Zakaria 7:3 - Ritonõpo Omiry: A Bíblia Sagrada na língua Aparai do Brasil

³ Oturupotohme roropa taropose toto oturuketomo a, urutõ komo a roropa, ynara ekaropose: — Tuhke jeimamyry taropose yna a yna xitary poko te, amotyryae otuhpyra ehtoh poko, nuno 5mã po, moro nuno po Ritonõpo Tapyĩ enahkatopõpyry kynexine. Moro poko ro yna a zae nae Ritonõpo a?

Zakaria 7:3 ပူးပေါင်းရင်းမြစ်များ

Extara 3:10

Morarame Ritonõpo Tapyĩ apõ tyrikehse ahtao tyrinanomo a, xikihme toehse oturuketomo. Tupõkõ kurã tamuruse eya xine, rue ke tomahpõke toh nexiase. Rewita tõ, Asape pakomotyamo a paratu tõ tarose eremiatoh ritohme, Ritonõpo eahmatohme Tawi, Izyraeu tõ tuisary nyripohpyry ae ro.

Ekereziaxti 3:4

Emynyhmatoh nae mana te, atãkyematoh roropa nae mana. Ihnamotoh nae mana te, watoh nae roropa mana.

Ozeja 4:6

Ypoetory tõ ypoko tuaro se pyra mã toto. Morara exiryke osenahkãko mã toto. Amarokõ roropa, oturuketomo, ya tuaro se pyra matose, ynyripohpyry poko tuenikehse oya xine. Naeroro oturuketõme orumekatorỹko ase, omũkuru tõ se pyra ase roropa ymaro oturuketõme.

Joeu 2:17

Amarokõ roropa, oturuketomo Ritonõpo Tapyĩ zara po erohketomo, oxitatoko, ynara kahtoko Ritonõpo a: “Opoetory tõ onuãnohpyra exiko, Ritonõpo! Yna onyporemãkapopyra exiko imehnõ ahno neneryme, yna oneunohpyra imehnõ nonory põkõ ehtohme, ynara kara toto ehtohme: ‘Otoko hnae mokyro, Ritonõpo Oesẽkomo?’ ”

Ajeu 2:11

Ynara tykase Ritonõpo Jamihmehxo Exikety: — Ytoko, oturuta oturuketõ maro. Oturupoko eya xine toto osenetupuhtoh waro oehtohme. Ynara ekaropoko eya xine:

Zakaria 7:4

Mame Ritonõpo Jamihmehxo Exikety tõturuse ya

Zakaria 7:5

ynara katohme oturuketomo a, ahno a roropa: — “70me jeimamyry taropose oya xine oxitarykõ poko, amotyryae otuhpyra oehtohkõ poko roropa nuno 5mã po, nuno 7mã po roropa. Yrome moro onyripyra mexiatose jeahmatohme.

Zakaria 8:19

— Amotyryae otuhpyra oehtohkõ nuno asakoropane exikety po te, 5me exikety po, 7me exikety po, 10me exikety po roropa, emero jeimamyry ae, oseahmatohme exĩko mã kehko, otuhtoh konõto roropa Juta tõ atãkyematohme. Naeroro zae ehtoh sehxo ehtoko, oxiehno pyra oehtohkõme roropa.

Marakia 2:7

Zae imehnõ amorepatohme ypoko, oturuketõ tyripose ya, tuaro se imehnõ ahtao zae ehtoh poko, ah nytõ toto oturuketomo a Ritonõpo Jamihmehxo Exikety omiry ekaronanõme aexirykõke.

Mateu 9:15

Ynara tykase Jezu eya xine: — Amotyryae rokẽ otuhnõko matose oemynyhmarykõke. Yrome ypoetory tõ ymaro toexirykõke emynyhmara mã toto, tãkye rokẽ toexirykõke. Toorihse jahtao rokẽ emynyhmãko ypoetory tõ mana. Amotyryae rokẽ roropa mã otuhnõko toto toemynyhmarykõke, toorihse jexiryke, tykase Jezu eya xine.

1 Korĩtiu 7:5

Xihxi tomo, oniokomo a: “Amaro se pyra ase,” kara ehtoko. Morararo orutua komo: “Amaro se pyra ase,” kara ehtoko opyxiãkomo a. Ynara karyhtao oya xine: “Oximaro pyra sehne aporo,” karyhtao oya xine asakoro ro, yronymyrymehxo Ritonõpo maro õtururukõ poko oehtohkõme, kure. Tuhke pyra onyhtoko oximaro pyra. Imeĩpo oximaro ehtoko ropa imehnõ poko penetara oehtohkõme, iirypyryme oripyra xine joroko tamuru ehtohme.

Teuteronomiu 33:10

Onyripohpyry tõ poko opoetory tõ amorepãko mã toto, ixtaratu zahkãko mã toto oẽpataka, okyryry apoto apõ po tynekarory tõ zahkãko mã toto.