Teuteronomiu 6:4 - Ritonõpo Omiry: A Bíblia Sagrada na língua Aparai do Brasil

⁴ — Etatoko pahne Izyraeu tomo! Ritonõpo rokẽ mã Kuesẽkõme mana.

Teuteronomiu 6:4 ပူးပေါင်းရင်းမြစ်များ

1 Tuisa 18:21

Mame Izyraeu tõ toporyse Eria a ypy po Karameru po. Ynara tykase ynororo: — Otãto pixo matou Ritonõpo se nymyry exiketomo? Otupipyra ehtoko. Ritonõpo mokyro tuisa konõto, Kuesẽkomo. Morara exiryke aomipona se awahtao xine aomipona ehtoko. Yrome Paau oesẽkõme se awahtao xine aomipona ehtoko, tykase Eria eya xine. Yrome onezuhpyra toto.

2 Tuisa 19:5

Mame Ezekia naropotyã omiry totase ahtao Izaja a,

1 Koronika 29:10

Naeroro imoihmãkõ ẽpataka Ritonõpo toahmase tuisa Tawi a. Ynara tykase ynororo: — Ritonõpo, yna tamuru Jako Esemy, “Kure mase,” kakehpyra ynanase.

2 Koronika 17:9

Ritonõpo Omiry tymerose pape pokona tarose tymaro xine. Mame Juta patary tõ pona toytose toto, morotõkõ amorepase Ritonõpo omiry poko.

Neemia 9:6

Ynara tykase Izyraeu tõ Ritonõpo eahmaryme: “Ritonõpo, omoro rokẽ yna Esẽme mase. Kapu tyrise oya, xirikuato tõ roropa. Sero nono tyrise oya, tuna konõto roropa, emero zae exiketõ roropa. Isene toto tyrise oya, emero porehme. Tosekumurukõ po kapuaõkõ porohnõko mã toto oeahmaryme.

Saumu 78:5

Tõmihpyry tokarose eya Izyraeu tomo a, tynyripohpyry Jako pakomotyamo a. Tõmiry ke tumũkuru tõ tamorepapose eya kytamurukomo a

Saumu 86:10

jamihme oexiryke, emese kure roropa oexiryke kurãkõ riry poko. Omoro rokẽ mase Ritonõpo.

Izaja 42:8

Ywy ro rokẽ Ritonõpome ase: morome jesety mana! Imehxo jehtoh onekaropyra ase imehnomo a; imehnõ neponãmary oneahmapopyra ase ipunaka.

Izaja 44:6

Ynara ãko Ritonõpo mana Izyraeu tõ tuisary, Izyraeu tõ Ewomane, Jamihmehxo Exikety: “Ywy ase Apitorymano te, Etyhpyrymãme roropa, toiroro Ritonõpome ase, imepỹ ritõ pyra mana.

Izaja 44:8

Ypoetory tomo, enaromyra ehtoko, oserehpyra ehtoko! Zuaro matose, moino ro pake ehtopõpyry poe, oturuase senohne ehtoh poko. Eneneme matose ajohpe pyra jomiry ehtoh poko. Imepỹ ritõ nae? Arypyra! Imepỹ oewomane pyra mana; onenepitopyra exiase.”

Zakaria 14:9

Ritonõpo Kuesẽkõ sero nono põkõ emero tuisaryme exĩko mana. Ynoro rokẽ Ritonõpome exĩko mana, Kuesẽkõme esehtõko mã toto emero porehme.

Mateu 22:37

Ynara tykase Jezu eya: — Ritonõpo oesẽkõme mana. Morara exiryke ipyno ehtoko yronymyryme. Ise ehtoko okurohtao xine, oorikyrykõ ponãmero. Kure rokẽ tyritoko õsenetupuhtohkõ ae. Oemynyhmarykohtao ro ipyno ehtoko.

Ruka 10:27

Mame tozuhse ropa Jezu eya. Ynara tykase ynororo: — Ynara enetupuhnõko ase, Ritonõpo pyno ehtoko ipunaka. Yronymyryme ipyno ehtoko okurohtao xine oorikyrykõ ponãmero. Kure rokẽ tyritoko õsenetupuhtohkõ ae. Oemynyhmarykohtao ipyno ehtoko ipunaka. Mame osepyno oehtohkõ sã imehnõ pyno ehtoko, katoh tonõ waro ase, tykase ynororo Jezu a.

João 10:30

Papa ime exiry ime jexiry samo. Oxisã ynanase.

João 17:3

Ynara ahtao orihpyra exĩko toto, Ritonõpome nymyry oenetuputyryhtao toto a, onenehpohpyryme jenetuputyryhtao roropa eya xine.

Romanos 3:30

Toiro Ritonõpo mana. Juteu tõ kurãkãko mana Jezu enetuputyryke eya xine. Morararo juteutõkara kurãkãko Ritonõpo mana tonetuputyryke eya xine roropa.

Epezu 4:6

Toiro Ritonõpo mana, Kumykomo. Kuesẽkõme roropa mana. Kymaro xine toerohtoh kyrỹko Ritonõpo mana, kukurohtao xine toexiryke.

Teuteronomiu 4:39

— Zuaro ehtoko seromaroro, jũme wenikehpyra ehtoko roropa: Ritonõpo rokẽ Kuesẽkõme mana moroto kapu ao te, taro roropa sero nono po. Imepỹ ritõ pyra mana.

Teuteronomiu 5:6

“Ywy, Ritonõpo Oesẽkõme ase. Kuenepyatose Ejitu poe, moroto imehnõ namotome awahtao xine.

1 Timoteu 2:5

Toiro rokẽ Ritonõpo mana. Toiro roropa mã kyyrypyrykõ korokane, kyzehno xine pyra Ritonõpo ehtohme. Mokyro mã Jezu Kyrixtu, ahnome exikety.

Tiaku 2:19

Toiro Ritonõpo mana. Moro enetuputyryke oya xine Ritonõpo poetoryme osekarõko matose repe. Yrome joroko tõ roropa moro enetupuhnõko Ritonõpo kure exiry poko. Oserehnõko mã toto, ekurãkara tokurehse toexirykõke.