Marku 12:17 - Ngünechen Tañi Küme Dungu

¹⁷ Feymew Jesus ta feypieyew engün: —Fey eluafimün tati emperador ñi koneltuleel tati emperador, fey ka femngechi eluafimün Ngünechen ñi koneltuleel ta Ngünechen. Femngechi ñi llowdunguel mew ta Jesus, rumeñma afmatulewey engün.

Mapudungun

¹⁷ Feymew Jesus ta feypieyew engün: —Fey eluafimün tati emperador ñi koneltuleel tati emperador, fey ka femngechi eluafimün Ngünechen ñi koneltuleel ta Ngünechen. Femngechi ñi llowdunguel mew ta Jesus, rumeñma afmatulewey engün.

Marku 12:17 ပူးပေါင်းရင်းမြစ်များ

Matew 22:21

Fey llowdungungey: —Tati emperador tañi üy ka tañi ange tatey —pirkey engün. Feymew feypi ta Jesus: —Elufimün tati emperador kisu tañi koneltuleel, ka elufimün ñi koneltuleel ta Ngünechen.

Matew 22:22

Fey ti pu che allkülu tüfachi dungu, afmatulewey engün. Fey elkünutufi ta Jesus, fey amutuy engün.

Matew 22:33

Allkülu engün tüfachi dungu, tati pu che rume afmatulewey femngechi ñi kimeltun mew ta Jesus.

Matew 22:46

Iney rume ta llowdungulaeyew kiñe dungu no rume, fey feychi antü mew ta fentekünuy ñi ramtumekeael engün, ka femngechi iney no rume doy ramtuwelay chem dungu no rume.

Matew 8:10

Jesus allkülu tüfachi dungu afmatulewey, fey feypifi ti pu che ñi inanieetew: —Rüf dungu feypiwayiñ iney no rume ngelay israelche mew fente feyentulelu tüfachi wentru reke.

Marku 12:16

Fey yelelngey, fey Jesus ta feypieyew engün: —¿Iney am tañi adentun ta tüfa ka ti üy wirikonkülelu ta tüfa mew? Llowdungungey: —Ti emperador tati.

Marku 12:30

Piwkeyefinge ta Ñidol Ngünechen kom tami piwke mew, kom tami rakiduam mew, ka kom tami kimün mew ka kom tami newen mew.’

Luka 20:25

Fey Jesus feypifi ti pu che: —Fey eluafimün may tati emperador, tañi koneltuleel tati emperador, fey femngechi eluafimün ta Ngünechen tañi koneltuleel ta Ngünechen.

Romanu 12:1

Feymew llemay, iñche ñi pu peñi ka lamngen, llellipuwayiñ Ngünechen ñi kutranpiwkeyechen mew eymün kisu tamün chalintukuwael kiñe lif mongen mañumtun reke, lifngelu ka tutelu Ngünechen mew. Fey tüfa lle tati rüfngechi müngeltun tamün chalintukuael.

Romanu 13:7

Elufimün ta kake kiñeke tunten tañi koneltuleel mew engün. Tati felelu tamün kulliafiel ta kontribusion, kullifimün tati kontribusion. Ka tati felelu tamün kulliafiel ta impuestu, kullifimün tati impuestu. Tati felelu tamün yamafiel, yamniefimün. Tati felelu tamün piwkeyeafiel, piwkeyefimün.

Romanu 6:13

Chalintukukilmün tamün kuerpu ta yafkan mew ñi femael wesake dungu. Eymün feleymün tati layechi che reke, welu ka wiñomongetulu, feymew chalintukuwmün ta Ngünechen mew, tañi femael kümeke dungu.

1 Pedro 2:17

Kom che ta yamnieafimün. Piwkeyeafimün Ñidol mew feyentulechi pu che, yamafimün ta Ngünechen, ka yamafimün tati pu awtoridad.