Zakaria 10:2 - Ritonõpo Omiry: A Bíblia Sagrada na língua Aparai do Brasil

² Toiparo rokẽ ekaropõko matose oneponãmarykomo a, joroko tõ poe urutõ komo a roropa, ajohpe rokẽ mã toto, enekunohnõko rokẽ mã toto. Osenehtoh poko amorepananõ ajohpe rokẽ mã toto. Omiãko mã toto emuhkehkananõ sã repe, yrome aomiry anakorehmara mana. Morara exiryke ahno etuarimãko mã toto, xiaxiake ytõko mã toto kaneru tõ samo tosẽke pyra ahtao.

Zakaria 10:2 ပူးပေါင်းရင်းမြစ်များ

Jenexi 31:19

Mokyro Rakeu tõ zumy imepỹ po kynexine erohnõko toky tõ poko kaneru tõ hpoty sahkãko. Mokyro esahpyo tomõse Rakeu itapyĩ taka tumy neponãmarykõ ematonanohse.

1 Tuisa 22:17

Mame ynara tykase Mikaia eya: — Izyraeu tõ soutatu tõ enẽko ase sapararahme ypy tõ poro kaneru tõ samo tosẽke pyra. Mame ynara tykase Ritonõpo Kuesẽkomo: “Moxiã tosẽke pyra mã toto; ah nytõ toto tosaka xine ropa, osetapara ehtohme,” tykase.

Jo 13:4

Tuaro pyra oehtohkõ zonẽnõko matose ajohpe ehtoh ke; Opi warõkõ sã matose kurãkõkara kurãkary warõkara samo.

Jo 21:34

“Jepe tomo, jemuhkehkasaromepyra matose, õmirykõ emero ajohpe rokẽ mana.”

Izaja 41:29

Mokaro ahno neponãmary tõ otyme kure? Arypyra ipunaka, tyriry waro pyra mã toto! Mokaro ahno naxikahpyry tõ isene pyra mã toto tyjamihke pyra mã toto ipunaka.”

Izaja 44:25

Imeĩpo ehtoh ekaronanõ tyrĩko ase putupyra exiketõme, urutõ ajohpãkõ omiry ae onyripopyra ase. Tuaro exiketõ omiry tyrĩko ase zae pyra, zuaro toto ehtoh enepõko ase zuaro pyra ehtoh samo.

Izaja 44:9

Mokaro tyneponãmarykõ rinanõ popyra mã toto. Inyrityã roropa isehxo aexityã popyra mã toto. Tynyrityã eahmananõ tuaro pyra mã toto, tonure pyra roropa mã toto, naeroro ehxirõko mã toto.

Izaja 46:5

“ ‘Onoky sã jekarõko matou?’ ãko Ritonõpo. ‘Onoky nae ysã exikety?’

Jeremia 10:8

Mokaro emero zuaro pyra mã toto, putupyra exiketõ sã mã toto. Toto anamorepara ineponãmarykõ wewe risẽ mana?

Jeremia 14:13

Mame ynara tykase ywy: — Ritonõpo, Jesemy, tuaro mase: urutõ kõ nae ynara ãko ahno a: “Etonatoh exipyra mana, omise konõto ehtoh exipyra roropa mana. Õmihpyry omi poe, osepeme ehtoh exĩko mana sero nono po,” ãko mã toto.

Jeremia 14:22

Imehnõ nonory põkõ neponãmarykõ emero konopo onenehposaromepyra mã toto; tamoreme kapu tuna onemasaromepyra mana nono pona. Oeraximãko ynanase Ritonõpo yna Esemy, omoro rokẽ morohne riry waro oexiryke.”

Jeremia 23:17

Oturukehpyra mã toto jomiry se pyra exiketomo a: “Kure rokẽ exĩko mana.” Putupyra exiketomo a: “Popyra ehtoh oehpyra exĩko oya xine mana,” ãko mã toto.

