Teuteronomiu 32:4 - Ritonõpo Omiry: A Bíblia Sagrada na língua Aparai do Brasil

⁴ Oewomanekõme Ritonõpo mana; kure kuhse inyrihpyry mana, zae rokẽ rahkene. Anamonohpyra mana, azahkuru pyra roropa mana ipunaka.

Teuteronomiu 32:4 ပူးပေါင်းရင်းမြစ်များ

Jenexi 1:31

Morara exiryke tynyrityã eneryhtao tyya Ritonõpo zamaro inyrityã kynexine. Kure rokẽ kynexine. Xinukutu, sã tõmehse, 6mano.

Jenexi 18:25

Ahno kurã onetapasaromepyra mase pohnõ maro, iirypyryme pyra toto ahtao. Morara onyripyra exiko. Omoro rokẽ zae sero nono põkõ apiakaneme mase. Zae rokẽ ahno apiakãko mase.

2 Samueu 22:47

Isene Ritonõpo Kuesẽkõ mana! “Kure mase” sykatone jewomane a. Imehxo Exiketyme Ritonõpo mana, Jamihmehxo Exiketyme, sekarotone, ypynanohneme exiryke.

2 Samueu 23:3

Ritonõpo, Izyraeu tõ esẽ tõturuse, Izyraeu ewomane juruase: Zae ehtoh ke typoetory tõ akorehmaryhtao tuisa a, ise Ritonõpo ehtoh riry poko typoetory tõ akorehmaryhtao eya,

2 Koronika 19:7

Ritonõpo Imehxo Exikety enetupuhtoko. Mame tomeseke ehtoko ahno nyrityã apiakary poko. Ynara se pyra Ritonõpo mana: zae pyra ehtoh poko exiketomo te, asakoro omoxinety kuhtopo te, asakoro zumo ehtoh kuhtoh ke roropa imehnõ apiakaryhtao.

Neemia 9:8

Ỹme aexiry oya, tonese oya. Õmihpyry metapoase eya. Sero nono ekarõko ase Aparão a, makene: Kanaã põkõ nonory, heteu tõ nonory, amoreu tõ nonory, perizeu tõ nonory, jepuseu tõ nonory, kirikaseu tõ nonory, ipakomotyã esaryme ehtohme. Morara tyrise oya, omihpyry ae ro, ekurehpyra oexiryke.

Jo 34:10

“Seromaroro, tuaro exiketomo, jomiry etatoko. Azahkuru ehtoh rĩko Ritonõpo nae? Ritonõpo Jamihmehxo Exikety zae pyra ehtoh onyripyra mana.

Jo 35:14

“Jo, Ritonõpo onenepyra oexiry ekarõko mase. Yrome penekehpyra exiko eraximary poko; oehtoh poko zuaro mana.

Jo 36:23

Ritonõpo onynamotomasaromepyra sytatose. Onyhxirosaromepyra roropa sytatose zae pyra ehtoh riry poko eya.

Jo 8:3

Ritonõpo zae ehtoh onytyorõmara mana. Ritonõpo Jamihmehxo Exikety popyra ehtoh onyripyra mana.

Saumu 100:5

Kure Ritonõpo exiryke, kypyno xine aexiry jũme mana, kypyno xine aehtoh amonohkara, zae rokẽ exikehpyra roropa mana.

Saumu 138:8

Õmihpyry ae ro ya tyrĩko mase emero. Ritonõpo Jesemy, jũme ypyno oehtoh exikehpyra mana. Oerohtoh onurumekara exiko, erohko ro onyriry otyhkatohme.

Saumu 145:17

Kuesẽkõ zae mana emero riry poko, anamonohpyra mana emero riryhtao eya.

Saumu 146:6

Kapu Rihpõme mã ynororo te, sero nono te, tuna konõto maro, nakuaõkõ maro emero porehme! Tõmihpyry omipona exikehpyra Kuesẽkõ mana;

Saumu 18:2

Ritonõpo ytopũme konõto nase, jeraseme nase, ytapyĩ jamihmano. Ypynanohneme roropa nase, imaro jexiryke yporemãkasaromepyra jepetõkara mana. Ritonõpo Jesemy jewomãko nase tõsewomatohke jehtohme; ytapyĩme nase, imaro enaromyra ase.

Saumu 18:46

Isene Ritonõpo mana! “Kure mase,” sykatone eya, Jewomaneme mana. Imehxo Ritonõpo mana, Ypynanohne.

