Tanieu 6:11 - Ritonõpo Omiry: A Bíblia Sagrada na língua Aparai do Brasil

¹¹ Mame Tanieu tapyĩ taka toytose epetõkara oximõme. Moroto tonese ynororo oturũko Ritonõpo a, Tosemy a.

Tanieu 6:11 ပူးပေါင်းရင်းမြစ်များ

1 Tuisa 8:48

Mame moero toto ahtao, osekaroryhtao oya, tyyrypyrykõ rumekary se nymyry toto ahtao, aotururuhtao oya, toeramase toto ahtao sero nono winakoxi, onekarohpyry yna tamuru tomo a, sero pata onymenekahpyry winakoxi, sero Tapyi winakoxi, ynyrihpyry oeahmatohme,

Saumu 10:9

Eraximãko mana tõtonẽtoh tao, reão samo, imehnõ enẽko mana, osewomasaromepyra exiketomo. Tãto tao eraximãko mana urakanakety samo, tykarimory apoĩko mana apoitoh tao, tymõkomoke pyra exikety, iiryhmatohme.

Saumu 119:164

Oeahmazomõko ase 7me, toiro ẽmepyry ae, anapiakatoh tonõ zae rokẽ exiryke.

Saumu 28:2

Jomiry etako okohmaryhtao ya jakorehmatohme oya, jemary tõ anymyryhtao ya Atapyĩ kurã ẽpataka.

Jeremia 51:50

Ynara tykase Ritonõpo: — Ypoetory tomo, Papironia po, typynanohse matose, orihpyra mexiatose! Seromaroro ytotoko! Tehme rokẽ pyra ehtoko, oneraximara ehtoko! Moe awahtao xine ro atapyĩkõ htae, ypoko osenetupuhtoko, Ritonõpo Oesẽkomo. Wenikehpyra ehtoko Jerusarẽ poko.

Tanieu 6:6

Naeroro toytose toto oturuse tuisa a, ynara tykase toto: — Tuisa, jũme isene oexiry se ynanase!