Jeremia 23:32

Etatoko ke ywy, Ritonõpo, ynara ãko ase: urutõ kõ epeme pyra ase tõsenehtohkõ ekaroryhtao pehme ajohpe ehtoh ke. Tõsenehtohkõ ekarõko mã toto, ajohpe ehtoh maro, epyrypãko mã toto, ypoetory tõ azahkuru ehtoh poko tyripõko mã toto. Mokaro onenyohpyra exiase, toto anaropopyra exiase, ypoetory tõ anakorehmara mã toto ipunaka. Ywy, Ritonõpo, oturũko ase.

Jeremia 27:10

Oenekunohtorỹko mã toto, ynara oritorỹko mã toto: taroposẽme exĩko matose ononorykõ poe, mya tarosẽme exĩko, mame tonahkasẽme exĩko matose.

Jeremia 27:14

Imehnõ urutõ kõ omiry onetara exiko, Papironia tuisary poetoryme pyra oriporykõ se toto ahtao. Oenekunohtorỹko mã toto.

Jeremia 27:9

Imehnõ urutõ kõ omiry onetara ehtoko, imeĩpo ehtoh waro exiketõ omiry roropa: tõsenehtopõpyry ke te, tõtururuke aorihtyã zuzenu tomo a te, pyaxiã maro tõtururuke roropa. Mokaro emero ourutorỹko mã toto osekaropyra oehtohkõme Papironia tuisary a.

Jeremia 28:15

Ynara tykase roropa ywy: — Etako pahne, Hanania! Omoro enyohpyra Ritonõpo Kuesẽkõ nexiase; mokaro enekunohnõko mase, ajohpe ehtoh ekaroryke eya xine.

Jeremia 29:8

Ywy, Ritonõpo Jamihmehxo Exikety, Izyraeu tõ Esemy ourutorỹko ase: osenekunohpopyra ehtoko urutõ komo a amarõkomo te, imeĩpo ehtoh poko zuaro ase, kananomo a roropa. Toto omiry onetara ehtoko mokaro osenehtohkõ poko roropa.

Jeremia 37:19

Otoko hnae mokaro opoetory tõ, aoturutyamo: “Papironia tuisary oehpyra mana osetapase amaro, ononory põkõ maro,” kahpõkomo?

Jeremia 50:17

Ritonõpo Kuesẽkõ ynara tykase: — Izyraeu tõ kaneru tõ sã mã toto tyyryhmase ahtao reão tomo a, sapararahme taropose ahtao roropa eya xine. Osemazuhme Izyraeu tõ typoremãkase Axiria tuisary a, imeĩpo jehpyry tonahse tuisa Napukotonozo a, Papironia esemy.

Jeremia 51:23

Erase tõ totapase oya jeky tõ kaneru roropa. Tupito poko erohketõ totapase oya jeky tõ kawaru roropa, kowenatu tomo te, kowenu poko erohketõ maro.”

Jeremia 6:14

Ypoetory tõ apurotopõpyry poko oty kara mã toto, mynyhme pyra ekarõko mã toto: “Kure rokẽ mana,” ãko mã toto kure pyra emero ahtao.

Jeremia 8:11

Ypoetory tõ apurotopõpyry ekarõko mã toto emikatoh sã rokene. Ynara ãko mã toto: “Kure rokẽ mana,” ãko popyrahxo ahtao.

Ramẽtasão 2:14

Urutõ kõ a ajohpe rokẽ enepotoh tokarose oya xine oenekunohtohkõme. Jarao oorypyrykõ tonepose ahtao eya xine ohxirotohkõme, tyoro sã oehtohkõ exiry seromaroro, kurehxo exiry oya xine. Mokaro urutõ komo a tonekunohse mexiatose, ajohpe toto omiry ke.

Ezekieu 21:21

Papironia tuisary etypohnõko mana osema apiakatoh po. Tyrityã poe tuaro se ynororo tosemary menekatohme. Naeroro typyre wino asakoro pyrou anỹnõko mana, apotunuru wino, opozery wino, enara, tyneponãmary a ekaropõko mana, erery enẽko roropa mana, okyno erery totapase aexihpyry tynekaroryme.

