Tanieu 5:27 - Ritonõpo Omiry: A Bíblia Sagrada na língua Aparai do Brasil

²⁷ TEQUEL kary: “Tukuhse mexiase omoxinety kuhtoh ke, zohzohme mase.”

Tanieu 5:27 ပူးပေါင်းရင်းမြစ်များ

Jo 31:6

Jukukuru se ase Ritonõpo a ikuhtoh ajohpe pyra exikety ke. Zae rokẽ jehtoh enẽko mana.

Saumu 62:9

Ahno tomo, tymõkomokẽkara roropa, imehxo exiketõ roropa, otyme kure sytatou? Puu katoh sã rokẽ sytatose. Omoxinety kuhtoh po kuahtao xine zohzohme sã kuexirykomo, puu katoh sã rokene.

Porowepio 16:2

Onyriry emero zae rokẽ nase oya repe, yrome õsenetupuhtoh enẽko Ritonõpo mana okurohtao, ise oehtoh apiakãko mana.

Porowepio 21:2

Onyriry emero zae mã oya repe, yrome wenikehpyra exiko, ise oehtoh enẽko Ritonõpo mana okurohtao.

Jeremia 6:30

Popyra exiketõ tosehpasẽme exĩko: “Parata rypyryme” toto rumekaryke ya, ãko Ritonõpo.

Ezekieu 5:1

Ynara tykase Ritonõpo: — Ahno mũkuru, tapema apoiko, taere exikety oetypoty sahkatohme, oũsety roropa. Imeĩpo onysahkahpyry ikuhko omoxinety kuhtoh po, apiakatohme oseruao zokonaka ehtohme.

Naum 1:14

Axiria tuisary poko ynara tykase Ritonõpo: “Emũkuara exĩko mana, naeroro mokyro esety poko wenikehnõko mã toto. Ritõ panõ enahkapõko ase, oneponãmarykõ eahmatoh tao. Axirio tõ ekepyry zonẽtoh ahkãko ase typahsẽme sã rokẽ toto exiryke.”

1 Korĩtiu 3:13

Mame apoto toehse ahtao tapyi zatyry enẽko sytatose. Yrome okynã exikety ke tamose ahtao zahpyra mana. Moro saaro Kyrixtu oehtoh ropa po. Kure imehnõ tamorepase ahtao kyya xine zae toto amorepatopõpyry kyya xine enẽko sytatose. Yrome zae pyra imehnõ tamorepase ahtao kyya xine moro enẽko roropa sytatose, Kyrixtu oepyry ropa ahtao.