Efesio 5:7 - Ngünechen Tañi Küme Dungu

⁷ Eymün ta niekilmün ta chem koneltun no rume ta kisu engün mew.

Mapudungun

⁷ Eymün ta niekilmün ta chem koneltun no rume ta kisu engün mew.

Efesio 5:7 ပူးပေါင်းရင်းမြစ်များ

2 Korintio 6:14

Eymün ta kiñewkilmün chem dungu mew no rume tati pu feyentulenolu eymün, chafnolu am ta rakiduam mew tati küme femkelu ka tati wesa femkelu. Tati pelon engu dumiñ pepi kiñewlayafuy.

Efesio 3:6

Fey tüfa lle tati kimngekenofelchi dungu: feyti pu judiu tuwünngenolu ka koneltuley ñi llowael engün ti werken montuluwün dungu ti pu judiu reke. Koneltuley engün ka feychi trokiñche mew, ka femngechi koneltuley engün Ngünechen ñi tukulpakünuelchi dungu ta Cristo Jesus mew.

Efesio 5:11

Keyükonkilmün ti falinochi wesake dungu mew, ñi femkeel tati pu miyawkelu dumiñ mew reke, welu may feypiafimün feyti dungu ñi femkeel engün ñi kümenon.

1 Timotew 5:22

Fampuwülelkefilnge tami kuwü ta iney no rume ñi longko mew petu tami küme ngüneduamnofiel, femngechi tami keyükonnoael ta kakelu ñi yafkan mew. Famentuwkülenge kom wesake dungu mew.

Apokalipsi 18:4

Ka kiñe dungun allkün ta wenu mapu, feypilu: “Tripamün ta tüfachi waria mew, eymün ta iñche ñi trokiñchengelu, tamün koneltunoael kisu engün tañi yafkan mew tamün ka femngechi dinoaetew rume kisu engün tañi wesake kutrankangen: