Tanieu 6:27 - Ritonõpo Omiry: A Bíblia Sagrada na língua Aparai do Brasil

²⁷ Ahno akorehmãko mana, toto pynanohnõko mana; tyjamitunuru enepõko mana, osenuruhkatoh enepõko roropa mana, kapu ao te, sero nono po roropa. Tanieu typynanohse eya, onesekara reão tõ ehtohme.”

Tanieu 6:27 ပူးပေါင်းရင်းမြစ်များ

Jo 36:15

Yrome etuarimatoh ke ahno amorepãko Ritonõpo mana. Popyra ehtoh eneryke enurukõ etapuruhmakãko mana enetupuhtohme Ritonõpo poko.

Saumu 145:13

Tuisame oehtoh jũme mana, emero esẽme oehtoh exikehpyra mana. Ritonõpo Kuesẽkõ tõmihpyry ae ro emero rĩko mana, anamonohpyra mana emero riryhtao eya.

Saumu 18:48

ypynanohnõko mana yzehno exiketõ poe. Omoro, Ritonõpo, orẽpyra jyrĩko mase, yzehnotokõ poremãkaneme, jewomãko mase yyryhmary se imehnõ ahtao.

Saumu 18:50

Tuisame orẽpyrahxo jyrĩko Ritonõpo mana. Tynymenekahpyry pyno exikehpyra mana; ywy Tawi pyno mana, ypoenomo, ypakomotyã roropa, jũme yna pyno exikehpyra mana.

Saumu 32:7

Omoro mase jotonẽtohme; jewomãko mase etuarimara jehtohme. Eremiãko ase imehnõ netaryme ypynanohtopõpyry poko oya, towomase jexiryke oya.

Saumu 35:17

Otãto ise ro hma, Ritonõpo, enẽko rokẽ mahno? Kuewomako mokaro winoino atatapoiryhtao yporemãkatohme. Kypynanohko mokaro reão tomo a jesekaryino.

Saumu 97:10

Opyno xine Ritonõpo Kuesẽkõ mana popyra ehtoh se pyra awahtao xine; oewomãko mana orihpyra oehtohme, opynanohnõko mana popyra exiketõ winoino.

Jeremia 10:10

Yrome omoro mase Ritonõpo nymyry; Ritonõpo isene exikety, Tuisame jũme exikehpyra exiketyme. Zehno awahtao sero nono tykytyky ãko mana; ahno tõ zehno awahtao enahnõko mã toto.

Tanieu 2:44

Mame tuisame mokaro ahtao ro, Ritonõpo Kapu Esẽ tuisame toehtoh enepõko mana, jũme tuisame exikehpyra ehtohme; imehnõ mã onyporemãkaposaromepyra exĩko mana. Mãpyra imehnõ tuisa tõ porehme enahkapõko mã ynororo jũme tuisame toehtohme.

Tanieu 4:31

Morara ãko ro tuisa nexiase imepỹ omiry etaryhtao eya kaino, ynara tykase: — Etako pahne, tuisa Napukotonozo, tuisame oexiry nenahno.

Tanieu 4:34

— Morarame 7me jeimamyry taropose ahtao, ywy, Napukotonozo osenuhmase kakoxi, josenetupuhtoh toekurãkase ropa. Ynara tykase ywy: “Kure mase, Ritonõpo kapu Esemy. Oeahmary se ase Imehxo Exiketyme mase, jũme Exikehpyra mase. Ritonõpo jamitunuru enahpỹme mana; tuisame aehtoh exikehpyra mana.

Tanieu 4:35

Ritonõpo a kurãkõ nymyryme pyra sytatose; ipoetoryme sytatose nono põkomo te, inenyohtyã kapuaõkõ roropa. Tyriry se ynororo ahtao anakorekehkasaromepyra sytatose. ‘Morohne poko pyra exiko,’ kasaromepyra sytatose eya.”

Tanieu 6:20

Moroto toemynyhmaryme tykohtase ynororo. Ynara tykase: — Tanieu, Ritonõpo Imehxo Exikety poetory! Aomihpyry omipona exiketyme ipunaka mase. Opynanohno ynororo oesekara reão tõ ehtohme? tykase.

João 4:48

Ynara tykase Jezu eya: — Oty katoh jenetupuhpyra matou yjamitunuru onenepyra awahtao xine samo? tykase.

Atos 4:30

Kurãkõkara ikurãkako ropa. Ajamitunuru enepoko ropa Omũkuru kurã pokoino, Jezu pokoino, tykase Peturu Ritonõpo a.

Epereu 2:4

Ritonõpo roropa zae toehtoh poko kutuarõtanohpotone tyjamitunuru eneporyke, kurãkõkara kurãkary poko, enara. Typoetory tõ tyjamihtanohpose Tuzenu a tyotyorõ waro toto ehtohme orẽpyra toto ehtohme imehnõ Jezu poetory akorehmatohme emero porehme. Ise toehtopõpyry ae ro tyjamihtanohpose toto eya.

1 Samueu 17:26

Mame imehnomo a tõturupose Tawi: — Oty apoĩko mokyro totapase ahtao Izyraeu tõ eunohkehpotohme? tykase Tawi eya xine. — Ritonõpo omipona pyra exiketyme mokyro pirixteu. Imehxo Ritonõpo mana. Ipoetory tõ onyporemãkasaromepyra mokyro mana, tykase Tawi.