Tanieu 5:18 - Ritonõpo Omiry: A Bíblia Sagrada na língua Aparai do Brasil

¹⁸ Omy Napukotonozo tuisame tyrise Ritonõpo Imehxo Exikety a. Eya omy tyrise jamihmehxo, orẽpyrahxo, tuisamehxo, enara.

Tanieu 5:18 ပူးပေါင်းရင်းမြစ်များ

2 Tuisa 25:28

Mame Ewiu-Merotake kure kynexine eya, imehnõ tuisa tõ motye tamuximehxo tyrise ynororo eya moroto Papironia po.

Saumu 47:2

Kuesẽkõ imehxo mana, kure ehtoh se rokẽ mana kyya xine; Tuisa imehxo mana, sero nono Esẽme porehme.

Saumu 7:17

Yrome ywy: “Kure mase, Ritonõpo,” ãko ase zae rokẽ oexiryke imehnõ apiakary poko. Eremiãko ase oeahmaryme, Jesemy Ritonõpo Imehxo Exikety.

Saumu 9:2

Opokoino atãkyemãko ase, eremiãko ase yzamaro oexiryke. Oeahmaryme eremiãko ase onetaryme, Ritonõpo, Imehxo Exikety.

Saumu 92:8

Omoro Ritonõpo tuisa imehxo mase, emero esẽme mase, jumanatome.

Jeremia 25:9

“Ahno tõ enehpõko ase emero inikahpoe ypoetory, tuisa Napukotonozo maro Papironia poe. Mokaro enehnõko ase etonatohme sero põkõ, Juta tõ maro, imehnõ nonory põkõ maro, ononorykõ zomye exiketõ maro. Mokaro enahkapõko ase ipunaka; nono pona jũme tomasẽme exĩko mã toto. Morohne eneryke osenuruhkãko imehnõ mana, enaromỹke exĩko mã toto. Ywy, Ritonõpo, oturũko ase.

Jeremia 27:5

— Ywy, yjamitunuru ke, tyriry waro jexiryke sero nono rine, ahno maro onokyro tõ maro okyno tõ maro isene exiketõ emero sero nono po; morohne ekarory se jahtao ekarõko ase imehnomo a.

Jeremia 27:7

Ahno tõ emero ipoetoryme exĩko mã toto, imũkuru poetoryme, ipary poetoryme roropa, Papironia poremãkatoh pona. Morarame Papironia typoremãkasẽme exĩko imehnõ ahno poetoryme exĩko mã toto ituisary tõ jamihmãkõ maro.

Ramẽtasão 3:35

Ritonõpo Imehxo Exikety zuaro mana zae pyra imehnõ riryhtao kyya xine, zae rokẽ tyripose toto ahtao eya.

Ramẽtasão 3:38

Kure ehtoh exĩko mana, popyra ehtoh roropa exĩko, Ritonõpo, Imehxo Exikety omi poe.

Ezekieu 31:11

Morara exiryke, moro wewe turumekase ya, iporemãkapõko ase imepỹ nonory tuisary a. Moro wewe rĩko mana inyrihpyry popyra ehtoh emetakame samo.

Tanieu 4:17

Moro mã Ritonõpo nyripohpyryme mana, tokarose inenyohtyamo a, sero nono põkõ enenanõ kapu poe, zuaro emero ehtohme, Ritonõpo Kapu Esẽ rokẽ tuisa tõ emero esẽme mana sero nono po. Tynymenekatyamo a tuisame ehtoh ekarõko mana, tuisame pyra toto ahtao ro ipunaka.’

Tanieu 4:19

Morara kary etaryke Tanieu a, esety akorõ Peutesazaa, tõserehse ynororo, otupĩko rokẽ kynexine aporo. Mame tuisa ynara tykase: — Peutesazaa, torẽtyke pyra exiko moro josenehtopõpyry poko, moro enetupuhtoh poko roropa. Yrome ynara tykase Tanieu: — Tuisa, kurehxo ya exiry, õsenehtopõpyry opoko pyra ahtao, oepetõkara poko ahtao!

Tanieu 4:2

Oururukõ se ase, Ritonõpo Imehxo Exikety nyrihpyry kurã poko ya tyjamitunuru ke.

Tanieu 4:32

Atapyĩ tae taroposẽme exĩko mase, mya ahno winoino. Onokyro tõ rãnao exĩko mase. Onahpoty enahnõko mase pui tõ samo. 7me jeimamyry aropõko mase morara oehtoh poko, Ritonõpo Imehxo ehtoh enetuputyry pona oya. Emero tuisa tõ Esẽme mana. Tuisame ahno rĩko mana ise tahtao.

Tanieu 4:34

— Morarame 7me jeimamyry taropose ahtao, ywy, Napukotonozo osenuhmase kakoxi, josenetupuhtoh toekurãkase ropa. Ynara tykase ywy: “Kure mase, Ritonõpo kapu Esemy. Oeahmary se ase Imehxo Exiketyme mase, jũme Exikehpyra mase. Ritonõpo jamitunuru enahpỹme mana; tuisame aehtoh exikehpyra mana.

Tanieu 5:21

Taropose ynororo ahno winoino, onokyro sã tõsenetupuhse ynororo. Jumẽtu tõ ikuremahnõ maro kynexine, onahpoty tonahse eya pui tõ samo, jarao rokẽ tynyhse ynororo tohxikase kynexine koko ahtao axitaku ke. Morara kynexine Ritonõpo Imehxo ehtoh enetupuhtoh pona eya, emero tuisa tõ Esẽme mana, tynymenekahpyry ripõko tuisame mana.

Tanieu 6:22

Ritonõpo Jesemy a tynenyokyhpyry tonehpose reão tõ mytary apurutohme jesekara toto ehtohme. Morara tyrise eya zae jehtoh waro toexiryke, imehnõ onyryhmara jexiryke roropa, tykase Tanieu tuisa a.

Atos 26:13

Osema tao yna ahtao, tãxiahtao saereh nase yna etonie, xixi motye kaino, ypona, ymaro ytoketõ pona roropa.

Atos 26:19

— Morara tykase exiryke ya Jezu omipona ase, kapu ae aotururu totase ya exiryke.

Atos 7:48

— Yrome imehxo Ritonõpo Kapuaono. Tapyi tao nyhpyra mana, ahno nyrihpyry tao, tykase Exitewão. — Ynara Ritonõpo nekarohpyry sero poko pake urutonõpo a:

Teuteronomiu 32:8

Ahno tapiakase ahtao Ritonõpo Imehxo Exikety a, nono tokarose eya xine esarykõme, tynenyohtyã tymenekase eya toto esẽme ehtohme.