Tanieu 5:7 - Ritonõpo Omiry: A Bíblia Sagrada na língua Aparai do Brasil

⁷ Mame tykohtase ynororo, ynara tykase: — Pyaxiã enehpotoko, tuaro exiketomo te, xirikuato poko tuaro exiketomo roropa. Tooehse toto ahtao ynara tykase Peusazaa eya xine: — Moro imerohpyry apuru poko isekeremaryhtao, moro kary ekaroryhtao roropa ya, tuisa zupõ kurã ekarõko ase oya, uuru risẽ maro okyryme, tuisamehxo orĩko roropa ase ymarõme, tykase tuisa.

Tanieu 5:7 ပူးပေါင်းရင်းမြစ်များ

Jenexi 41:8

Tõmehse ahtao torẽtyke toehse ynororo. Naeroro tuaro exiketõ tykohmapose eya, Ejitu põkomo, oximõme toto oehtohme. Tõsenehtopõpyry tokarose eya xine repe. Yrome zuaro pyra toh kynexine emero. Oty moro? Zuaro pyra ynanase ipunaka.

Exite 3:1

Moromeĩpo orutua tymenekase tuisa konõto Xerexe a, takorehmane imehxo exiketyme ehtohme. Mokyro esety kynexine Hamã, Hametata mũkuru, Akake ekyrỹpyryme.

Exutu 7:11

Mame pyaxi tõ tykohmase tuisa a, tuarohxo exiketomo. Isaaro tyrise eya xine.

Porowepio 1:9

Inamorepatohkõ oehtoh kurãkãko mana, parimã kurã sã te, osenao kasuru kurã emeporyme ehtoh samo enekurehxo oehtohme.

Kãtiku 1:10

Oẽmyty enekure mana, oũsety maro, panasere maro. Opymyry kure potu mana osenao maro, uuru risemy!

Izaja 47:13

Tyjamitunuru ke pyra mase ipunaka, imehnõ tuaro exiketõ omiry etaryhtao ro oya epasaromepyra mase. Ah mokaro xirikuato poko atamorepaketõ noehno toto opynanohtohme! Kapu poko atamorepãko mã toto, xirikuato tõ onenekehpyra mana, ekarotohme emero nuno punero: otara exĩko oya.

Jeremia 50:35

Ynara tykase Ritonõpo: “Ah norihno toto Papironia põkomo, osetapary poko! Ah norihno toto, ahno maro ituisary tomo, tuaro exiketõ maro!

Ezekieu 16:11

Joia tõ ekaroase oya oemeporyme, oemekũty te, osenaõme roropa.

Tanieu 1:20

Tuisa konõto tõturupose ahtao toto a emero rokẽ poko, tuaro toto ehtoh waro toehtohme tonese ynororo imehnõ motye kuhse tuaro Tanieu nexiase epe tõ maro. 10me tuarohxo mokaro 4mãkõ nexiase, imehnõ tuaro exiketõ motye, amorepananõ motye roropa Papironia po.

Tanieu 1:4

Kurãkõ rokẽ imenekako, ahmitara exiketomo; tuaro exiketomo, tamorepase exiketomo, emese kure toto ehtohme jakorehmananõme ytapyĩ konõto tao. Toto amorepãko mase papironio tõ omiry poko, isekeremary waro toto ehtohme, imerory waro roropa toto ehtohme, tykase tuisa.

Tanieu 2:2

Naeroro tuaro exiketõ tonehpose tyya, oremime exiketomo te, pyaxime exiketomo te, xirikuato poko atamorepaketõ maro ekaropotohme eya xine tõsenehtopõpyry poko. Toeporehkase toto ahtao tuisa ẽpataka,

Tanieu 2:27

Tanieu a tozuhse, ynara tykase ynororo: — Tuaro exiketõ pyra mana, pyaximãkomo te oremime exiketomo te, xirikuato poko atamorepaketomo, moro ekarory waro exiketõ pyra ipunaka, naeroro tuaro se oehtoh onekarosaromepyra mã toto.

