Zakaria 4:4 - Ritonõpo Omiry: A Bíblia Sagrada na língua Aparai do Brasil

⁴ Mame oturupoase mokyro Ritonõpo nenyokyhpyry a: — Tuisa, oty katohme morohne nae?

Zakaria 4:4 ပူးပေါင်းရင်းမြစ်များ

Extara 5:2

Mokaro nekarohpyry Ritonõpo poe totase Zoropapeu, Saratieu mũkuru a te, Jozue, Jozatake mũkuru a roropa. Naeroro toerohpitose toto Ritonõpo Tapyĩ riry poko ropa Jerusarẽ po. Mokaro a takorehmase roropa toto, urutõ komo a, asakorõkomo a.

Tanieu 12:8

Aomiry etase repe, yrome onenetupuhpyra exiase. Morara exiryke ekaropoase eya: — Ajohpãme sã kuuruko, otara morohne exĩko nae aotyhkatohme?

Zakaria 1:19

Ritonõpo nenyokyhpyry ymaro oturukety a ekaropoase. Ynara ase eya: — Oty katohme moro iretyry tomo? Jezukuase ynororo, ynara nase: — Mokaro mã imehnõ nonory põkomo. Eya xine Juta tõ sapararahme taropose sero nono poro porehme, Izyraeu tõ maro Jerusarẽ põkõ maro.

Zakaria 1:9

Inenyokyhpyry toiro tõturuse ymaro. Naeroro ekaropoase eya: — Pãna, onokah koh moxiã inenyohtyamo kawaru tõ po? — Enepõko ase oya, tykase ynororo.

Zakaria 4:5

— Zuaro pyra hma? tykase ynororo tõturupose ya. — Arypyra, zuaro pyra ase! ase eya.

Zakaria 5:6

— Otyh sehny? ase, ekaropoase. Ynara tykase ynororo: — Rutoimome mana, enetupuhpotohme sero nono põkõ rypyry poko.

Zakaria 6:4

Ekaropoase Ritonõpo nenyokyhpyry a: — Pãna, oty katohme moro kahu tõ etonatohme nae?

Mateu 13:36

Morarame imoihmãkõ turumekase Jezu a. Tomõse tapyi taka. Mame ipoetory tõ toytose eya, oturupose. — Otara katoh koh moro ãtaryka poko moturuno? Moro tupito poko yna amorepako ropa, tykase toto Jezu a.