Luka 4:35 - Ngünechen Tañi Küme Dungu

³⁵ Feymew Jesus katrütudungufi tiyechi weküfü feypilen mew: —¡Dungukilnge ka elkünutufinge ta tüfeychi wentru! Feymew ti weküfü ütrüfpuwülfi pülli mew ti wentru chew müley ti pu che, feymew tripatuy ti wentru mew ka chem wesa allfül-lafi rume.

Mapudungun

³⁵ Feymew Jesus katrütudungufi tiyechi weküfü feypilen mew: —¡Dungukilnge ka elkünutufinge ta tüfeychi wentru! Feymew ti weküfü ütrüfpuwülfi pülli mew ti wentru chew müley ti pu che, feymew tripatuy ti wentru mew ka chem wesa allfül-lafi rume.

Luka 4:35 ပူးပေါင်းရင်းမြစ်များ

Matew 17:18

Feymew Jesus werküfi tati weküfü ñi tripatuael tati pichiwentru mew, fey wemünentufi. Feychi mew müten tremolewetuy ti pichiwentru.

Matew 8:26

Fey kisu llowdunguy: —¿Chumngelu anta fente llükaymün? ¡Müna pichin mupiltun nieymün ta eymün! Feymew feypikünulu, witrapüray, fey werküfi tati kürüf ka ti rew lafken ñi tüngnagael. Feymew ti kürüf ka ti rew lafken tüngkülewetuy.

Marku 1:26

Tati weküfü lalatulfi tati wentru, ka fütra newentu wirarüy, fey tripatuy tati wentru mew.

Marku 4:39

Jesus ta witrapüray, fey werküfi tati kürüf, ka feypifi tati lafken: —¡Ñüküfnagnge! ¡Tüngnagnge! Fey ti kürüf tüngnagi ka itrokom fente küme ñüküfkülewetuy.

Marku 9:26

Feymew ti weküfü wirari, ka kiñe rupachi lalatulfi tati pichiwentru. Feymew müten tripatuy ta kisu mew. La reke femkünufi, fey rume fentren che ta feypiyey “dew lay tati” pi engün.

Luka 11:22

Welu kangelu doy newenngelu, kisu mew akule ka wewpaeliyew, müntuñmangeay ñi weychawe tañi maneluwkülemum, ka müntuñmangeay kom tañi nieelchi chemkün.

Luka 4:23

Fey Jesus llowdunguy: —Rüf dungu mew feypimuan tati: ‘Eymi lawentuchefe, kisu wüne lawentunge tami pu che.’ Ka femngechi may ta feypimuan: ‘Taiñ allküel tami chumün ta Kapernaum ka femnge eymi tami mapu mew.’

Luka 4:39

Feymew Jesus nagkintufi ti kuse, fey werküfi ti aling kutran ñi tripatuael ti kuse mew, fey tremoltuy ti aling kutran mew. Feychi lelen mew müten Simon ñi llalla witratuy ka pürüm eluwi ñi poyeafiel ta Jesus.

Luka 4:41

Fentren pu kutran mew wirarkülen tripayetuy ti pu weküfü: “¡Eymi Ngünechen ñi Fotüm lle!” pi engün. Welu Jesus katrütudunguniefi ti pu weküfü ka elulafi ñi dunguael engün. Jesus femngechi femfi tati pu weküfü, kisu engün am kimnieetew Ngünechen ñi Cristongen.

Luka 8:24

Feymew amuy engün ñi trepelafiel ta Jesus, ka feypifingün: —¡Kimeltufe! ¡Kimeltufe! ¡Petu llañkoniyiñ! Feymew Jesus witrapüray, fey werküdungufi ti kürüf ka ti fütrake rew lafken, feymew kom tüngnagtuy ka küme ñüküfkülewetuy.

Luka 9:39

Kiñe weküfü kontukeeyew, fey wirarelkakeeyew ka lalatulkeeyew ka trorfan entukey kowün ñi wün mew. Rume wesa tülaykalkeeyew ka neykümkelaeyew.

Luka 9:42

Fey petu fülpalu ti weche wentru, tati weküfü ütrüfpuwüleyew ka kiñe nag lalatuleyew, welu Jesus wemünentufi ti weküfü, fey tremoltufi ti weche wentru, fey ka wiñoleltufi ti ngen fotüm.

Apokalipsi 12:12

¡Ayüwmün, may, kallfü wenu, ka eymün müleyelu tüfey mew! ¡Welu awngeay tati müleyelu mapu mew ka lafken mew, tati weküfü, kimnielu am ñi alüñmanoael, nagpay eymün tamün kayñetuaetew rume fütra lladken mew!”