Luka 5:24 - Ngünechen Tañi Küme Dungu

²⁴ Welu tamün kimael tati Wentrukünuwpalu ñi nien ta pepiluwün ta mapu mew ñi wiñoduamachetuael ta yafkan mew, iñche tremoltuafiñ. Feymew Jesus feypifi tati lañmalelu ñi kuerpu: —Eymi ta feypipeeyu: Witrange. Nünge tami ngütantu ka amutunge tami ruka mew.

Mapudungun

²⁴ Welu tamün kimael tati Wentrukünuwpalu ñi nien ta pepiluwün ta mapu mew ñi wiñoduamachetuael ta yafkan mew, iñche tremoltuafiñ. Feymew Jesus feypifi tati lañmalelu ñi kuerpu: —Eymi ta feypipeeyu: Witrange. Nünge tami ngütantu ka amutunge tami ruka mew.

Luka 5:24 ပူးပေါင်းရင်းမြစ်များ

Matew 16:13

Feymew Jesus puwlu Sesarea Filipo tañi trokiñ mapu mew, ramtufi tañi pu disipulu: —Tati pu che, ¿iney pikeenew anta iñche, tati Wentrukünuwpalu?

Matew 25:31

“Feychi wiñometule tati Wentrukünuwpalu, walloñmanieaeyew ta pelon ka kom tañi pu werken püllü, fey anüay tañi afmafalchi ülmen mülewe mew.

Matew 26:64

Jesus ta llowdungueyew: —May, eymi tami feypipeel rüf dungu tati. Iñche ta feypiwayiñ kay eymün tamün pemuafiel tati Wentrukünuwpalu tañi anülen tati kom pepiluwünngechi Ngünechen ñi man püle, ka tañi wiñometuael wenu mapu kiñe tromü mew.

Matew 28:18

Feymew Jesus fülkonpuy ta kisu engün mew ka feypieyew: —Ngünechen ta eluenew kom pepiluwün wenu mapu ka mapu mew.

Matew 4:24

Nütramyengey ta Jesus Siria trokiñ mapu mew, ka küpalelngeyey epe fill kutran ka fill wesake felen nielu, ka ti pu konweküfülelu, ka tati pu lalatukelu, ka tati pu lañmalelu ñi kuerpu. Fey Jesus kom mongeltufi ti pu kutran.

Matew 9:6

Feymew tamün kimael tati Wentrukünuwpalu ñi nien ta pepiluwün tüfachi mapu mew ñi wiñoduamatuafiel ta che ñi yafkan mew, feypiafiñ tüfachi lemuwkenochi kutran: —Witratunge. Nütunge tami ngütantu, fey amutunge tami ruka mew —pi.

Luka 5:13

Jesus fampuwüleleyew tañi kuwü, fey feypieyew: —Ayülen tati. Tremotunge. Fey kiñe lelen mew müten niewetulay lepra kutran ti wentru,

Luka 5:18

Feymew akuy kiñe mufü wentru küpalniefilu ngütantu mew kiñe kutran lañmalelu ñi kuerpu. Ayürkefuy engün ñi konpuafel pu ruka tañi puwülafiel ti kutran Jesus ñi inafül,

Luka 5:23

¿Chem pin anta doy küdawngelay: Ñi wiñoduamatuafiel ta che ñi yafkan mew, kam ñi tremoltuafiel ñi kutran mew?

Luka 7:14

Feymew müten fülkonpuy, ka nüfi ñi kuwü mew ti llangi ñi yeniengemum ti alwe. Fey ti pu che ñi yenieetew, witrakünuwi engün. Fey Jesus feypifi ti la: —Weche, eymi ta feypipeeyu: ¡Witrapüratunge!

Luka 8:54

Feymew Jesus nüñmafi ti pichidomo ñi kuwü ka feypifi newentu dungun mew: —¡Pichidomo! ¡Witratunge!

Juan 11:43

Fey dew feypilu tüfa, wirari: —¡Lasaru, tripatunge tüfey mew!

Juan 17:2

Fey elufilu am tami Fotüm kom pepiluwün femngechi ñi longkoleael itrokom che mew, ka femngechi tañi eluafiel ta rumel mongen kom tami elufiel.

Juan 3:13

“Iney no rume pürakelay ta wenu mapu, welu may tati nagpalu müten ta wenu mapu: tati Wentrukünuwpalu, tati wenu mapu mülelu.

Juan 5:27

feymew ka elufi pepiluwün tañi ramtukadunguafiel ta che ñi chumken mew, kisu am Ngünechen ñi Wentrukünuwpachi Fotüm.

Hecho 14:10

Feymew Pablo feypifi ti wentru newentu dungun mew: —¡Witrapürange ka küme witrakünuwnge tami namun mew! Fey tati wentru witrapüray kiñe ringkün mew, fey eluwi ñi trekayael.

Hecho 5:31

Ngünechen püramtueyew wenu mapu, fey müleputuy kisu ñi man ad püle, fey adniealu ka montulchealu, femngechi tati fütra israel trokiñche tañi wiñorakiduamtuael Ngünechen mew femngechi ñi wiñoduamangetuam engün ñi yafkan mew.

Hecho 9:34

Pedro feypifi ta Enea: —Enea, Jesucristo ta tremoltueymew. Witratunge. Elkünutunge tami ngütantu. Feymew müten Enea witratuy.

Hecho 9:40

Feymew Pedro “kom tripamün wekun” pifi ti pu che, fey lukutuy ka ngillatuy. Feymew leliniewefi ti la, fey feypifi: —¡Tabita, witratunge! Fey ti la lelituy, fey pefilu ta Pedro, anüpüray.

Apokalipsi 1:13

fey pu rangiñ tati regle oro küdetuwe mew, pefiñ kiñe aymüñ che adngelu, tukuniey kiñe takuwün puwkülelu namun püle ka niey kiñe oro iwüd rupalechi trariwe ñi rüku püle.