Matew 8:22 - Ngünechen Tañi Küme Dungu

²² Feymew Jesus llowdungufi ti wentru: —Eymi inaen, fey elkünufinge tati pu che la reke felelu ñi rüngalafiel tati pu la.

Mapudungun

²² Feymew Jesus llowdungufi ti wentru: —Eymi inaen, fey elkünufinge tati pu che la reke felelu ñi rüngalafiel tati pu la.

Matew 8:22 ပူးပေါင်းရင်းမြစ်များ

Matew 8:21

Fey kiñe tati allkütuyawülkefilu, feypirkeeyew ta Jesus: —Ñidol, wüne üngüman ñi layael ñi fütakeche, fey wüla inayaeyu.

Matew 9:9

Jesus tripatuy ta tiye mew, fey pefi ta kiñe wentru Matew pingelu, anülelu chew tañi kofrakemum ta impuestu Romangealu. Fey Jesus feypifi ta Matew: —Inaen. Feymew Matew witrapüray, fey inaeyew.

Marku 2:14

Fey Jesus rupalu fey püle, pefi ta Levi, Alfew tañi fotüm, anülelu chew ñi kofrangekemum ta impuestu Romangealu. Jesus feypifi ta Levi: —Inaen. Fey Levi ta witratripay ka inaeyew.

Luka 15:24

Tüfa iñche ñi fotüm tati, lakefuy reke ka wiñomongetuy. Ñamkefuy tati, ka petufiyiñ!’ Fey eluwi engün ñi nieael ta kawiñ.

Luka 15:32

Welu fewla rume kümey taiñ kawiñael ka taiñ ayüwael tami peñi tati lakefuy reke, fey wiñome mongetuy. Ñamkefuy reke tati, fey ka petufiyiñ.’ ”

Luka 9:59

Fey Jesus feypifi ta kangelu wentru: —Inaen. Welu kisu llowdungueyew: —Ñidol, wüne üngüman ñi layael ñi fütakeche, fey wüla inayaeyu.

Luka 9:60

Fey Jesus llowdungufi ti wentru: —Elkünufinge tati pu che la reke felelu ñi rüngalafiel tati pu la, welu eymi amuaymi tami kimelael ta Ngünechen ñi longko ülmenngen.

Juan 1:43

Kangelu antü mew, Jesus eluwi ñi amuael ta Galilea trokiñ mapu mew. Pefilu ta Felipe, fey feypifi: —Inaen.

Juan 21:19

Jesus feypi tüfachi dungu ñi kimelafiel chumngechi ñi layael ta Pedro, fey ñi püramyeafiel kisu ñi lan mew ta Ngünechen. Fey wüla ka feypifi ta Pedro: —¡Inaen!

Juan 21:22

Jesus llowdungueyew: —Fey iñche ayüfuli, kisu ta mongeleafuy wiñometuli wüla ta iñche. Eymi ta chumkonlaymi. Fey eymi ta inaen —pi.

Efesio 2:1

Kuyfi mew eymün la reke felekefuymün tamün püntülekefel mew ta Ngünechen mew ti wesake dungu tamün femkefel mew ka yafkan mew

Efesio 2:5

feychi la reke felelu iñchiñ taiñ yafkan mew, fey elutueiñmew we mongen kiñentrür ta Cristo iñchiñ. Ngünechen ñi küme piwkengen mew eymün elungeymün tamün montuael.

Efesio 5:14

pelon am ta kom pengelkelu. Feymew feypiley: “Trepenge, eymi tati umawkülelu reke. Witrapürange rangi ti pu lalelu mew, fey Cristo ta pelontuaeymew.”

Kolosense 2:13

Eymün ta kuyfi mew, la reke felekefuymün tamün yafkan mew ka tamün sirkunsidalekenofel mew, welu fewla Ngünechen elueymünmew mongen kiñentrür ta Cristo eymün, fey Cristo mew am ta wiñoduamangetulu ta iñchiñ kom taiñ yafkan mew.

1 Timotew 5:6

Welu tati pu lantu domo wesa femmekekelu tañi ayüelchi dungu mew, fey ta laley reke ñi mongen mew.