara Worra Rooma'aa 7:7

Eegaa maal jenna ree? Seerri mataan isaatuu cubbu'uu ree? Miti! Garuu cubbuun maal ta'uu isaa akka beeku ka ana taasise seera. Seerri, «Hin hawwin!» uduu jechuu dhabaateetii, hawwiin maal akka ture ni beeku ture.

Gara Worra Rooma'aa 2:13

Waaqa duranatti ka qulqullaayan seericha dhagayanii hujii irra worra oolichan malee, seericha dhagayanii hujii irra worra hin oolichinee miti.

Ergaa Yaaqoob 1:25

Garuu bilisa ka baasu seera muda maleessa qoratee isaan jabaatee ka dhaabatu, isa'llee dhagayee dagachuu uduu hin ta'in hujii irra naminni oolichu, hujii isaatiin ka eebbifame ni ta'a.

Gara Tiito'oo 2:3

Akkuma kanaan'llee umri'iin ufi durana dubarttoonni deeman, amala isaaniitiin worra ka kabajaman akka ta'aniif malee hamattootaa fi worra araada dhugaati'ii qaban akka hin taanee fi barsiisicha mishaa ta'e akka barsiisaniif, isaan gorssi.

Ergaa Yaaqoob 1:16

Ka jaalatamttan yaa obboleeyyan! Hin sobaminaa!

Ergaa Yaaqoob 1:19

Ka jaalatamttan yaa obboleeyyan! Kana hin dagatinaa, naminni marrinuu dhagayu'uuf ka dadafe, dubbachu'uu fi dalanu'uuf'llee, ka barfate haa ta'u.

Ergaa Yaaqoob 2:8

«Nama akka mataa keetii taasisiitii jaaladhu» jedhamee Kitaaba Qulqulluu keessatti ka barreeffame seera Mootummaa Waaqaa yoo raawwattan, mishaa ni taasfttan.

Ergaa Yaaqoob 5:7

Yaa obboleeyyan! eegaa Gooftaan haga dhufutti obissaan eegaa, qotee bulaan laftti isaa rooba jalqabaatii fi maa'ii haga argatutti akkuma obissa'aa, gatii guddaa ka qabu firii lafa isaa ni eeggata.

Ergaa Yaaqoob 5:10

Yaa obboleeyyan, maqaa Goofta'aatiin nabiyyoonni dubbatan rakkinna obissaan fudhachu'uun, fakkeenna ta'uu isaanii beekaa.