Teuteronomiu 7:18 - Ritonõpo Omiry: A Bíblia Sagrada na língua Aparai do Brasil

¹⁸ Mokaro zuno pyra ehtoko. Wenikehpyra ehtoko Ritonõpo Kuesẽkõ nyrihpyry poko Ejitu tuisary maro, ipoetory tõ maro.

Teuteronomiu 7:18 ပူးပေါင်းရင်းမြစ်များ

Saumu 105:5

Amarokõ, Ritonõpo poetory Aparão pakomotyãme matose, inymenekahpyry Izyraeu pakõme matose, wenikehpyra ehtoko Ritonõpo nyrityã poko tyjamitunuru ke, kuepekõkara wãnohtopõpyry poko eya.

Saumu 77:11

Ritonõpo, wenikehpyra ase onyrityã kurã poko, ajamitunuru ke! Osenetupuhnõko ase onyrityã osenuruhkatoh poko pake ahtao.

Saumu 77:12

Osenetupuhnõko ase emero onyrityã poko, emynyhmãko ase onyrityã poko emero ajamitunuru ke.

Saumu 78:11

Tuenikehse toh kynexine inyrityã kurã poko tyjamitunuru ke toto neneryme.

Numeru 21:34

Ynara tykase Ritonõpo Moeze a: — Mokyro zuno pyra exiko. Toto tuisary ekarõko ase oya xine ipoetory tõ maro, inonory maro. Mame mokyro tyriko onyrihpyry sã Seõ, amoreu tõ tuisary a Hexipõ po.

Teuteronomiu 1:21

Enetoko ke, moroto mana. Ytotoko sero nono apoitohme oesarykõme, Ritonõpo, kytamurukõ Esẽ nyripohpyry omipona. Enaromyra ehtoko, oserehpyra roropa ehtoko.”

Teuteronomiu 1:29

— Mame ynara ase: “Oserehpyra ehtoko, mokaro zuno pyra ehtoko.

Teuteronomiu 1:30

Ritonõpo Kuesẽkõ osemazuhme ytõko mana, etonatoh poko kuakorehmatorỹko mana. Tyrĩko mana tynyrihpyry sã Ejitu põkomo a onenehpyrykõ samo

Teuteronomiu 20:1

Tõturuse Moeze Izyraeu tomo a: — Oytorykohtao etonatohme oepetõkara maro, mame mokaro soutatu tõ tuhkehxo eneryhtao oya xine amarokõ motye, tuhkehxo kawaru tõ roropa kahu tõ etonatoh roropa, mokaro zuno pyra ehtoko. Ritonõpo Kuesẽkõ opynanohpõkõ Ejitu poe amaro xine mana.

Teuteronomiu 3:6

Moro pata tõ tonahkase kyya xine ipunaka. Ahno totapase emero orutua komo te, nohpo tomo te, poetohti roropa, kynyrihpyrykõ samo kuosetaparykohtao tuisa Seõ maro, Hexipõ pono.

Teuteronomiu 31:5

Mokaro ahno tõ ekarõko Ritonõpo mana oya xine, mame toto rĩko matose ynyripohpyry oya xine omipona ipunaka.

Teuteronomiu 31:6

Orẽpyra ehtoko; oserehpyra ehtoko, mokaro zuno pyra roropa ehtoko Ritonõpo Kuesẽkõ amaro xine exiryke. Ytopyra exĩko mana owinoino xine, orumekara xine exĩko roropa mana.

Jozue 8:1

Ynara tykase Ritonõpo Jozue a: — Enaromyra exiko! Orẽpyra exiko! Ytoko opoetory tõ, soutatu tõ maro emero pata Ae põkõ poremãkase. Ituisarykõ poremãkapõko ase oya xine. Ae põkõ ekarõko ase oya xine ipatarykõ maro, inonorykõ maro, enara.

Juize 6:13

— Ritonõpo yna maro ahtao oty katohme etuarimãko ynanae? tykase Kiteão eya. — Otara toehse Ritonõpo nyrityã pake ahtao? Morohne poko turuse yna, yna tamuru tomo a; tyjamitunuru ke Izyraeu tõ tonehse Ritonõpo a Ejitu poe. Yrome eya turumekase yna, tokarose yna mitianita tomo a.