Teuteronomiu 1:4 - Ritonõpo Omiry: A Bíblia Sagrada na língua Aparai do Brasil

⁴ Morara kynexine Seõ tõ poremãkaxĩpo Moeze a, amoreu tõ tuisary, pata Hexipõ pono, Oke maro, Pasã tuisary, pata Axitarote pono, Eterei põme roropa.

Teuteronomiu 1:4 ပူးပေါင်းရင်းမြစ်များ

Jenexi 14:5

Mame jeimamyry 14me ehtoh po imehnõ typoremãkapose Ketoaraomea tomo a takorehmananõ maro: repaĩ tomo, Axiterote-Karanaĩ po te, zuzĩ tõ Hã po te, emĩ tõ, Sawe-Kiriataĩ po te,

Neemia 9:22

“Oya ahno typoremãkapose eya xine, tuisa konõto tomo, katonõ nonory, tosarykõ ehpiõ po, Hexipõ nonory typoremãkase Izyraeu tomo a, tuisa Seõ nonory roropa, Pasã nonory roropa, moroto Oke tuisame ahtao.

Saumu 135:11

Seõ totapase eya, amoreu tõ tuisary, Oke, Pasã tõ tuisary roropa, Kanaã põkõ tuisary tõ roropa emero totapase eya.

Teuteronomiu 1:5

Moape tõ nonory po Izyraeu tõ ahtao, tuna Joatão poe xixi tũtatoh wino, Izyraeu tõ tamorepapitose Moeze a, Ritonõpo nyripohpyry tõ poko, inamorepatoh tonõ poko roropa. Ynara tykase ynororo:

Teuteronomiu 2:26

Mame tõturuse ro Moeze: — Ona tonorẽ, Ketemote poro kuahtao xine, omi aronanõ tonyohse ya tuisa Seõ zuruse, pata Hexipõ po, osepeme kuehtohkõme imaro:

Teuteronomiu 3:1

Tõturuse ro Moeze, ynara tykase: — Imeĩpo sytoatose inikahpozakoxi Pasã nonory pona. Tuisa Oke tutũtase, Pasã esemy, tysoutatu tõ maro emero, tõsetapatohkõme kymaro xine, pata Eterei po.

Teuteronomiu 3:6

Moro pata tõ tonahkase kyya xine ipunaka. Ahno totapase emero orutua komo te, nohpo tomo te, poetohti roropa, kynyrihpyrykõ samo kuosetaparykohtao tuisa Seõ maro, Hexipõ pono.

Teuteronomiu 4:47

inonory apoitohme tyya xine tosarykõme. Moro sã tyrise roropa eya xine tuisa Oke a, Pasã esemy. Moro sã amoreu tõ tuisary asakoro typoremãkase Izyraeu tomo a inonorykõ apoitohme tosarykõme tuna Joatão poe xixi tũtatoh winakoxi.