Teuteronomiu 4:8 - Ritonõpo Omiry: A Bíblia Sagrada na língua Aparai do Brasil

⁸ Imehnõ ahno imehxo exiketõ nae, zae tyripotoh ke, zae amorepatoh ke roropa, Ritonõpo omiry samo, ynekarohpyry sã oya xine seroae? Arypyra.

Teuteronomiu 4:8 ပူးပေါင်းရင်းမြစ်များ

Neemia 9:13

Ypy Xinai pona tyhtose omoro, kapu ae Opoetory tõ zurutohme. Õmihpyry kurã mekaroase eya xine zae ehtoh poko tamorepase toto oya.

Saumu 119:138

Anamorepatopõpyry tõ kure rokẽ mana, zae roropa mã kehko ipunaka.

Saumu 119:144

Anamorepahpyry tõ zae rokẽ mana jũme, tuaro kyriko isene exikehpyra jehtohme.

Saumu 119:160

Õmihpyry emero zae mana; onyripohpyry tõ kurã jũme exikehpyra mã kehko.

Saumu 119:86

Onyripohpyry tõ zae mã kehko emero. Kuakorehmako, tyyryhmase jexiryke ajohpe exiketomo a.

Saumu 119:96

Ynara zuaro toehse ywy sero nono po kurãkõ emero enahnõko mana; yrome õmihpyry jũme yna akorehmãko mana zae ehtoh poko yna ehtohme.

Saumu 89:14

Tuisamehxo mase emero Esẽme roropa; ajohpe pyra mase, zae ehtoh poko rokẽ roropa, yna pyno mase, anamonohpyra roropa mase emero poko awahtao.

Saumu 97:2

Mokyro zomye akurũ tõ mana, ikohmamyry xinukutume roropa. Tuisamehxo mana ajohpe pyra exiketyme ipunaka, zae rokẽ exiketyme roropa mana.

Izaja 42:21

Ritonõpo Oesẽkõ mã typoetory tõ pynanohneme Exikety, morara exiryke tynyripohpyry tokarose eya, toto amorepatohme, tõmiry waro toto ehtohme, omipona se toto ehtohme.

Ozeja 8:12

Ynyripohpyry tõ eya xine tuhke tymerose ya, yrome morohne turumekase eya xine: “Otyme kure moro?” tykase toto.

Romanos 3:2

Kure ro mã juteume ehtopo. Ynara exiryke, tõmihpyry tokarose Ritonõpo a juteu tomo a.

Teuteronomiu 26:19

Moro sã awahtao xine kure rokẽ oritorỹko mana, awaro xine imehnõ tuhkãkõ ehtohme, imehnõ ahno motye imehxo oehtohkõme. Mame aomihpyry ae ro ipoetory kurãme exĩko matose, Oesẽkõ poetoryme rokene.