Teuteronomiu 4:6 - Ritonõpo Omiry: A Bíblia Sagrada na língua Aparai do Brasil

⁶ Naeroro tomeseke ehtoko yronymyryme ynyripohpyry tõ omipona oehtohkõme. Mame imehnõ oenetorỹko mã toto, tuaro exiketõme oekarotorỹko mã toto zae ehtoh waro exiketõme roropa. Mame Ritonõpo Omihpyry etaryhtao eya xine ynara ãko mã toto opoko xine: “Tuaro mokaro mã toto. Itamurume zuaro mã toto. Ahno imehxo mã toto.”

Teuteronomiu 4:6 ပူးပေါင်းရင်းမြစ်များ

1 Tuisa 4:34

Mame Saromão tuaro ehtoh poko aotururu totase tuisa tomo a. Naeroro orutua kõ tonehpose eya xine aomiry etatohme tyya xine.

Jo 28:28

Ynara tykase ynororo ahno a: “Tuaro oexirykõ se awahtao xine, Imehxo Ritonõpo Ehtoh enetupuhtoko aomiry omipona oehtohkõme; zuaro ehtoh enetuputyry se awahtao xine popyra ehtoh irumekatoko.”

Saumu 111:10

Tuaro oexiry se awahtao, apitoryme Ritonõpo enetupuhko Oesẽme. Aomiry omipona exiketõ tuaro tyripõko mana. “Kure mase, Ritonõpo,” sykatone jũme!

Saumu 19:7

Kure kuhse Kuesẽkõ omiry mana, kyjamihtanohtorỹko kukurohtao xine mana. Aomiry zae mana, naeroro enetupuhnõko sytatose, tuaro pyra exiketõ tuarõtanohnõko mana.

Saumu 19:8

Zae Ritonõpo nyripotyã mana, aomipona exiketõ atãkyemãko mã toto. Inyripotyã kure mana, kutuarõtanohtorỹko mana.

Porowepio 1:4

Tuaro pyra exiketõ amorepãko tuaro toto ehtohme tamuhpõme pyra ro toto ahtao. Poetohti tõ amorepãko zae ehtoh menekatohme eya xine, zae ehtoh poko toto ehtohme.

Porowepio 1:5

Sero jomiry zae ehtoh poko tuaro exiketõ zuarohxo tyripõko mana, amorepatyã amorepãko mana

Porowepio 1:7

Tuaro exiketyme se awahtao osemazuhme Ritonõpo enetupuhko Oesẽme. Tuaro pyra exiketõ zae ehtoh poko etary se hkopyra mã toto.

Porowepio 14:34

Zae ehtoh poko ahno ahtao imehxo exĩko inonory põkõ mana, yrome tyyrypyrykõ poko ahno ahtao ehxirõko rokẽ mã toto.

Porowepio 14:8

Oty katohme emese kure exikety tuaro exiketyme nae? Tyriry waro toexiryke. Yrome putupyra exikety mã tyriry waro osekarõko, zuaro pyra tahtao ipunaka.

Izaja 42:21

Ritonõpo Oesẽkõ mã typoetory tõ pynanohneme Exikety, morara exiryke tynyripohpyry tokarose eya, toto amorepatohme, tõmiry waro toto ehtohme, omipona se toto ehtohme.

Jeremia 8:9

Tuaro exiketõ ehxirõko mã toto; otupĩko mã toto, tamonohse mã toto, Jomiry turumekase eya xine exiryke. Oty moro tuaro ehtoh nae toh nae?

Ezekieu 5:5

Ynara ãko Ritonõpo mana: — Enetoko ke, pata Jerusarẽ sero sã mana. Sero pata tyrise ya sero nono rãnao. Imehnõ nonory põkõ tyrise ya Jerusarẽ zomye.

Tanieu 1:20

Tuisa konõto tõturupose ahtao toto a emero rokẽ poko, tuaro toto ehtoh waro toehtohme tonese ynororo imehnõ motye kuhse tuaro Tanieu nexiase epe tõ maro. 10me tuarohxo mokaro 4mãkõ nexiase, imehnõ tuaro exiketõ motye, amorepananõ motye roropa Papironia po.

Tanieu 4:9

“Etako pahne Peutesazaa, pyaxime exiketõ tuisaryme mase, zuaro ase, ritõ tõ zuzenu kurã amaro mana. Morara exiryke zuaro pyra imehnõ ehtoh waro mase. Josenehtopõpyry ekarõko ase oya, ipoko enetupuhtoh ekarotohme ya.

Ozeja 8:12

Ynyripohpyry tõ eya xine tuhke tymerose ya, yrome morohne turumekase eya xine: “Otyme kure moro?” tykase toto.

Marakia 3:12

Imeimehnõ nonory põkõ tãkye oekarõko mã toto oesarykõ ononorykõ kure exiryke otyro zamaro exiketyme rahkene. Ywy, Ritonõpo Jamihmehxo Exikety, oturuno.

Teuteronomiu 29:9

Naeroro Ritonõpo omiry, inetapohpyry oya xine omipona ehtoko emero, kure rokẽ oripotohkõme Ritonõpo a, emero onyrirykõ poko.

Teuteronomiu 32:46

ynara tykase ynororo: — Osenetupuhtoko senohne emero poko, ãmorepatopõpyrykõ poko ya seroae. Emero tymerose Ritonõpo nyripohpyryme omipona opoenõkõ ripotohme oya xine.

Teuteronomiu 32:47

Senohne ynamorepatopõpyry tõ omime rokẽ pyra mana, isene oehtohkõme mana. Aomiry omipona awahtao xine okynahxo isene exĩko matose moro nono po, tuna Joatão takuohse ahtao oya xine, moro apoitohme.

2 Timoteu 3:15

Opoetoae ro kurã poko ãtamorepahpyry mase. Pape kurãme exiryke kutuarõtanohtorỹko mana, Ritonõpo a typoetoryme kyrirykõ poko, Jezu Kyrixtu tonetupuhse kyya xine ahtao.

Tiaku 3:13

Metatou? Menetupuhtou? Tonetupuhse oya xine ahtao, kure imehnõ tyritoko. Imehnõ motye se pyra ehtoko roropa. Morara awahtao xine imehnõ ynara ãko opoko xine: “Tuaro mose nase,” ãko toto opoko xine.