Saumu 19:7

Kure kuhse Kuesẽkõ omiry mana, kyjamihtanohtorỹko kukurohtao xine mana. Aomiry zae mana, naeroro enetupuhnõko sytatose, tuaro pyra exiketõ tuarõtanohnõko mana.

Saumu 31:5

Oya isene jehtoh ekarõko ase. Ypynanohnõko mase, Ritonõpo, jũme amonohpyra exiketyme oexiryke, Jesemy.

Saumu 33:4

Ritonõpo omiry ajohpe pyra mana; inyrityã emero zae mana ipunaka.

Saumu 78:35

Mame wenikehpyra toehse toto towomanekõme Ritonõpo ehtoh poko, topu konõto samo; Ritonõpo Imehxo Exikety poko wenikehpyra toehse toto Typynanohnekõme.

Saumu 9:16

Ritonõpo, awaro exĩko imehnõ mana, zae rokẽ imehnõ apiakaryke oya. Mokaro popyra exiketõ, tynyrityã aka omõnõko mã toto, ahno apoitoh aka.

Saumu 90:16

Ajamitunuru enepoko yna a, opoetoryme yna exiryke! Onyrityã kurã enepoko yna poenomo a, yna pakomotyamo a, enara.

Saumu 92:15

Moro imehnõ enetupuhpõko mana zae Ritonõpo ehtoh poko, Jewomane zae rokẽ mana, azahkuru pyra mã ipunaka.

Saumu 97:2

Mokyro zomye akurũ tõ mana, ikohmamyry xinukutume roropa. Tuisamehxo mana ajohpe pyra exiketyme ipunaka, zae rokẽ exiketyme roropa mana.

Saumu 98:3

Izyraeu tõ pyno toexiryke, anamonohpyra toexiryke roropa, typynanohse toto eya tõmihpyry ae ro. Imehnõ nonory moe exiketõ po orẽpyra Ritonõpo Kuesẽkõ ehtoh tonese ahno a emero.

Saumu 99:4

Tuisa orẽpyra Exikety, zae ehtoh sehxo mase; Izyraeu tomo a zae ehtoh tonehpose oya, ajohpe pyra ehtoh tyripose roropa oya, jamihme pyra exiketõ ewomatohme eya xine.

Exutu 34:6

Mame toytose Ritonõpo Moeze ẽpataka. Opore ynara tykase ynororo: — Ywy ase Ritonõpo, jũme Exikety. Opyno xine exiketyme ase. Etuarimaketõ pynanohnõko ase. Axĩ pyra awãnohtorỹko ase. Kure rokẽ ehtoh enehpõko ase oya xine, anamonohpyra ase opyno xine jexiryke ipunaka.

Ekereziaxti 3:14

Zuaro ase, Ritonõpo nyriry emero jũme exikehpyra mana. Moro motye onyrisaromepyra sytatose, pitikohxo moro onyrisaromepyra roropa sytatose. Moro rĩko Ritonõpo mana, imehxo toexiry enetupuhpotohme kyya xine.

Izaja 17:10

Izyraeu tomo, Ritonõpo opynanohnekõ poko tuenikehse matose, oewomanekõ Jamihmehxo Exikety. Otyro tarykase oya xine imehnõ neponãmary tõ eahmatohme oya xine Ritonõpo myakãme repe.

Izaja 25:1

Ritonõpo, Jesẽme mase. Imehxo orĩko ase, oesety eahmãko ase, onyrityã kure kuhse exiryke; pake mosenetuputyase onyriry poko, zae morohne tyrise oya rahkene.

Izaja 26:4

Kokoro rokẽ Ritonõpo enetupuhtoko, jũme Kuewomanekõme mana.

Izaja 28:16

Naeroro ynara ãko Ritonõpo mana: “Topu rĩko ase Xião po ynyriry apõme, ynymenekahpyry jamihme ehtohme tũpore roropa. Ipokona ynara tymerose mana: ‘Jenetupuhnanõ enaromyra mã toto.’

Izaja 30:18

Oeraximatorỹko ro Ritonõpo mana, kure orirykõ se toexiryke, opynanopyrykõ se roropa mana; Ritonõpome mana, zae ehtoh rineme. Tãkye exiketõ mokaro aenetupuhnanomo.

