Tanieu 4:32 - Ritonõpo Omiry: A Bíblia Sagrada na língua Aparai do Brasil

³² Atapyĩ tae taroposẽme exĩko mase, mya ahno winoino. Onokyro tõ rãnao exĩko mase. Onahpoty enahnõko mase pui tõ samo. 7me jeimamyry aropõko mase morara oehtoh poko, Ritonõpo Imehxo ehtoh enetuputyry pona oya. Emero tuisa tõ Esẽme mana. Tuisame ahno rĩko mana ise tahtao.

Tanieu 4:32 ပူးပေါင်းရင်းမြစ်များ

2 Koronika 33:13

Mame Manase omiry totase Ritonõpo a, tozuhse ynororo eya, taropose ropa ynororo Jerusarẽ pona ropa tuisame ehtohme ropa. Morara toehse ahtao Ritonõpo tonetupuhse eya Tosẽme.

Jo 42:2

“Enetupuhnõko ase, Ritonõpo, jamihmehxo mase. Tyriry se oehtoh emero tyrĩko mase. Oetypohkaposaromepyra imehnõ mana.

Jo 9:12

Okyryry arory se Ritonõpo ahtao, anaropopyra ehsaromepyra mase. Onoky ekaropõko eya: ‘Oty poko mah?’

Saumu 115:3

Ynara ezuhnõko ynanase: “Ritonõpo kapu ao mana; tyriry se toehtoh rĩko mana.

Saumu 135:6

Tyriry se toehtoh rĩko Kuesẽkõ mana: kapu ao te, sero nono po te, tuna konõto tõ kuao te, zue konõto tõ ao, enara.

Exutu 8:10

— Kokoro oturuko ypoko, tykase tuisa. — Ỹ, morara tyrĩko ase õmihpyry ae ro, tykase Moeze. Mame zuaro exĩko mase; imepỹ isã pyra mana, Ritonõpo rokene Kuesẽkomo.

Exutu 9:14

Seromaroro oryhmatoh epukãko opona xine te, otuisary tõ pona te, ahno pona, enara, zuaro oehtohkõme, sero nono po imepỹ ysã exikety pyra mana.

Exutu 9:29

Ynara tykase Moeze: — Pata poe tutũtase jahtao jemary tõ anỹnõko ase jotururume Ritonõpo Kuesẽkomo a. Konomeru mynyhpãnõko, konopoimo oehkehnõko. Moro eneryke oya zuaro exĩko mase, sero nono Ritonõpo kyryryme mana.

Izaja 37:20

Seromaroro yna Esẽme mase, Ritonõpo. Naeroro yna ipynanohko yna onyporemãkapopyra Axiria põkõ ehtohme. Mame imehnõ pata põkõ emero awaro exĩko mã toto. Omoro rokẽ Ritonõpome mase yna Esẽme, tykase, tõturuse Ezekia Ritonõpo a.

Izaja 40:15

Ritonõpo a ahno tõ emero sero nono po toiro tuna pitahkatoh sã mã toto poketi ao, putoh katoh sã rokẽ mã toto omoxinety kuhtoh po; ahmõta tõ moe aexityã puimãko mana, yrome eya isawã pisarara puimary samo.

Izaja 40:17

Ritonõpo a ahno tõ emero sero nono po arypyra sã mana; Ritonõpo ẽpataka typahsãme sã rokẽ mã toto.

Izaja 45:3

Oya mõkomo kurã ekarõko ase, tonẽse aexityamo, uuru tõkehko tukurãkase aexityã zonẽtoh tao, zuaro oehtohme ywy ase Ritonõpo, Izyraeu tõ Esemy, okohmahpono oesety ae.

Jeremia 27:5

— Ywy, yjamitunuru ke, tyriry waro jexiryke sero nono rine, ahno maro onokyro tõ maro okyno tõ maro isene exiketõ emero sero nono po; morohne ekarory se jahtao ekarõko ase imehnomo a.

Tanieu 2:21

Xixi esẽme mana, nuno roropa, xirikuato tõ roropa; xixime ehtoh eina myakamãko mana konopome ehtohme roropa. Tuisa tõ tuisame exĩko Ritonõpo poe, toto poremãkapõko roropa mana. Tuaro exiketõ tuaro exĩko Ritonõpo poe, tãtamorepary se exiketõ amorepãko mana.

Tanieu 4:31

Morara ãko ro tuisa nexiase imepỹ omiry etaryhtao eya kaino, ynara tykase: — Etako pahne, tuisa Napukotonozo, tuisame oexiry nenahno.

Tanieu 5:21

Taropose ynororo ahno winoino, onokyro sã tõsenetupuhse ynororo. Jumẽtu tõ ikuremahnõ maro kynexine, onahpoty tonahse eya pui tõ samo, jarao rokẽ tynyhse ynororo tohxikase kynexine koko ahtao axitaku ke. Morara kynexine Ritonõpo Imehxo ehtoh enetupuhtoh pona eya, emero tuisa tõ Esẽme mana, tynymenekahpyry ripõko tuisame mana.

Jozue 4:24

Morara exiryke emero nonory põkõ Ritonõpo Oesẽkõ jamitunuru waro exĩko mã toto. Amarokõ roropa imehxo Aexiry enetupuhnõko matose, jũme.”