Tanieu 9:21 - Ritonõpo Omiry: A Bíblia Sagrada na língua Aparai do Brasil

²¹ Mame oturũko ro jahtao mokyro Kapirieu, Ritonõpo nenyokyhpyry ro ynenehpyry josenehtopõpyry ao tooehse. Axĩ sã tyhtose ynororo upũtokoxi. Toeporehkase ynororo kokonie pukuro okyno zahkatoh toehse ahtao.

Tanieu 9:21 ပူးပေါင်းရင်းမြစ်များ

1 Tuisa 18:29

Tykohkohtase roropa repe mõtona xixi toehse ahtao. Morararo tozukurukõ onetara tokurehse toto.

1 Tuisa 18:36

Mame emero tõtyhkase tahtao, tõturuse ynororo Ritonõpo a: — Ritonõpo, omoro mase Aparão Esemy, Izake Esemy te, Izyraeu tõ Esemy, ajamitunuru enepoko, Ritonõpome nymyry oekarotohme eya xine, opoetoryme jexiry enetupuhtohme roropa eya xine. Õmiry omipona senohne tyrise ya.

Saumu 103:20

Ritonõpo eahmatoko, inenyohtyã jamihme exiketomo, orẽpyra exiketomo, aomiry etananomo, inyripohpyry omipona exiketomo!

Saumu 104:4

Tyryrykane tõ rĩko mase onenyohtyãme, nenenehkane tõ õmipona exiketõme tyrĩko mase.

Saumu 141:2

Joturutoh apoiko ixtaratu samo ynekaroryme oya, jemary anymyry roropa ynekaroryme kokonie pukuro.

Exutu 29:39

Toiro kaneru pakeimo jahkãko matose te, toiro kokonie pukuro.

Izaja 6:2

zomye serafĩ tõ nexiase. 6me aporiry nae serafĩ toh nexiase, asakoro aporiry ke tõmyty tapuruse, asakoro aporiry ke tupupurukõ tyõtose nexiase, asakoro aporiry ke ytõko toh nexiase.

Ezekieu 1:11

Asakoro aporiry, onokyro kyryry, tanỹse kakoxi, zakorõ aporiry etyhpyry pokona tapose eya xine taporiry etyhpyry ke tapotunuru wino, typozery wino, enara; imepỹ asakoro natokomo a taporirykõ ke tokokõ tapuruse eya xine.

Ezekieu 1:14

Mame mokaro onokyro tõ xiaxiake toytose axiny, nenenehkane samo.

Ezekieu 14:14

Mokaro orutua kõ oseruaõkõ: Noe te, Tanieu te, Jo roropa moroto ahtao, mokaro zae toehtohkõke osepynanohnõko rokẽ mã toto. Ywy, Ritonõpo Oesẽkomo, oturuno.

Tanieu 10:10

Mame imepỹ emary a tanỹse ywy jesekumuru pona jemary nono pona ro, tykytyky ãko ro exiase.

Tanieu 10:16

Mõtoino rokẽ ypotapihpyry tapose tomary ke mokyro Ritonõpo nenyokyhpyry a, ahno panono a; morara ahtao oturupitoase, ynara ase eya: — Tuisa, moro enepotoh pokoino tyjamihkehse ywy, tykytyky kakehpyra ase.

Tanieu 10:18

Naeroro tomary ke tapose ropa ywy eya, tyjamihtase ropa ywy.

Tanieu 8:16

Ahno omiry totase ya tuna Urai kuae, ynara tykase tykohtase: — Kapirieu, mose amorepako inenehpyry enetupuhtoh poko.

Tanieu 8:18

Oturũko ro ynororo ahtao, toepukase ywy aorikyhpyry samo jẽmyty po nono pokoxi. Yrome tanỹse ropa ywy eya xikihme.

Mateu 27:46

Morarame 3 orame ahtao kui tykase Jezu opore. Ynara tykase ynororo: — Eri, Eri, rema sapahtani, tykase. Morara kary: “Ritonõpo Kapuaono, oty katoh kurumekano?” kary Tumy a.

Ruka 1:19

Mame ynara tykase Ritonõpo nenyokyhpyry Zakaria a: — Ywy ase Kapirieu, Ritonõpo ẽpataka exikihmakety. Eya tonyohse ywy ourutohme, tõmiry kurã ekarotohme oya repe.

Ruka 1:26

Morarame 6me nuno Izapeu tuesapare ahtao Kapirieu tonyohse ropa Ritonõpo a, Nazare pona, Karirea rãnaka.

Atos 10:3

Morarame Koneriu a Ritonõpo nenyokyhpyry tonese tõsenety, xixi tywykahme ahtao. Morarame ynara tykase sã ynororo eya: — Koneriu, tykase.

Atos 10:9

Yrokokoro Koneriu poetory moe pyra Jope poko toehse toto ahtao, Peturu tõnuhse tapyi mypatarãnaka, tõturutohme Ritonõpo a, tãxiahtao toehse ahtao.

Atos 12:7

Morarame Peturu tuaro pyra ahtao Ritonõpo nenyokyhpyry toytose eya. Mõtoino rokẽ saereh tykase ãpuruhpyry tao. Peturu motary tytemuhmase eya, tõpakase eya. — Owõko axiny, tykase ynororo eya. Mame imyhtopõpyry keti toepukase emary tõ poe.

Atos 3:1

Morarame Peturu toytose João maro Ritonõpo Tapyĩ taka Ritonõpo maro tõturutohkõme. Xixi tywykahme toehse ahtao toytose toto.

Epereu 1:14

Naeroro oturuxi Ritonõpo nenyohtyã poko. Kapu ae inenyohtyã mokaro. Tupũke pyra rokẽ mã toto. Toto aropõko Ritonõpo mana tarõkõ akorehmatohme. Tynypynanohtyã akorehmase toto aropõko mana.

Epereu 1:7

Yrome ynara tykase tynenyohtyã poko: “Tyryrykane sã ynenyohtyã rĩko ase axĩ toto ytotohme. Apoto sã roropa ynamoto tõ ripõko ase orẽpyra toto ehtohme,” tykase.

Apokaripxi 9:17

Mame mokaro enease samo kawaru tomo, epo ytoketomo, enara. Toto puropuru apuru tahpire nexiase apoto samo. Ezuezume roropa nexiase sapira samo, seweme roropa ẽxofere samo. Kawaru zupuhpyry kaikuxi tamuru zupuhpyry sã nexiase reão zupuhpyry samo. Ĩtae xine apoto tutũtase, orexĩto maro, aixi zatyry sã ẽxofere zatyry tutũtase.