Marku 3:11 - Ngünechen Tañi Küme Dungu

¹¹ Fey tati pu weküfü pefilu ta Jesus, lukutunagmekey engün Jesus ñi fül mew ka wirarümekey: —¡Eymi ta Ngünechen tañi Fotüm!

Mapudungun

¹¹ Fey tati pu weküfü pefilu ta Jesus, lukutunagmekey engün Jesus ñi fül mew ka wirarümekey: —¡Eymi ta Ngünechen tañi Fotüm!

Marku 3:11 ပူးပေါင်းရင်းမြစ်များ

Matew 14:33

Feymew tati pu disipulu mülelu ti pichi farku mew, lukunagi engün Jesus ñi inafül ka feypi engün: —¡Rüf dungu mew eymi ta Ngünechen ñi Fotüm ürke!

Matew 4:3

Fey tati weküfü fülkontufi ta Jesus ñi kintukaduamafiel, ka feypifi: —Rüf dungu mew Ngünechen ñi Fotümngelmi, werkünge tañi kofkewtuael ta tüfachi pu kura.

Matew 4:6

Ka feypifi: —Rüf dungu mew Ngünechen tañi Fotümngelmi, ütrüfnagümuwnge tüfa mew, tati Wirin Chillka am feypilelu: ‘Ngünechen ta werküay tañi pu werken püllü tami llüwatunieaetew. Fey pürüm witrañpüramaeymew engün tañi kuwü mew, femngechi tami allfüpunoael ti pu kura mew.’

Matew 8:29

Fey eluwi engu ñi wirarün: —¡Kontumupakeliyiñ, Ngünechen ñi Fotüm! ¿Küpaymi anta faw tami kutrankamuafiel petu tañi puwnon tati medin antü? —pi engu.

Matew 8:31

fey llellipueyew ti pu weküfü: —Wemünentumuliyiñ, elumuiñ taiñ konpuael tüfeychi pu sañwe mew.

Marku 1:1

Fey tüfa mew llituy Jesucristo ñi küme dungu, Ngünechen tañi Fotüm.

Luka 4:41

Fentren pu kutran mew wirarkülen tripayetuy ti pu weküfü: “¡Eymi Ngünechen ñi Fotüm lle!” pi engün. Welu Jesus katrütudunguniefi ti pu weküfü ka elulafi ñi dunguael engün. Jesus femngechi femfi tati pu weküfü, kisu engün am kimnieetew Ngünechen ñi Cristongen.

Luka 8:28

Fey pefilu ta Jesus, lukunagi ti wentru ñi inafül mew, fey wirarkülen feypifi ta Jesus: —¡Fülpakilnge ta iñche mew, Jesus fütra pepiluwün niechi Ngünechen ñi Fotüm! ¡Iñche llellipuaeyu tami kutrankanoafiel!

Hecho 16:17

Tüfachi üllchadomo eluwi taiñ inanieaetew taiñ wirartunieetew Pablo iñchiñ: —¡Tüfachi pu wentru ta poyekefilu wenu mapu mülechi Ngünechen, kimelpapeeymünmew ta eymün ti montun küme dungu! —pirkey ñi dungun.

1 Korintio 11:34

Fey kiñeke che ngüñülele, ikünukeay kisu ñi ruka mew, femngechi ta Ngünechen ngelayay tamün kutrankayaetew, fey ta famngechi trawün mew. Fey ti kakelu dungu küme adkünumeafiñ amuli iñche tamün pewmeafiel.

Santiaw 2:19

Eymi kimnieymi ñi kiñelen müten ta Ngünechen, fey tüfa mew küme femkeymi. Welu tati pu weküfü ka femngechi kimniey engün, fey müllmüllkey fente ñi llükan mew.