Ezekieu 21:29

— Amonita tomo, oenepotopõpyrykõ ajohpe rokẽ mã kehko. Urutõ kõ omiry oya xine zae pyra mã ipunaka. Popyra matose, iirypyryme rahkene. Awãnohtohkõ oehnõko mana, oenahkatohkomo. Tapema epukãko mana opymyrykõ pona, oetapatorỹko mana.

Ezekieu 34:5

Mame tosẽke pyra toto exiryke sapararahme toehse toto. Tosekase toto onokyro tomo a, tõse roropa toto eya xine.

Ezekieu 34:8

“Ywy, isene exikehpyra Exikety, jomiry etapõko ase oya xine. Kaneru ewomananõ pyra jeky tõ exiryke tyyryhmase mã toto, tosekase mã toto, tõse onokyro tomo a. Ypoetory tõ kaneru ewomananõ ytopyra tokurehse toto exiryke zupise xine. Osepyno rokẽ toh nexiase, jeky tõ pyno pyra.

Ozeja 3:4

Moro sã tuhke ẽmepyry eraximãko Izyraeu tõ mana tuisa konõto maro pyra te, imepỹ tutuisake pyra roropa te, tynekarorykõ onyahkara exĩko mã toto, xikihme exiketõ topu risẽ Paau kyryry poko pyra exĩko mã toto, tyneponãmarykõ poko pyra exĩko roropa mã toto tytapyĩkõ tao.

Mikeja 2:12

Ynara ãko Ritonõpo Izyraeu tomo a: — Amarokõ emero Izyraeu tõ akoĩpyry oximõme enehpõko ase, oenehtorỹko ropa ase ynekarohpyry pona oesarykõme, kaneru tõ pyno exikety toky tõ arory sã ona poro te, toto enepyry ropa ewomatoh taka ropa. Morarame apatarykõ pehme exĩko ropa mana ahno ke; panaikato exĩko ropa toytoytorykõ poko.

Apakuke 2:18

Otyme kure ahno neponãmary tomo? Ahno nyrihpyryme rokẽ moro osenekunohtohme rokene. Oturupyra mã kehko. Otãto mokyro jamitunuru enetupuhnõko nae tyrise ahtao eya ro?

Zakaria 11:17

Popyra ehtoh oehnõko eya, kaneru poko erohkety popyny! Toky tõ turumekase eya. Emary toiro, enuru apotunuru wino tapurosẽme exĩko etonatoh po! Emary pakaihkapỹme exĩko, enuru tonurẽkarame exĩko roropa mana.

Numeru 27:17

toto tuisaryme atatapoiry poko, kaneru sã pyra toto ehtohme tosẽke pyra toto ahtao?

Mateu 9:36

Mame imoihmãkõ eneryke tyya toto pyno toehse ynororo yronymyryme, torẽtyke toto exiryke. Turumekase sã roropa toexirykõke, kaneru tõ samo, tosẽkãkara samo.

Maku 6:34

Morarame towomyryhtao kanawae ahno imoity tonese eya. Toenupunase ynororo toto poko okyno tõ sã toto exiryke, tosẽkãkara samo. Morara exiryke tamorepase toto eya itamurume.

Teuteronomiu 13:2

“Imeĩpo ynara exĩko mana,” karyhtao eya, mame moro toehse ahtao ro aomihpyry ae, aarorykõ se ynororo ahtao imehnõ neponãmarykõ eahmatohme

Juize 18:14

Ynara tykase mokaro 5mãkõ, tymarõkomo a: — Zuaro pyra hmatou, toiro sero tapyĩ tao ritõ panõ nae, wewe risemy jõtohpyry parata ke? Imehnõ ritõ nae roropa te, oturukety zupõ roropa. Otara enetupuhnõko matou? Oty rĩko sytatou?