Teuteronomiu 4:7 - Ritonõpo Omiry: A Bíblia Sagrada na língua Aparai do Brasil

⁷ — Imehnõ ahno imehxo exiketõ pyra mana. Ineponãmarykõ ameke pyra, tyya xine, Ritonõpo Kuesẽkõ ameke pyra ehtoh samo, kymaro xine. Kuomirykõ etãko mana ikohmaryhtao kyya xine kuakorehmatohkõme.

Teuteronomiu 4:7 ပူးပေါင်းရင်းမြစ်များ

2 Samueu 7:23

Opoetory tõ Izyraeu panõ pyra roropa mana sero nono po, typynanohse toto oya opoetoryme toto ehtohme. Imehxo Exiketyme oehtoh waro imehnõ ehtohme ajamitunuru ke takorehmase toto oya. Ejitu poe toto tymyhpokase oya. Mame imehnõ ahno taropose oya toto neponãmarykõ maro, toto esahpyrykõ pona opoetory tõ ytotohme.

Saumu 145:18

Ameke pyra Ritonõpo mana ahno a, ekaroporyhtao eya xine takorehmapotohkõme, ajohpe pyra ekaroporyhtao eya xine.

Saumu 147:20

Morara onyripyra imepỹ nonory põkomo a; imehnõ ahno aomiry waro pyra mã toto. “Kure mase, Ritonõpo,” sykatone!

Saumu 148:14

Typoetory Izyraeu tõ tyripose eya kokoro rokẽ jamihmehxo toto ehtohme. Naeroro eahmatoko, ipoetory tõ anamonohpyra exiketomo, Izyraeu tomo, ipyno aehtyamo. “Kure mase, Ritonõpo,” kahtoko!

Saumu 34:17

“Kuakorehmako, Jesemy!” tykohmase ahtao zae ehtoh poko exiketomo a, etãko Ritonõpo mana, toto pynanohnõko mana aetuarimatohkõ wino.

Saumu 34:18

Sekese pyra exiketõ wino moe pyra Kuesẽkõ mana, atasamaketõ pynanohnõko mana.

Saumu 46:1

Kuewomanekõme Ritonõpo mana, kyjamitunurukõme roropa mana. Ameke pyra exiryke kuakorehmatorỹko mana popyra ehtoh toehse ahtao.

Saumu 73:28

Yrome ywy, tãkye rokẽ ase Ritonõpo maro jahtao! Ritonõpo Jesẽ rĩko ase jesaryme jamihme; imehnõ zurũko ase inyrityã kurã poko emero.

Saumu 85:9

Ajohpe pyra, tõmihpyry omipona se exiketõ pynanopyry se Ritonõpo mana, kynonorykõ po exikehpyra toehtohme, Kypynanohnekõme.

Izaja 43:4

Imehnõ nonory põkõ, ahno tytororo ekarory opynanohtohme, typynehxo oexiryke ya, opyno jexiryke, imehxo oriry se roropa jexiryke.

Izaja 55:6

Ãkorehmatohkõ ekaropotoko Ritonõpo a enery waro awahtao xine; oturutoko eya, ameke pyra ynororo ahtao.

Numeru 23:21

Enẽko ase imeĩpo Izyraeu tõ ehtopo, toto onyporemãkara exĩko imehnõ mana, toto onutuarimapopyra exĩko roropa mã toto. Ritonõpo, Izyraeu tõ Esẽ, toto maro mana, kohtãko mã toto Ritonõpo, Tutuisarykõme exiry poko.

Numeru 23:9

Topuimo emory poe, ypy emory poe Izyraeu tõ enẽko ase. Oxiekyryme mã toto toiroro samo. Imehnõ ahno motye kure ehtoh tokarose Ritonõpo a, eya xine. Moro waro mã toto.

Atos 17:27

— Tonetuputyry se roropa ynororo oya xine, oesẽkõme aehtohme, ameke pyra kyya xine toexiryke.

Teuteronomiu 26:19

Moro sã awahtao xine kure rokẽ oritorỹko mana, awaro xine imehnõ tuhkãkõ ehtohme, imehnõ ahno motye imehxo oehtohkõme. Mame aomihpyry ae ro ipoetory kurãme exĩko matose, Oesẽkõ poetoryme rokene.

Teuteronomiu 33:29

Izyraeu tomo, atãkyemãko matose! Imehnõ asã xine pyra mana, ahno typynanohse Ritonõpo Oesẽkomo a. Oewomatohkõme Ritonõpo mana, atapemãkõme roropa mana Oewomanekõme, orẽpyra oritohkõme roropa. Tosekumurukõ po porohnõko oepetõkara mana, osepynanohpõko oya xine. Mame inonorykõ apoĩko matose ononorykõme.

Teuteronomiu 4:32

— Atamorepatoko pake ehtopõpyry poko, ahno ritopõpyry poe sero nono po. Imeimehnõ nonory po porehme ekaropotoko imehnomo a sero panõ tonese ahtao eya xine, sero panõ kurã poko otururu totase ahtao roropa eya xine.

Teuteronomiu 5:26

Ahno isene ro exipitopyra nexiase Ritonõpo omiry etaxĩpo, aomiry etatopõpyry sã kyya xine, Ritonõpo Isene Exikety otururu apoto rãnao.

Tiaku 4:8

Ritonõpo maro se oexirykõ se awahtao xine, amaro xine se roropa ynororo mana. Iirypyrymãkomo, oorypyrykõ irumekatoko, oorypyrykõ ikorokapotoko Ritonõpo a.