Matew 2:2 - Ngünechen Tañi Küme Dungu

² Fey akulu ta Jerusalen waria mew, famngechi ramtuyawi engün: —¿Chew anta müley tati pu judiu tuwünche tañi longko ülmen, tati we choyüngelu? Pefiyiñ ti wangülen ñi küdetunagkülen chew ñi choyüngemum ti Cristo, feymew küpaiñ taiñ püramyeafiel ngillatun mew —pi engün.

Mapudungun

² Fey akulu ta Jerusalen waria mew, famngechi ramtuyawi engün: —¿Chew anta müley tati pu judiu tuwünche tañi longko ülmen, tati we choyüngelu? Pefiyiñ ti wangülen ñi küdetunagkülen chew ñi choyüngemum ti Cristo, feymew küpaiñ taiñ püramyeafiel ngillatun mew ―pi engün.

Matew 2:2 ပူးပေါင်းရင်းမြစ်များ

Matew 2:3

Fey tati longko ülmen Erode rume wesa duami allkülu tüfachi dungu. Ka femngechi femi kom tati waria che mülelu ta Jerusalen.

Matew 21:5

“Feypifimün tati Sion waria che: ‘Adkintumün, tamün longko ülmen küpaley eymün tamün pepayaetew, ñom piwke mew, kawellutuley kiñe furiku, kiñe we pichi furiku mew, kutama yekechi kude kulliñ tañi koñi.’ ”

Matew 27:11

Fey Jesus ta yengey tati gobernador mew, fey ramtueyew ta Pilato: —¿Eymi am tati longko ülmenkülelu ti pu judiu mew? —May, eymi rüf dungu feypipeymi —pi ñi llowdungun ta Jesus.

Luka 19:38

Fey feypi engün: “¡Fütra küme felen niepe ti longko ülmen küpalelu Ñidol Ngünechen ñi piel mew! ¡Küme tüngün mülepe ta wenu mapu mew ka fütra pepiluwün mülepe ta wenu mew!”

Luka 2:11

Tüfachi pun ta choyüngey David ñi waria mew kiñe Montulchefe, feyti Cristo, tati Ñidolngealu.

Luka 23:3

Fey Pilato ramtufi ta Jesus: —¿Eymi am tati pu judiu ñi longko ülmen? —Eymi ta kisu feypimi iñche ñi longko ülmenngen —llowdunguy ta Jesus.

Luka 23:38

Ka mülerkey Jesus ñi wente longko püle kiñe letreru feypilelu griegu, latin ka ebrewdungun mew: tüfa tati pu judiu ñi longko ülmen.

Juan 1:49

Fey Natanael feypifi ta Jesus: —Kimeltufe, ¡eymi ta rüf mew Ngünechen ñi Fotüm! ¡Eymi ta israelche ñi longko ülmen!

Juan 12:13

Feymew Jesus amulelu rüpü mew, ti pu che katrünentuyey tapül palmera ka tripay engün ñi llowmeafiel wirarkülen: “¡Osana, tüfa ta montulaeiñmew! ¡Küme felen nieay tati küpalu Ñidol ñi üy mew! ¡Küme felen nieay ta Israel ñi longko ülmen!”

Juan 18:37

Feymew Pilato ramtuy: —¿Fey longko ülmen ürke anta eymi? Jesus feypi: —Eymi ta feypimi. Iñche ta longko ülmenngen chumngechi feypimi ta eymi. Iñche ta choyüngen ka küpan ta tüfachi mapu mew tañi feypiael rüfngechi dungu. Fey kom tati koneltulelu ti rüfngechi dungu mew, fey ta allkütukeenew.

Juan 19:19

Pilato werküy ñi elkünulngeael kiñe letreru Jesus ñi longko püle ti kürus mew, feypilelu chem mew ñi langümngen: jesus nasaret tuwlu, tati pu judiu ñi longko ülmen.

Juan 20:28

Feymew wirarüy: —¡Iñche ñi Ñidol ka Ngünechen!

Juan 5:23

femngechi itrokom che ñi püramyeafiel ta Fotüm chumngechi püramyekefi ta Chaw Ngünechen. Tati püramyenofilu ta Fotüm ka femngechi püramyekelafi ta Chaw, tañi werküetew.

Juan 9:38

Feymew ti wentru lukunagi Jesus ñi inafül ka feypi: —Feyentun tati, Ñidol.

Ebrew 1:6

Welu kangelu lifru mew, kisu ñi wünenkülechi Fotüm chalintukufilu ta chüf mapu mew, feypi: “Ngünechen ñi pu werken püllü püramyeaeyew ngillatun mew ta kisu.”

Apokalipsi 22:16

“Iñche, ta Jesus, werküfiñ tañi werken püllü tañi kimelmeael itrokom tüfachi dungu tati pu trokiñ feyentulelu mew. Iñche tati küpayalu David ñi yomelche mew pikeel. Iñche tati wangülen epe wün tripapakelu.”