Luka 14:11 - Ngünechen Tañi Küme Dungu

¹¹ Femngechi tati re kisutu mallmawkülelu, yewelkangeay. Fey tati kisu illamtuwkülelu, püramyengeay.

Mapudungun

¹¹ Femngechi tati re kisutu mallmawkülelu, yewelkangeay. Fey tati kisu illamtuwkülelu, püramyengeay.

Luka 14:11 ပူးပေါင်းရင်းမြစ်များ

Matew 23:12

Fey tati kisutu mallmawkülelu, fey ta illamngeay. Fey tati kisutu illamuwkülelu, fey ta yamfalchengeay.

Luka 1:51

Afmatufal dungu femi kom ñi pepiluwün mew. Elulafi ñi femael ñi adkünuelchi dungu tati pu mallmangelu.

Luka 1:52

Müntuñmafi ti pu longko ülmen ñi nieelchi pepiluwün, fey dullifi ñi füreneafiel tati kuñifall ñom piwkengelu.

Luka 14:12

Jesus ka feypifi ti wentru tañi mangeletew: —Femngechi eluafilmi ta iyael kam pun iyaelngeay rume, mangelkelayaymi tami pu weni, tami pu peñi no rume, ka tami pu reñma nieel no rume, ka tami rikulechi karukatu no rume. Kisu engün ta ka femngechi wiñome mangeltuaeymew, femngechi wiñolelngetuaymi tami mangelkefiel mew.

Luka 18:14

“Iñche ta feypiwayiñ tüfachi kofrakelu ta impuestu, wiñotulu ñi ruka mew, dew wiñoduamatueyew yafkan mew ta Ngünechen, welu ti farisew wiñoduamangelay ñi yafkan mew. Femngechi tati re kisutu mallmakawlu, rume illamkangeay, welu tati kisutu illamuwkülelu, fey ta rume sakinngeay.”

Santiaw 1:9

Feytichi peñi kam lamngen ñochi chengelu newe falintukenofel tüfachi mapu mew, feley tañi mallmawküleael reke fey kisu am Ngünechen ñi dungu mew rume falilelu.

Santiaw 4:10

Ñom piwke niemün Ñidol mew, fey kisu witrañpüramtuaeymünmew.

Santiaw 4:6

Welu Ngünechen doy kellukeeiñmew kisu ñi küme piwkengen mew, fey am Wirin Chillka feypilelu: “Ngünechen katrütukonkey tati pu mallmangelu mew, welu küme piwketukefi tati pu ñom piwkengelu.”

1 Pedro 5:5

Ka femngechi, eymün pu wechekeche, feley tamün müngeltuafiel tati pu longkolelu. Feley tamün müngeltuwael welukonkechi kom ñom piwke mew: “Ngünechen am, katrütukefilu tati pu mallmawünngelu, welu fürenekefi tati pu ñom piwkengelu.”

1 Pedro 5:6

Ngünechen am fütra pepiluwün nielu, feley tamün ñom piwkengeael, fey ta famngechi Ngünechen sakiaeymünmew puwle tati medin antü.