1 Gara Ximotewoosii 5:5 - Waadaa Haarawa

⁵ Dhugamaanuu haadha hiyyeessaa taatee adda isi'ii titti ka jiraattu, abddii isi'ii Waaqa irratti taasfattee halkanii fi guyyaa gargaarssa Waaqaa kadhachu'uun, kadhanna'aan jabaattee ni jiraatti.

WAADAA LAMMATAA

⁵ Ta Abbaa manaa hin qabne ta hojja ufii jiraattu, halkanii fi guyyaa Rabbiin faateffata'aa abdi'iin jiraatti.

Kitaaba Woyyuu

⁵ Ta Abbaa manaa hin qabne ta hojja ufii jiraattu halkanii fi guyyaa Rabbiin kadhata'aa abdi'iin jiraatti.

1 Gara Ximotewoosii 5:5 ပူးပေါင်းရင်းမြစ်များ

1 Gara Ximotewoosii 5:3

Dhugamaanuu dubarttoonni abbootiin worraa isaanii irraa du'an isaan kabajaa.

Wongeela Luqaas 2:37

kanaan duubatti'llee umriin isi'ii woggaa saddeetamii afurii haga ta'utti, Mana Waaqeffanna'aatii uduu hin fooyamin halkanii fi guyyaa, soomaa fi kadhanna'aan Waaqa ni tajaajiltti turtte.

1 Ergaa Phexiros 3:5

Yeroo duraanii abddii isaanii Waaqa irratti ka gatan, dubarttoonni Qulqulluu ta'an ka bareedan bifa kanaan ture, abbootii worraa isaaniitiif'llee ni ajajaman turan.

1 Gara Ximotewoosii 5:16

Dubarttiin amanttuu taate takka mana isi'ii titti dubarttoota abbootiin worraa isaanii irraa du'an yoo qabaatte, ba'aa woldaya amanti'ii akka isaan hin taaneef isiin isaan haa gargaarttu, bifa kanaan woldeenni amanti'ii worra gonkumaa gargaaraa hin qabnne dubarttoota abbootiin worraa isaanii irraa du'an gargaaruu ni dandeetti.

1 Gara Worra Qorontoosii 7:32

Kanaaf yaada kamiinuu uduu hin sarddamin akka jiraattaniif ni jaaladha, haadha worraa ka hin fuudhin Gooftaan waan ittiin gammadu waan barbaaduuf yaanni isaa ka xiyyeeffatu, hujii Gooftaa laalu irratti.

Wongeela Luqaas 18:1

Kanaan duubatti Yesus uduu hin hifatin yeroo mara kadhachuu akka qaban barsiisu'uuf, fakkeenna kana isaanitti ni hime,

Gara Worra Efesoonii 6:18

Yeroo maraa Hafuura Qulqullu'uun eemarama'aa kadhanna'aa fi woyata dhiyeessaa. Bu'ura kanaan'llee namoota Waaaqinni isaan qulqullaayomiseef jabaadhaatii kadhadhaa.

Wongeela Luqaas 18:7

Waaqinni eegaa, halkanii fi guyyaa iyya'aa ummata isa kadhatan, isaatiif hin murtteessuu ree? Shilla jechu'uun hoo gargaarssa isaa isaan, irraa ni tursiisaa ree?

1 Gara Worra Qorontoosii 7:34

Haala kanaan yaanni bakka lamatti qoodamee jira jechu'u. Akkuma kana dubarttiin abbaa worraa titti hin heerumin yookiin durbbi duudaan, foon isi'iitii fi lubbuu isi'iitiin'llee ta Goofta'aaf Qulqullaayome qabddu ta'uuf waan barbaadduuf, yaanni isi'ii ka xiyyeeffatu hujii Gooftaa laalu irratti. Dubarttiin heerumtte garuu gammachiisuufka yaaddu, waayee biyya lafaati.

Gara Worra Rooma'aa 1:12

Kana'llee jechuun kiyya ani amantii keessaniin, isin'llee amantii kiyyaan, ufii keennaa akka wol jajabaasnuuf.

Gara Worra Rooma'aa 1:5

Waayee maqaa Kristositiif ummanni Waaqa dhuga'aa titti hin amanne marrinuu akka amananii fi akka ajajaman taasisu'uuf karaa isaatiin, kennaa isaa ka bilisaa ka ergamitumma'aaf isaan geessu fudhannee jirra.

Hujii Ergamootaa 26:7

Gara abddii kanaa gayuuf gosoonni keenna kudha lamaan, Waaqa halkanii fi guyyaa waaqeffataa ni eeggataniin ture, Yaa Nugusa! Ani'llee Yihudotaan ka ittiin himatameef, waayee abddii kanaatiif.

Hujii Ergamootaa 6:1

Yeroo muraasaan duubatti lakkofssi amanttootaa baayi'ataa yoo deemu, afaan worra Giriiki'ii Yihudonni dubbatan namoota biyya Yihuda'aa ka ta'an ka ta'an irratti, guungumuu jala ni qaban, ka guungumaaniif'llee gargaarssa guyyaa guyyaan ni qoodama tureen, dubbarttoota abbootiin worraa isaanii irraa du'anitti shilla jedhan waan turaniif.

Hujii Ergamootaa 9:39

Kanaaf Phexiros ka'ee ergamootaan woliin ni dhufe, Yeroo achi gayetti'llee, gara kutaa mana wol irraa jiruu ni fidaniin, dubarttoonni abbaan worraa irraa du'an marrinuu naanaya isi'ii dhaabatanii booya'aa, Dorkaas yeroo isaan woliin lubbu'uun jirttutti shinshiniiwwan hojjattee fi uffatoota ni mulidhisan ture,

Hujii Ergamootaa 9:41

Inni'llee harka isaa hiixatee qabee ol ni kaaseen, dubarttoonni abbootiin worraa isaanii irraa du'anii fi amanttoota kaanniin'llee waamee, mucattii lubbu'uun isaan duranatti ni dhiyeesseen.

Gara Worra Filiphisiiyusii 4:6

Kanaaf waayee waan maraatiifuu kadhanna'aan, kadhachu'uu fi galataan Waaqaaf dhiyeessaa malee, waayee woma kamiitiifuu hin sarddaminaa.

1 Gara Ximotewoosii 2:1

Waaqaa waaqeffachu'uu fi jireenna ulfinnaan guuttameen kadhata'aa, kadhannaa, worwwaataa fi galanni namoota maraaf, akka taasfamu ni gorssa.

2 Gara Ximotewoosii 1:3

Yeroo maraa halkanii fi guyyaa kadhanna'aan yoo si yaadadhu, akkuma abbootiin kiyya raawwatanitti ani'llee sammuu Qulqullu'uun Waaqa tajaajilu ni galateeffadha.