Juan 10:42 - Ngünechen Tañi Küme Dungu

⁴² Fey rume fentren che feyentuy Jesus mew tüyechi lelfün mew.

Mapudungun

⁴² Fey rume fentren che feyentuy Jesus mew tüyechi lelfün mew.

Juan 10:42 ပူးပေါင်းရင်းမြစ်များ

Juan 11:45

Fey Lasaru ñi wiñomongetun mew, feyentuy rume fentren pu judiu longkolelu tati amuyelu ñi yafülmeafiel ta Maria, fey pefilu engün am ñi femün ta Jesus.

Juan 12:42

Welu ka femngechi, rume fentren pu judiu feyentuy Jesus mew, ka femngechi kiñeke tati ülmenkülelu. Welu kom che ñi adkiñ mew feypilay engün ñi feyentufiel ta Jesus, llükaniefilu engün am ti pu farisew, femngechi tañi wemünentungenoael engün tati sinagoga mew.

Juan 2:23

Jesus petu mülelu ta Jerusalen tati Paskua kawiñ mew, rume fentren che feyentuy kisu mew, pefilu engün am ti afmatufal dungu ñi femel ta Jesus.

Juan 4:39

Fey rume fentren che tuwyelu ta Samaria trokiñ mapu mülechi waria mew, feyentuy engün ta Jesus mew, tañi küme feypietew mew engün tati domo: “Feypienew iñche kom tañi chumkefel.”

Juan 4:41

Feymew doy alün che feyentuy, kisu allküñmangelu ñi nütramkameken.

Juan 7:31

Rume fentren che feyentuy Jesus mew, ka feypi engün: “Feychi küpale tati Cristo, ¿fempelayay tati afmatufal dungu ta tüfachi wentru ñi femkeel?”

Juan 8:30

Feymew Jesus, feypilu tüfachi dungu, rume fentren che feyentuy kisu mew.