Juan 2:24 - Ngünechen Tañi Küme Dungu

²⁴ Welu Jesus newe duamkünulafi tüfeychi pu che, fey kimnieñmafilu am ñi rakiduam ta itrokom che.

Mapudungun

²⁴ Welu Jesus newe duamkünulafi tüfeychi pu che, fey kimnieñmafilu am ñi rakiduam ta itrokom che.

Juan 2:24 ပူးပေါင်းရင်းမြစ်များ

Matew 9:4

Jesus am kimnielu tañi femngechi rakiduamkülen engün, fey ramtufi ti pu wentru: —¿Chumngelu anta fente wesa rakiduamküleymün ta eymün?

Marku 2:8

Welu Jesus müchay müten ngüneduami tañi femngechi rakiduamkülen engün, fey ka ramtufi ti pu kimeltuchefe: —¿Chem mew anta femngechi rakiduamküleymün ta eymün?

Juan 1:42

Fey Andre pürümka müten yefi ta Simon chew ñi mülemum ta Jesus, feymew Jesus peetew, feypieyew: —Eymi ta Simon, Juan tañi fotüm, welu Sefa pingetuaymi (Pedro pin tati, fey tüfa “kura” pin ürke).

Juan 16:30

Fewla ngüneduamiyiñ tami küme kimnien kom dungu, fey ngelay chem dungu rume taiñ ramtuael. Fey tüfa famngechi feyentuiñ tami küpan ta Ngünechen mew —pi engün.

Juan 21:17

Küla rupachi ramtuy: —Simon, Juan tañi fotüm, ¿piwkeyeen kay? Pedro, weñangkünagi ramtuetew am küla rupachi fey ñi piwkeyefiel, llowdungufi ta Jesus: —Ñidol, eymi kom kimnieymi. Eymi kimnieymi iñche ta piwkeyeeyu. Jesus feypi: —Kamañelen iñche tañi pu che ufisa reke.

Juan 4:16

Feymew Jesus feypifi ti domo: —Amutunge. Mütrümmetunge tami füta, fey mür küpatuaymu tüfa mew.

Juan 5:42

Kimniewiyiñ ta eymün ka kimnien tamün piwkeyenofiel ta Ngünechen.

Juan 6:15

Welu Jesus ngüneduami ñi ayüngefel ñi yengetuael aporia mew tañi longko ülmenkünungeael, fey ka wiñome püntütripatuy tati doy wechuntu wingkul mew, femngechi tañi kisuleael.

Juan 6:64

Welu petu müley kiñekentu eymün mew tati feyentulenolu. Fey Jesus am kimürkelu llituka mew müten iney engün tati feyentulenolu ka ineyngen tüfey tañi ngünen mew wültukukünuaetew.

Hecho 1:24

Feymew famngechi ngillatuyngün: “Ñidol, eymi ta kimnieymi itrokom piwke. Pengelelmuiñ chuchi am ta kiñe tüfachi epu wentru ta dullimi,

Hecho 15:8

Ngünechen am, kom kimniefilu ta rakiduam, pengeli tañi duamyefiel. Elufi tañi Lif Küme Püllü ta kisu engün, chumngechi elueiñmew ta iñchiñ.

Ebrew 4:13

Ngelay chem no rume tañi dewmael ta Ngünechen ñi ellkaleael ta kisu mew. Itrokom dungu fente küme peniengey ta kisu mew, fey kisu mew am felelu taiñ nentudungupuael.