Tanieu 9:12 - Ritonõpo Omiry: A Bíblia Sagrada na língua Aparai do Brasil

¹² Õmihpyry ae ro yna wãnopyry poko, morara tyrise oya. Yna te, yna tuisary tõ maro tuãnohse oya yronymyryme. Moro sã exipitopyra pata tõ po sero nono po, Jerusarẽ wãnohtopõpyry sã oya.

Tanieu 9:12 ပူးပေါင်းရင်းမြစ်များ

1 Tuisa 3:9

Naeroro tuaro kyriko zae rokẽ opoetory tõ esẽme jerohtohme. Kuakorehmako kure ehtoh enetupuhtohme, popyra ehtoh isã pyra exiry enetupuhtohme. Moro waro pyra jahtao opoetory tõ akorehmary waro pyra jexiry.

2 Tuisa 22:16

Ynara kahtoko eya: “Ywy, Ritonõpo, Izyraeu tõ Esemy pata Jerusarẽ wãnohnõko ase, pata põkõ roropa emero porehme, jomihpyry, ynymeropohpyry ae ro moro pape ao, tuisa nysekeremahpyry ae ro.

Jo 12:17

Tuisa tõ tuaro ehtoh puxihkãko ropa Ritonõpo mana. Tamuximãkõ putupyra exiketõ sã tyripõko mana.

Saumu 148:11

Kuesẽkõ eahmatoko, tuisa tomo ahno tõ maro emero, kowenatu tomo kowenu poko erohketõ maro!

Saumu 2:10

Naeroro etatoko, tuisa tomo; otato ehtoko, kowenu poko erohketomo!

Porowepio 8:16

Kowenu tõ erohnõko mã toto akorehmaryke ya, tamuximãkõ te, tuisa tõ porehme takorehmase ahtao ya erohnõko mã toto.

Izaja 43:28

Ytapyĩ Kurã nuriame tyripose otuisarykomo a. Morara exiryke Izyraeu tõ tonahkapose ya, ypoetory tõ typoremãkapose ya.”

Izaja 44:26

Yrome ypoetory ynara karyhtao: ‘Taroino ynara exĩko mana,’ karyhtao te, jomiry aroporyhtao josenetupuhtoh enepotohme, morohne ripõko ase rahkene zae jehtoh waro imehnõ ehtohme. Ynara ãko ase, pata Jerusarẽ pona ahno tõ oehnõko ropa tosahpyrykõ pona ropa, Juta patary tõ tyrisẽme ropa exĩko mã kehko, patãpo tõ ipahtyã poe patame exĩko ropa mana.

Jeremia 30:7

Moro ẽmepyry, popyrahxo ehtoh oehnõko mana! Imepỹ ẽmepyry moro ẽmepyry sã pyra mana ipunaka. Jako pakomotyã etuarimãko yronymyryme, yrome typynanohsẽme exĩko mã toto moro poe.”

Jeremia 32:23

Yrome tomõse toto ahtao sero nono pona, tapoise ahtao eya xine tosarykõme õmiry omipona pyra toh nexiase. Toto amorepatopõpyrykõ oya omipona pyra toehse toto. Onyripohpyry eya xine onyripyra tokurehse toh nexiase. Naeroro senohne popyra ehtoh tonehpose oya toto pona.

Jeremia 39:16

— Oturuko Epete-Mereke, Etiopia pono a, Ritonõpo Jamihmehxo Exikety, Izyraeu tõ Esemy ynara tykase: — Jomihpyry ae ro popyra ehtoh enehpõko ase sero pata Jerusarẽ pona. Moro toehse ahtao moroto exĩko mase, morohne enẽko mase.

Jeremia 44:23

Sero popyra ehtoh toehse oya xine, onekarorykõ tyahkase oya xine exiryke imehnõ neponãmary tõ eahmatohme, iirypyryme matose Ritonõpo a aomiry omipona pyra oexirykõke, inyripohpyry onyripyra roropa oexirykõke.

Ramẽtasão 1:12

Ikuroko ytoketomo a Jerusarẽ põkõ ynara ãko: “Kuenetoko ke! Imehnõ etuarimapitopyra nexiase jetuarimary saaro. Zehno toehse toehtoh po tuãnohse ywy Ritonõpo a sero samo.

Ramẽtasão 2:13

Pata Jerusarẽ põkomo, nupunato aexihpyry, otara ãko ha ãkorehmatohme? Otãto oemuhkehkapõko hano, Xião põkomo? Imehnõ etuarimapitopyra nexiase asamo. Oporemãkatopõpyry itamurume mana tuna konõto zumohxo ehtoh samo. Opynanohsaromepyra imehnõ mana.

Ramẽtasão 2:17

Tyriry se Ritonõpo ehtopõpyry tyrise eya, kuenaroximatopõpyrykõ eya moino ro, tyrise eya. Izyraeu tõ tonahkapose eya, onypynanohpyra. Kuepekõkara tonehpose eya kyporemãkatohkõme, atãkyematohme roropa kyporemãkatopõpyrykõ poko.

