Luka 3:12 - Ngünechen Tañi Küme Dungu

¹² Ka femngechi fülpayngün ti pu kofrakelu impuestu Romangealu ñi fawtisangeael engün, fey ramtungey ta Juan: —Kimeltufe. ¿Iñchiñ kay, chem chumaiñ anta tüfa?

Mapudungun

¹² Ka femngechi fülpayngün ti pu kofrakelu impuestu Romangealu ñi fawtisangeael engün, fey ramtungey ta Juan: —Kimeltufe. ¿Iñchiñ kay, chem chumaiñ anta tüfa?

Luka 3:12 ပူးပေါင်းရင်းမြစ်များ

Matew 5:46

Eymün ta piwkeyefilmün tamün piwkeyekeetew müten, ¿chem küme femün am tüfey? Tati kofrakelu impuestu Romangealu kütu ta famngechi femkey.

Luka 18:13

“Welu ti kofrakelu ta impuestu mülewey pichi alü kamapu, newe pürapaduamlay rume tañi lelipürayael, ka femngechi wülelkamekey ñi rüku fente ñi weñangkün. Ka feypimekey: ‘¡Ngünechen kutranpiwkeen may, yafkafengen ta iñche!’

Luka 3:10

Feymew ti pu che ramtueyew: —¿Fey chem chumaiñ anta tüfa?

Luka 3:13

Fey Juan feypieyew: —Doy ingentu kofrakefilmün ti pu che tamün kofrakefielchi impuestu.

Luka 7:29

Kom tüfeychi pu che allkütufilu ta Juan, kenü ti pu kofrakelu ta impuestu Romangealu kütu fawtisaeyew ta Juan, ngüneduamlu engün am Juan ñi wewpiken Ngünechen ñi nor dungu.

Hecho 2:37

Fey ti pu che trawüluwküleyelu fey mew, allkülu engün tüfachi dungu, rumeñma pellkey ñi piwke, feymew ramtufingün ta Pedro ka ti kakelu pu apostol: —Pu peñi ka pu lamngen, ¿chem chumaiñ anta iñchiñ?