Matew 1:23 - Ngünechen Tañi Küme Dungu

²³ “Niepüñeñay ta kiñe üllchadomo petu fütangenolu, fey nieay ta kiñe wentru püñeñ. Emanuel pintukulelngeay tañi üy” (tüfa ta feypin ürke: “Ngünechen müley ta iñchiñ mew”).

Mapudungun

²³ “Niepüñeñay ta kiñe üllchadomo petu fütangenolu, fey nieay ta kiñe wentru püñeñ. Emanuel pintukulelngeay tañi üy” (tüfa ta feypin ürke: “Ngünechen müley ta iñchiñ mew”).

Matew 1:23 ပူးပေါင်းရင်းမြစ်များ

Matew 1:24

Feymew Jose trepelu tañi pewma mew, kom femi chumngechi tañi feypietew tati werken püllü, fey kureyefi ta Maria.

Matew 28:20

ka kimeltuafimün tañi feyentuael engün kom iñche tamün werküwkefiel ta eymün. Iñche rumel mülean ta eymün mew, tunte afllele rume ta mapu. Felepe may.

Luka 20:44

¿Fey chumngechi am ti Cristo David ñi tuwünngey, fey David am iñche ñi Ñidol pifilu tati Cristo?

Juan 1:14

Tüyechi Dungun Wentrukünuwpay tañi mülepayael iñchiñ mew, rume piwkeyen mew ka rüf dungu mew. Peñmafiyiñ Ngünechen ñi eluetewchi fütra pepiluwün kisu am kiñenngelu ñi femngen tañi Chaw engu.

Hecho 18:9

Kiñe pun, Ñidol feypifi ta Pablo, kiñe pewma mew: “Llükakilnge. Amulnienge tami kimelün ti werken dungu ka femkünuwkilnge tami dunguleael.

Romanu 8:31

¿Ka chem feypiaiñ am? Fey Ngünechen mülele iñchiñ mew, ¿fey iney am kayñetuaeiñmew?

Romanu 9:5

Iñchiñ taiñ pu kuyfike tuwünche em tañi pu yomel pu che. Ka kisu engün tañi tuwünche mew küpay tati Cristo, fey Ngünechen tati ngüneniefilu itrokom dungu. Rumel püramyengepe. Felepe may.

2 Korintio 5:19

Fey tüfa ta feypin: Cristo mew ta Ngünechen femkünuy ñi kümelkawtuael tüfachi mapu mew mülechi pu che engün, fey ñi ngüneduamüñmanofiel ñi yafkan tati pu che. Fey iñchiñ ta werküeiñmew taiñ kimelael fey tüfachi werken dungu.

1 Timotew 3:16

Rume fütra dungu tati kimngekenofelchi afmatufal dungu taiñ feyentuleel: Ngünechen ta pewfaluwi fey wentrukünuwpay, kisu ta wewi kelluetew mew tañi Küme Püllü ka peeyew tati pu werken püllü. Kimelyengey kom trokiñke mapu mülechi pu che, feyentungey chüf mapu mew, ka llowngetuy tati llümllümchi wenu küme mülewe mew.

2 Timotew 4:17

Welu Ñidol feyngey ñi kelluetew ka eluenew ta newen. Fey femngechi tañi amulnieafiel ta wewpin mew tati werken montuluwün dungu ka femngechi tañi allküael engün ti dungu kom tati feyentukenolu ta Cristo mew. Femngechi ta Ñidol montulenew tati trapial reke wapolechi pu che mew

2 Timotew 4:22

Ñidol Jesucristo mülepe ta eymi mew, fey Ngünechen ta füreneaeymünmew ta eymün. Felepe may.