Izaja 32:2

Ahno ewomãko mã toto tapyi samo konopome ahtao tyryrykane maro; iporiry tõ sã roropa exĩko mã toto nono tonorẽ po, jerutume sã exĩko mã toto topu konõto myhto ona tonorẽ po.

Jeremia 10:10

Yrome omoro mase Ritonõpo nymyry; Ritonõpo isene exikety, Tuisame jũme exikehpyra exiketyme. Zehno awahtao sero nono tykytyky ãko mana; ahno tõ zehno awahtao enahnõko mã toto.

Jeremia 9:24

Epyrypary se awahtao epyrypako juaro oehtoh poko, jomiry enetuputyry poko roropa oya. Ywy, Ritonõpo Oesẽkõme ase, opyno xine exikehpyra ase, zae ehtoh rĩko ase zae jexiryke sero nono po. Morohne yzamaro mana. Ywy, Ritonõpo oturũko ase:

Tanieu 4:34

— Morarame 7me jeimamyry taropose ahtao, ywy, Napukotonozo osenuhmase kakoxi, josenetupuhtoh toekurãkase ropa. Ynara tykase ywy: “Kure mase, Ritonõpo kapu Esemy. Oeahmary se ase Imehxo Exiketyme mase, jũme Exikehpyra mase. Ritonõpo jamitunuru enahpỹme mana; tuisame aehtoh exikehpyra mana.

Tanieu 4:37

Morara exiryke ywy, tuisa Napukotonozo, “Kure mase,” ãko ase Ritonõpo Kapu Esemy a. “Tuisamehxo mase,” ãko ase eahmaryme. Inyriry emero zae nase ipunaka, epyrypaketõ poremãkapory waro roropa mana. Enara.

Apakuke 1:12

Moino ro mase, Ritonõpo, jũme. Jesẽme mase, zae rokẽ Exiketyme mase, Kurano. Yna Ewomaneme mase. Papironio tõ tymenekase oya, jamihme tyripose toto oya yna wãnohtohme.

Apakuke 1:13

Yrome otãto mokaro popyra exiketõ eanahtõko mah, Ritonõpo? Nuriame exiketõ enery se pyra mase ipunaka kure oexiryke. Popyra exiketõ tyyrypyrykõ poko ehtoh oneanahtosaromepyra mase. Naeroro oty katohme mynyhme rokẽ mahno kurehxo exiketõ etaparyhtao popyra exiketomo a?

Sowonia 3:5

Yrome Ritonõpo moroto ro mana, pata po. Zae ehtoh poko exikehpyra mana. Zae pyra ehtoh poko pyra mana. Kokoro rokẽ ẽmehnõko moroto mana, anamonohpyra roropa mana, zae ehtoh ripõko kyya xine mana; yrome zae pyra exiketõ popyra toehtohkõ onurumekara mã toto, ehxiropyra roropa mã toto.

Mateu 5:48

— Omykõ kapuaõ kure nymyry mana. Imehnõ pyno mana. Morara exiryke, ipoenõme oexirykõke, isã ehtoko, imehnõ pyno ehtoko, tykase Jezu typoetory tomo a.

João 1:14

Mame mokyro, Ritonõpo poko amorepatõ ahnome tonuruse. Kymaro xine ehse. Kure nymyry aexiry tonese yna a. Iirypyrymãkõ pyno aexiry tonese yna a. Zae aexiry roropa tonese yna a. Kure rokẽ Tumũkuru tyrise Ritonõpo a imehxo aehtohme, Tumũkuru nymyryme exiryke.

João 1:17

Ritonõpo nymeropohpyry Moeze a ynara tykase: “Kure rokẽ ehtoko iirypyryme pyra,” tykase. Yrome Jezu Kyrixtu kypyno xine ro mana iirypyryme kuahtao xine ro. Ynoro rokẽ zae kyritorỹko ropa mana.

João 14:6

Ynara tykase Jezu eya: — Ywy ase oesemarykõme nymyry Ritonõpo a. Ywyhnao ytopyra matose Papa a. Ywy ase zae oriponekõme nymyry. Jenetuputyryhtao oya xine ajoajohpe pyra exĩko matose. Oẽsemãkaponekõme roropa ase. Jenetuputyryhtao oya xine orihpỹme exĩko matose.