Tanieu 2:48

Morarame Tanieu tuisamehxo tyrise eya. Mõkomo typyne exiketõ tokarose roropa eya. Kowenatume Tanieu tyrise eya Papironia nonory tuisaryme, tuaro exiketõ emero tuisaryme tyrise roropa ynororo eya.

Tanieu 2:6

— Mãpyra josenehtopõpyry ekaroryhtao ya te, jamoreparyhtao roropa oya xine moro katoh poko, mõkomo kurã ekarõko ase oya xine, tuisamehxo oritorỹko roropa ase. Morara exiryke josenehtopõpyry ekarotoko ya, tuaro ehtoh roropa moro katoh poko, tykase tuisa.

Tanieu 4:14

Ynara tykase sã ynororo opore: ‘Moro wewe akohtoko, amoriry tõ ihkohtoko, zarỹkatoko ipahtohme, epery tõ roropa ipahtoko. Onokyro tõ erehtoko, oseremaketomo jerutumã po exiketomo, torõ tõ roropa erehtoko amoriry tõ po exiketomo.

Tanieu 5:11

Orutua nae taro Papironia po, ritõ tõ zuzenu kurã nae exikety. Omy, Napukotonozo, tuisame ahtao, mokyro tuaro exiketyme kynexine imehnõ motye. Emese kure kynexine, tuarohxo roropa ritõ tõ samo. Mame tuaro exiketõ esẽme mokyro tyrise omy Napukotonozo a: pyaxi tõ esẽme te, oremime exiketomo te, xirikuato poko tuaro exiketõ maro, enara.

Tanieu 5:15

Tuaro exiketõ enehpono xirikuato enenanõ roropa moro oma nymerohpyry apuru pokona isekerematohme, enetupuhtoh ekarotohme roropa repe. Yrome ipoko enetupuhtoh onekarosaromepyra toh nase.

Tanieu 5:16

Mame turuse ywy opoko, tupimãkõ enetupuhnõko mase, zuaro pyra imehnõ ehtoh enetupuhnõko mase. Naeroro moro oma nymerohpyry sekeremaryhtao oya, enetupuhtoh ekaroryhtao roropa ya, upo kurã ekarõko ase oya, õkyry kurã uuru risẽ roropa oesenaka tyritohme te, tuisame orĩko roropa ase, tuisame oehtoh oseruaõme ehtohme ymaro, tykase.

Tanieu 5:29

Morara kary etaryke Peusazaa a Tanieu tupohtose tuisa zupõ kurã ke. Aokyry roropa kurã uuru risẽ tyrise esenary pokona. Tuisamehxo Tanieu tyripose roropa eya tymaro papironio tõ tuisaryme ehtohme.

Numeru 22:17

Epehpyry ekarõko ase oya itamurume, emero ise oehtoh ekarõko ase oya. Ajohpame sã osehko, mokaro ahno popyra ripotohme.

Numeru 22:7

Naeroro Moape tõ tamuximãkõ toytose mitianita tamuximãkõ maro. Tineru tarose eya xine popyra Izyraeu tõ ripotohtamitume. Toeporehkase toto ahtao Paraão esaka, Parake omiry tokarose eya xine Paraão a.

Numeru 24:11

Seromaroro ytoko ropa atapyĩ taka. Oepehmary se exiase repe. Yrome Ritonõpo, Oesẽ oepehmapopyra mana.

1 Samueu 17:25

Ynara tykase toto: — Mose enetoko! Etatoko, kuenaroximarykõ eya! Sauu omihpyry metatou? Mokyro etaparyhtao, kurãkõ ekarõko eya tuisa mana. Tõxiry ekarõko ipytyme ehtohme. Mame jekyry tõ kowenu nepehmapory onepehmara exĩko mana, jũme, tykase toto.