Ramẽtasão 4:6

Wekyry tõ wãnohtoh mã Sotoma põkõ wãnohtopõpyry motye, axĩ tonahkase toto ahtao Ritonõpo a.

Ezekieu 13:6

Ajohpe rokẽ tõsenepose mã toto. Aotururukõ ajohpe rokẽ mana emero. Toto anaropopyra exiase, yrome ynara ãko mã toto: “Ritonõpo omiry ynara mana,” ãko. Mame eraximãko mã toto, moro sã ehtohme tõmirykõ omipona!

Ezekieu 5:9

Onyrityã xihpyry pokoino Jerusarẽ wãnohnõko ase, pake awãnohtopõpyrykõ sã pyra, imeĩpo awãnohtohkõ sã pyra roropa.

Tanieu 12:1

Mokyro Ritonõpo nenyokyhpyry oturũko ro nexiase, ynara tykase ynororo: — Morara ahtao, Ritonõpo nenyokyhpyry Mikeu owõnõko mana, Ritonõpo poetory tõ ewomaneme exikety. Etuarimãko mã toto yronymyryme, moro etuarimatoh panõ exipitopyra mana, ahno exipitory poe. Yrome morara ahtao ro typynanohsẽme exĩko mã toto emero esetykõ tymerose Ritonõpo papẽ pokona.

Joeu 2:2

Moro ẽmepyry ikohmamyry sã exĩko mana, koko ehtoh samo, akurũ xinukutumã sã exĩko mana tapure exikety samo. Taparara tõ oehnõko mã toto soutatu tõ ikuhpỹme samo jamihme roropa, akurũ xinukutumã sã ypy tõ po. Sero panõ exipitopyra nexiase moino ro, taroino exipyra ropa exĩko roropa mana.

Amoxi 3:2

— Sero nono po, ahno tõ rãnao, amarokõ rokẽ tymenekase ya ypoetoryme oehtohkõme. Morara exiryke awãnohtorỹko ase oorypyrykõ emetakame, popyra ehtoh tyrise oya xine exiryke.

Zakaria 1:6

Ypoetory tõ ae, urutõ kõ ae jomihpyry aropoase atamurukomo a, toto enaroximatohme repe. Yrome oty kara toh nexiase. Morara exiryke tuãnohse toh nexiase. Mame toeramase ropa toh nexiase tyyrypyrykõ wino. Ynara tykase toto: “Ritonõpo Jamihmehxo Exikety a tuãnohse sexiatose tõmihpyry ae ro. Iirypyryme toehse kuexirykõke tuãnohse sexiatose kyyrypyrykõ emetakame.”

Zakaria 1:8

Koko nexiase enepotoh tonepose ahtao ya: Ritonõpo nenyokyhpyry enease tõtyrise kawaru kamiraramã po. Totypohse nexiase jakanahmã po wewe tõ rãnao. Mokyro mykae imehnõ nenyohtyã nexiase kawaru tõ po, kamiraramãkomo, imehnõ pitahpitahmãkomo, imehnõ karimutume exiketomo.

Zakaria 7:12

Tũpore sã toehse toh nexiase ikurohtao xine, topu samo, ynyripohpyry tõ omipona pyra toehtohkõme; jomihpyry roropa Juzenu nekarohpyry urutõ komo a pake, omipona pyra toehtohkõme. Morara exiryke tohne toehse exiase ipoko xine.

Mateu 24:21

Ynara exiryke etuarimãko matose itamurume. Moro oetuarimatohkõ panõ onenepitopyra sero põkõ mana sero nono ritopõpyry poe ro. Moro oetuarimatohkõ panõ onenezomopyra roropa exĩko sero põkõ mana.

Mateu 5:18

Etatoko pahne, kapu nae ro ahtao, nono roropa nae ro ahtao enahpyra Ritonõpo nymeropohpyry Moeze tomo a. Inymeropohpyry ae ro emero exĩko mana nono enahtoh ponãmero, kapu enahtoh ponãmero roropa.

Maku 13:19

Morara toehse ahtao tõsẽ penery rohnõko mã toto, tyrohsẽ zetunuru rohnõko roropa mã toto. Moro panõ onenepitopyra sytatose, moino ro nono ritopõpyry poe Ritonõpo a. Moromeĩpo moro panõ onenezomopyra sytatose exĩko.

Ruka 21:22

Morara ahtao morotõkõ wãnohnõko Ritonõpo mana, tynymeropohpyry ae ro.

Romanos 15:8

Etatoko pahne, juteu tõ akorehmaneme toehse Kyrixtu, zae Ritonõpo ehtoh waro toto ehtohme. Aparão tõ zurutopõpyry ae ro Ritonõpo a tooehse ynororo,