Teuteronomiu 7:8 - Ritonõpo Omiry: A Bíblia Sagrada na língua Aparai do Brasil

⁸ Yrome opyno xine Ritonõpo nexiase, tyjamitunuru ke amarokõ typynanohse eya Ejitu tuisary Parao winoino, inamotokõme awahtao xine. Moro tyrise eya tõmihpyry omipona toehtohme, tõmihpyry totapose exiryke eya kytamuru tomo a.

Teuteronomiu 7:8 ပူးပေါင်းရင်းမြစ်များ

Jenexi 19:16

Mame axĩ pyra Ro exiryke emary tapoise Ritonõpo nenyohtyamo a, Ro te, ipyty te, ẽxiry tõ maro. Tarose toto pata poe Ro pynanopyry se Ritonõpo exiryke.

Jenexi 19:29

Moro sã pata tõ tonahkase Ritonõpo a jakanahmã po. Mame tõsenetupuhse roropa ynororo Aparão poko. Naeroro Ro takorehmase eya epatohme, orihpyra aehtohme ipatary tonahkase ahtao.

2 Samueu 22:20

Tanỹse ywy eya, osa towomase exikety pona. Ypynanopyase jamaro jexiryke.

1 Tuisa 10:9

Kure kuhse Ritonõpo mana, Oesemy. Tãkye opoko toexiryke oriase Izyraeu tõ esẽme. Jũme Izyraeu tõ pyno aexiry exikehpyra mana. Morara exiryke Izyraeu tõ tuisaryme oriase, toto akorehmatohme zae ehtoh poko toto ehtohme.

1 Koronika 16:16

Tõmihpyry totapose Aparão a: “Morara tyrĩko ase,” tykase Izake a.

2 Koronika 9:8

Kure rokẽ Ritonõpo mana, Oesemy, tãkye opoko toehse toexiryke oriase Izyraeu tõ tuisaryme. Jũme Izyraeu tõ pyno exikehpyra mana. Morara exiryke Izyraeu tõ tuisaryme oriase, toto akorehmatohme zae ehtoh poko toto ehtohme.

Saumu 105:42

Wenikehpyra kynexine tõmihpyry kurã poko typoetory Aparão a.

Saumu 44:3

Typyrekõ ke pyra moro nono typoremãkase opoetory tomo a; tyjamitunurukõke pyra topetõkara typoremãkase eya xine. Yrome ajamitunuru ke orẽpyra oexiryke typoremãkase toto eya xine, imaro xine oehtoh poko tutuarõtanohpose toto oya exiryke roropa. Moro eneryke tyya xine typyno xine oehtoh waro toh kynexine.

Saumu 44:4

Ritonõpo, utuisaryme mase, Jesẽme roropa; orẽpyra opoetory tõ rineme mase.

Exutu 13:14

Imeĩpo opoenõkõ oturuporyhtao oya xine: “Oty kary morohne?” toto ezuhnõko matose: “Tyjamitunuru ke Ritonõpo a tarose yna Ejitu poe. Moroto imehnõ namotome ynanexiase.

Exutu 13:3

Ynara tykase Moeze Izyraeu tomo a: — Wenikehpyra ehtoko sero ẽmepyry poko. Seroae Ejitu turumekase oya xine. Moroto imehnõ namotome mexiatose. Sero ẽmepyry ae amarokõ tonehse Ritonõpo a tyjamitunuru ke. Wyi porutatoh maro onenahpyra ehtoko.

Exutu 20:2

— Ywy ase Ritonõpo Oesẽkomo. Kuenepyatose Ejitu poe, imehnõ namotome awahtao xine.

Exutu 32:13

Wenikehpyra exiko opoetory tõ poko, Aparão, Izake, Jako, enara. Wenikehpyra exiko õmihpyry poko eya xine: “Apakomotyã emãnõko mã toto tuhke toto ehtohme xirikuato samo kapu poko.” Wenikehpyra roropa exiko õmihpyry poko: “Sero nono ekarõko ase apakomotyamo a jũme toto esaryme ehtohme.”

Exutu 6:6

Naeroro ynara kahtoko Izyraeu tomo a: “Ywy ase Oesẽkomo. Opynanohtorỹko ase otuarimatohkõ wino Ejitu po. Yjamitunuru ke Ejitu põkõ wãnohnõko ase yronymyryme. Opynanohtorỹko ase.

Izaja 43:4

Imehnõ nonory põkõ, ahno tytororo ekarory opynanohtohme, typynehxo oexiryke ya, opyno jexiryke, imehxo oriry se roropa jexiryke.

Izaja 63:9

toto etuarimatoh wino. Eya nymyry typynanohse toto, inenyokyhpyry kara, imepỹ urutõ a pyra roropa. Toto pyno toexiryke toto wãnopyry se pyra toexiryke roropa typynanohse toto eya; kokoro rokẽ tanỹse toto eya, tonao tanỹse roropa toto eya, jeimamyry punero.

Jeremia 31:3

moino tooehse ywy, osenepose eya xine. Moino ro opyno xine exiase, naeroro opyno xine jehtoh enepõko ro ase oya xine, jũme opyno xine jehtoh exikehpyra mana.