João 5:22

Ritonõpo nymyry sero põkõ anapiakara mana. Tumũkuru a rokẽ toto apiakapõko mana,

Romanos 1:32

Ritonõpo omihpyry waro toh mã repe. Ynara ãko Ritonõpo omiry: “Iirypyrymãkõ apotoimo htaka ytõko toh mana, tyyrypyry poko exiketomo,” ãko. Moro waro toh mã repe. Yrome tyyrypyrykõ poko ro mã toto. Onurumekara mã toto. Popyra kuhse mã toto. Imehnomo a tyyrypyrykõ poko exiketomo a, “Kure mase,” ãko roropa mã toto.

Romanos 2:2

Zae Ritonõpo exiry waro sytatose, iirypyrymãkõ apiakaryhtao eya. Tyyrypyry poko exiketõ apiakãko Ritonõpo mana.

Romanos 2:5

Yrome onetarahko sã matose, aomipona se pyra oexirykõke. Naeroro awãnohpotorỹkohxo Ritonõpo mana, kurãkõ apiakatoh po. Morara ahtao kyyrypyrykõ zehno Ritonõpo ehtoh enẽko sytatose. Zae kuapiakarykõ enẽko roropa sytatose.

Romanos 3:5

Otarãme kyyrypyrykõ poko kuahtao xine ro Ritonõpo kure ehtoh enetupuhnõko imehnõ mana. Otara ãko sytatou morara ahtao? Morara ahtao: “Ritonõpo zae pyra mana kuãnopyrykohtao,” ãko imepỹ mã otarame repe. Morara katopõpyry totase ya imehnomo a repe.

1 Korĩtiu 10:4

Ritonõpo nekarohpyry tõse roropa eya xine. Topu ae tuna tutũtase, toto okurume. Yrome moro topu Jezu Kyrixtu enetupuhtoh kynexine. Toto maro toytose ynororo.

Teuteronomiu 10:18

Poetõpo tõ ewomãko mana, pytỹpo tõ roropa. Imehnõ nono põkõ pyno mana tõsesarise exiketõ kymaro xine. Tonahsẽ ekarõko eya xine mana, upo roropa.

Teuteronomiu 32:15

Tymõkomoke toehse Ritonõpo poetory tomo, tytineruke toehse, tomãse toto, tupune toehse, tuesapare roropa. Mame Ritonõpo turumekase eya xine; Towomanekõ omipona se pyra toehse toh nexiase, typynanohnekomo.

Teuteronomiu 32:18

Tuenikehse toto Towomanekõ poko, Tumykõ poko, isene toto Tyrihpõ poko.

Teuteronomiu 7:9

Wenikehpyra ehtoko, Ritonõpo Kuesẽkõ rokẽ Ritonõpome mana. Anamonohpyra roropa mana. Tõmihpyry omipona exikehpyra mana. Typoetory tõ pyno exikehpyra roropa mana miume zumakahpõkõ pona, tosẽkõme ipyno exiketomo a, aomiry omipona exiketomo a.

Tiaku 1:17

Emero kurãkõ Ritonõpo nekarohpyryme mana. Kure nymyry inekarohpyry kyya xine. Kapu ezuru Rihpõ mokyro. Inyrityã tyoro exĩko mana. Yrome etyorõmara mana. Kokoro rokẽ kurãkõ ekarõko mã kyya xine.

Tiaku 4:12

Ritonõpo a tõmiry tymeropose tõmipona kuehtohkõme. Ynoro rokẽ kukurãkarykõ waro mana. Ynoro rokẽ kuenahkaporykõ waro roropa mana. Naeroro: “Mose xihpyryme mana Ritonõpo a,” kara ehtoko imehnõ poko. Ritonõpo rokẽ iirypyryme exiketõ waro mana, iirypyryme pyra exiketõ waro roropa mana. Naeroro imehnõ popyra onekaropyra ehtoko.

1 Peturu 2:6

Ynara tymerose Ritonõpo omiryme: “Mokyro ynymenekahpyry tapyi rinanõ topu menekary samo, typyne exikety menekary samo, jamihme tapyi ritoh menekary sã roropa. Emero esẽme mokyro rĩko ase. Emero motye tuisamehxo tyrĩko ase. Mokyro aropõko ase Xião patary panõ pona. Morarame mokyro enetupuhnanõ mã atasamara mã toto. Tãkye rokẽ exĩko mã toto,” me tymerose.

1 Samueu 2:2

Emero motye kurãme Kuesẽkõ mana. Imepỹ pyra mana, ritõ pyra, ewomane pyra. Kuesẽkõ rokẽ Kuewomanekõme mana.