Teuteronomiu 1:12 - Ritonõpo Omiry: A Bíblia Sagrada na língua Aparai do Brasil

¹² Yrome toiroro ãpiakasaromepyra xine ase atae pyra oehtohkõ poko.

Teuteronomiu 1:12 ပူးပေါင်းရင်းမြစ်များ

Saumu 89:19

Pake ahtao, enepotoh ae moturuase õmiry omipona exiketomo a: “Soutatu akorehmase, orẽpyra exikety; tuisame mokyro yriase, ynymenekahpyry ahno wino.

Exutu 18:18

Serara awahtao etaehnõko mase. Penekehnõko roropa mã imoihmãkõ mana. Sero oerohtoh itamurume tyriryke oya toiroro.

2 Korĩtiu 2:16

Yrome onenetupuhpynomo a su ãko sã ynanase orihmatõ samo orihketõme toto exiryke, apotoimo htaka ytoketõme toto exiryke. Yrome Kyrixtu enetupuhnanomo a ixtaratu kurã sã yna omiry mana typoxine samo. Toto akorehmãko yna omiry mana orihpỹme toto ehtohme. Yna amoreme pyra moro omi kurã ekarõko ynanase.

2 Korĩtiu 3:5

Epyrypara ynanase: “Emese kure ynanase Ritonõpo nyrohmanohpotoh poko,” kara ynanase. Jamihme pyra yna exiryke epyrypara ynanase. Ritonõpo poe rokẽ inyrohmanohpotoh waro ynanase.

Teuteronomiu 1:11

Ritonõpo a, atamurukõ Esemy a, oemãkapory se ro ase tuhkehxo, miume motye oehtohkõme, tymõkomoke roropa oehtohkõme, aomihpyry ae ro!

Teuteronomiu 1:13

Naeroro orutua kõ tuaro exiketõ imenekatoko oekyry tomo zuarohxo exiketomo, emese kure exiketõ roropa, otuisarykõme toto ritohme ya.”

Teuteronomiu 1:9

Mame ynara tykase Moeze ahno a: — Ypy Xinai myhto ro kuahtao xine oturuase oya xine: “Toiroro opyno xine ehsaromepyra ase.