Juan 7:20 - Ngünechen Tañi Küme Dungu

²⁰ Feymew ti pu che llowdungufi ta Jesus: —¡Weküfü ta kontunieeymew! ¿Iney anta ayüley tami langümaetew?

Mapudungun

²⁰ Feymew ti pu che llowdungufi ta Jesus: —¡Weküfü ta kontunieeymew! ¿Iney anta ayüley tami langümaetew?

Juan 7:20 ပူးပေါင်းရင်းမြစ်များ

Matew 10:25

Tati kimeltukeel ka femngechi adümuwle kisu ñi kimeltufe reke, kümey. Ka tati werküpeelchi kona ka femngechi pepiluwle ñi werkükeetew mew, ka kümey. Fey iñche tati ngen ruka ta Belsebu pingeli, ¿chem pingeaymün am eymün?

Matew 12:24

Allkülu tüfachi dungu, tati pu farisew feypi engün: “Belsebu, tati longkolelu ti pu weküfü mew, fey ta elueyew pepiluwün ta tüfachi wentru tañi wemünentuael ta weküfü.”

Matew 9:34

Welu tati pu farisew feypiyey engün: —Tati longkolelu ti pu weküfü mew elufi tüfachi wentru feychi pepiluwün tañi wemünentuafiel tati pu weküfü.

Marku 3:30

Fey tüfachi dungu feypi ta Jesus, kisu engün am “konweküfüley” pifilu engün.

Juan 10:20

Rume fentren ta kisu engün feypiyey: —¿Chumael anta feyentukefimün, weküfü niele ka wedwedkülele?

Juan 8:48

Feymew tati longkolechi pu judiu feypieyew: —Rüfngey taiñ feypiken eymi kiñe Samaria tuwünchengen ka tami konweküfülen.

Juan 8:49

Jesus llowdunguy: —Konweküfülelan ta iñche. Tañi femkeelchi dungu mew püramyekefiñ tañi Chaw Ngünechen, welu eymün püramyemukelan.

Juan 8:52

Feymew ti pu judiu llowdunguy: —Fewla ta küme kimiyiñ tami konweküfülen. Abraam ka ti pu pelon wentru layey engün, fey eymi feypimupeiñ: ‘Tati müngeltulu iñche ñi dungu, chumkawnorume lalayay.’

Hecho 26:24

Feypilu Pablo tüfachi dungu tañi ingkawpeel, Festo wirari: —¡Wedwedküleymi, Pablo! Fente tami chillkatun wedweduwimi.