Tanieu 8:12 - Ritonõpo Omiry: A Bíblia Sagrada na língua Aparai do Brasil

¹² Ritonõpo poetory tõ nekarotyã zahkatohme kokoro rokẽ Tosẽkõ eahmaryme, tymyakãmase nuriame exikety ke. Zae Ritonõpo eahmary tonahkase eya. Morohne tyrise eya orẽpyra samo.

Tanieu 8:12 ပူးပေါင်းရင်းမြစ်များ

Jo 12:6

Omato kõ torẽtyke pyra mã toto tytapyĩkõ tao, Ritonõpo kerekeremananõ roropa. Ritonõpo oneahmara mã toto; tyjamitunuru rokẽ moĩko mã toto.

Saumu 119:142

Zae oehtoh jũme exikehpyra mana, õmihpyry jũme zae roropa mana.

Saumu 119:43

Kuakorehmako ajohpe pyra rokẽ jehtohme, kure ehtoh eraximãko ase zae onyripohpyry tõ enetuputyryke ya.

Saumu 28:5

Tuaro toexirykõ se pyra mã toto Ritonõpo nyrihpyry poko. Inyrityã tyjamitunuru ke, morohne poko osenetupuhpyra mã toto; naeroro toto wãnohnõko mana, jũme toto enahkapõko mana.

Izaja 59:14

Zae ehtoh turumekase yna a, kure ehtoh onyripyra ynanase. Ajohpe rokẽ ynanase imehnõ maro yna otururuhtao, zae ehtoh poko pyra ynanase.

Jeremia 12:1

— Ritonõpo Jesemy, kure jehtoh poko osezukuruhtao ya, zae rokẽ oehtoh enepõko mase ya. Yrome oya ekaropory se ase zae ehtoh poko: Oty katohme popyra exiketõ tytineruke exĩko nae? Oty katoh ajohpe exiketõ orẽpyra toh nae tynyrirykõ poko?

Tanieu 11:28

Imeĩpo tynonory pona ytõko ropa Xiria tuisary mõkomo kurã maro, tynapoityamo tõsetaparykohtao. Atamorepãko mana Ritonõpo poko Izyraeu tõ ehtoh enatyry poko, Tosẽkõme Ritonõpo eahmakehpotohme eya xine. Naeroro typenetatoh ae ro toto ryhmãko mana. Moromeĩpo ytõko ropa mana tynonory pona ropa.

Tanieu 7:21

Mame josenuhmaryhtao ro, moro iretyry tãtatapoipitose Ritonõpo poetory tõ maro. Toto poremãkãko nexiase,

Tanieu 8:4

Mokyro enease imehnõ purohmãko tyretyry ke, xixi omõtoh wino te, inikahpozakoxi te, ikurenaka roropa orẽpyra samo, mokyro onyporemãkasaromepyra imehnõ nexiase, okyno tomo te, ahno, enara. Typenetatoh emero rokẽ tyrise eya, tuisamehxo toehse ynororo imehnõ onokyro esẽme samo.

Apokaripxi 13:7

Mame Ritonõpo poetory tõ tapoitapoise eya. Yrome mokyro kahpyry onyporemãkapopyra Ritonõpo kynexine aporo. Ritonõpo poetory typoremãkapose eya. Tuisame toehse roropa ynororo, ituakyry esẽme, ahno esẽme, emero tyotyoro omiry ae exiketõ esẽme, emero pata tamuru põkõ esẽme, enara.

1 Samueu 23:9

Mame tuaro Tawi toehse ahtao, tapoiry se Sauu ehtoh poko, tõturuse Apiataa maro. Ynara tykase ynororo eya: — Oupõ enehta, Ritonõpo maro oturutohme, tykase.