Ezekieu 36:22

— Naeroro Izyraeu tomo a oturuko, ywy, Ritonõpo Oesẽkõ, ynara ãko eya xine: “Izyraeu tomo, ynyriry rĩko ase seromaroro opyno xine jehtoh ke pyra, yrome jesety kurã pyno jexiryke moro rĩko ase. Nuriame jesety kurã tyripose oya xine emero rokẽ pona toytose awahtao xine.

Mikeja 6:4

Kuenepyatose Ejitu poe, kypynanopyatose imehnõ namotome awahtao xine. Moeze tõ aropoase, Arão maro, Miriã maro roropa aarotohkõme ona tonorẽ kuroko.

Mikeja 7:20

Õmihpyry ae, pake yna tamuru tõ netaryme, anamonohpyra mase yna pyno oehtoh poko, Aparão pakomotyamo, Jako pakomotyã roropa.

Sowonia 3:17

Ritonõpo Oesẽkõ amaro xine mana. Jamihme mana, opynanohtorỹko mana. Tãkye exĩko mã opoko xine. Opyno xine toexiryke isene oritorỹko roropa mana. Eremiãko mana tãtãkyemaryme opoko xine, oseahmatoh ritoh samo.”

Marakia 1:2

Ritonõpo ynara ãko typoetory tomo a: — Moino ro opyno xine ase, ãko. Yrome ekaropõko mã toto: — Otara enetupuhnõko ynanah, yna pyno oexiry poko? Ynara ãko Ritonõpo mana: — Atakorõme Ezau tõ nexiase Jako maro. Yrome Jako pyno exiase ipoenõ maro, ipakomotyã roropa,

Mateu 11:26

Ãmoreme morohne tyrise oya Papa, tyriry se oexiryke, tykase Jezu Tumy a.

Ruka 1:55

Kytamuru ekepyry Aparão typynanohse roropa eya. Ipakomotyamo typynanohse eya roropa jũme, tykase Maria.

Romanos 11:28

Omi kurã se pyra juteu tõ toehse exiryke Ritonõpo epeme pyra toehse, zehno mã toto. Yrome morara toehse mokaro exiryke amarokõ, juteutõkara, Jezu Kyrixtu enetupuhnõko matose. Mãpyra moino ro Ritonõpo nymenekatyãme juteu tõ exiryke toto pyno ro mana. “Ypoenõme matose,” tykase Ritonõpo pake Aparão tomo a. Naeroro juteu tõ pyno ro Ritonõpo mana.

Teuteronomiu 1:8

Sero nono emero ekarõko ase oya xine. Ywy ase Ritonõpo. Jomihpyry etapoase Aparão a, Izake a, Jako a roropa, atamuru tomo, sero nono ekarory poko oya xine, opoenomo a, apakomotyamo a roropa. Naeroro ytotoko moro nono apoise oesarykõme.”

Teuteronomiu 10:15

Yrome atamurukõ pyno nexiase ipunaka. Amarokõ tymenekase eya typoetoryme oehtohkõme emero ahno tõ poe, sero nono põkõ poe. Seroae ro inymenekahpyryme matose.

Teuteronomiu 23:6

Jũme mokaro anakorehmara ehtoko orẽpyrahxo toto ehtohme.

Teuteronomiu 33:3

Typoetory tõ pyno Ritonõpo mana, toto ewomãko mana. Porohnõko mã toto Ritonõpo ẽpataka atamorepatohme inyripohpyry tõ poko.

Teuteronomiu 4:20

Yrome amarokõ typynanohse matose Ritonõpo a, Ejitu poe tonehse eya apoto ẽ tae samo, typoetoryme oritohkõme. Moro sã matose seromaroro.

Teuteronomiu 4:34

Imepỹ ritõ nae na tõsenetupuhse ynara tyritohme, ahno enepyry eya imehnõ nonory põkõ wino, typoetoryme rokẽ toto ehtohme, Ritonõpo Kuesẽkõ nyrihpyry sã opoko xine Ejitu po? Meneatose: eya tyjamitunuru tonepose orẽpyra toehtoh roropa. Meneatose: popyra ehtoh ke te, tynyrihpyry kurã ke roropa, etonatoh ke, tynyriry ke osenuruhkatoh ke roropa tonehse mexiatose eya Ejitu poe.

Teuteronomiu 4:37

Kytamuru tõ pyno Ritonõpo nexiase, morara exiryke amarokõ tymenekase eya; tyjamitunuru ke tysyryhmapose mexiatose eya Ejitu poe.

Teuteronomiu 5:6

“Ywy, Ritonõpo Oesẽkõme ase. Kuenepyatose Ejitu poe, moroto imehnõ namotome awahtao xine.

1 João 4:19

Osemazuhme Ritonõpo kypyno xine. Morara exiryke imehnõ pyno sytatose Ritonõpo poe.

1 Samueu 12:22

Jũme typoetoryme orirykõ se toexiryke tõmihpyry totapose oya xine: “Jũme orumekara xine ase,” tykase ynororo, imehxo Ritonõpo Kuesẽkõ Esety exiryke.