Tanieu 4:31 - Ritonõpo Omiry: A Bíblia Sagrada na língua Aparai do Brasil

³¹ Morara ãko ro tuisa nexiase imepỹ omiry etaryhtao eya kaino, ynara tykase: — Etako pahne, tuisa Napukotonozo, tuisame oexiry nenahno.

Tanieu 4:31 ပူးပေါင်းရင်းမြစ်များ

Jenexi 14:18

Mame Meukizeteke, Sarẽ tuisary, Ritonõpo Imehxo Exikety poe oturuketyme kynexine. Eya wyi tonehse, uwa eukuru jehnahpyry maro.

Jo 20:23

“Ah notuhno tuesapare ehtohme! Mokyro zehno toehtoh ke mokyro wãnohnõko Ritonõpo mana; konopo sã mokyro zehno Ritonõpo ehtoh oehnõko mana epona.

Saumu 145:13

Tuisame oehtoh jũme mana, emero esẽme oehtoh exikehpyra mana. Ritonõpo Kuesẽkõ tõmihpyry ae ro emero rĩko mana, anamonohpyra mana emero riryhtao eya.

Porowepio 29:23

Imehnõ motye kure osekaroryhtao ahno a orẽnõko mana, yrome epyrypara ynororo ahtao aomiry etary se exĩko imehnõ mana.

Izaja 14:27

Morara tyrĩko ase,” tykase Ritonõpo Jamihmehxo Exikety exiryke; onytyoromasaromepyra imehnõ mana. Tomary tanỹse mana toto wãnohtohme; onytyoromara imehnõ mana.

Tanieu 12:7

Tomary tanỹse Ritonõpo nenyokyhpyry a kakoxi kapu a. Ynara tykase ynororo: — Ritonõpo, Jũme isene Exikety omi poe, senohne emero exĩko 3½ jeimamyry ae. Mame Ritonõpo poetory tõ ryhmatoh tonahse ahtao ipunaka, morohne emero exĩko mana.

Tanieu 4:24

Morarame tõturuse ro Tanieu, ynara tykase ynororo: — Seromaroro moro enetupuhtoh ekarõko ase oya. Õsenehtopõpyry ãmorepatoh nexiase Ritonõpo Kapu Esẽ a taroino ehtoh poko oya, tuisa.

Tanieu 4:26

Ritonõpo nenyokyhpyry omi poe moro wewe ãtykyry tynomose imity maro, ynara enetupuhtohme mana: tuisame exĩko ropa mase, Ritonõpo Imehxo Exiketyme tonetupuhse oya ahtao, moro ekaroryhtao roropa oya imehnõ netaryme.

Tanieu 4:30

Mame ynara tykase ynororo: — Zumo potu sero pata Papironia! Yjamitunuru ke senohne tyrise ya tuisa konõto esaryme, tuisa imehxo jehtoh enepotohme imehnomo a, orẽpyrahxo jexiryke.

Tanieu 4:32

Atapyĩ tae taroposẽme exĩko mase, mya ahno winoino. Onokyro tõ rãnao exĩko mase. Onahpoty enahnõko mase pui tõ samo. 7me jeimamyry aropõko mase morara oehtoh poko, Ritonõpo Imehxo ehtoh enetuputyry pona oya. Emero tuisa tõ Esẽme mana. Tuisame ahno rĩko mana ise tahtao.

Tanieu 4:34

— Morarame 7me jeimamyry taropose ahtao, ywy, Napukotonozo osenuhmase kakoxi, josenetupuhtoh toekurãkase ropa. Ynara tykase ywy: “Kure mase, Ritonõpo kapu Esemy. Oeahmary se ase Imehxo Exiketyme mase, jũme Exikehpyra mase. Ritonõpo jamitunuru enahpỹme mana; tuisame aehtoh exikehpyra mana.

Tanieu 5:20

Yrome imehxo toexiry poko toepyrypase ahtao typoremãkase ropa ynororo Ritonõpo a, putupyra roropa exiryke, imehnõ pyno pyra exiryke roropa. Morara exiryke tuisame pyra tyripose ropa eya.

Tanieu 5:28

PERES kary: “Ononory tapiakasẽme exĩko ekarotohme meto tõ nonoryme te, persa tõ nonoryme,” enara.

Tanieu 6:27

Ahno akorehmãko mana, toto pynanohnõko mana; tyjamitunuru enepõko mana, osenuruhkatoh enepõko roropa mana, kapu ao te, sero nono po roropa. Tanieu typynanohse eya, onesekara reão tõ ehtohme.”

Mateu 3:17

Mame omi totase kaino. Ynara tykase: — Umũkuru nymyry mose. Ipyno ase. Tãkye ase roropa ipoko, tykase.

Ruka 12:20

Mame ynara tykase Ritonõpo eya: “Oepyrypary hmoro. Seroae ro orihnõko mase. Mame onoky omõkomohpyry esẽme exĩko nae? Onoky onukurãkatyã esẽme exĩko nae? Imehnõ õkyryrỹpyry esẽme exĩko mana,” tykase Ritonõpo eya. Mame toorihse ynororo, tykase Jezu eya xine.

João 12:28

Papa Kapuaono, ime oexiry enepoko imehnomo a, “Kure mase,” katohme toto a, tykase Jezu. Mame kaino omi totase toto a: — Imehxo jehtoh tonepose ya eya xine. Imeĩpo enezomopõko ropa ase eya xine, tykase omi kaino.

1 Tesaronika 5:3

Ynara karyhtao eya xine: “Emero kure sytatose,” ãko toh mã repe, tuaro pyra toexirykõke. Yrome axĩ toto etuarimatoh oehnõko mana. Atarypõko mã toto, nohpo oxietũtopitory samo. Toepatohkõ zupĩko mã toh repe.

Apokaripxi 16:7

Mame imepỹ omi etase tynekarory zahkatoh poe. Ynara nase: — Kuesẽkõ Ritonõpo imehxo mase. Ajohpe pyra mase. Zae ro imehnõ apiakãko mase. Zae ro toto wãnohnõko mase, nase.

1 Samueu 13:14

Yrome seromaroro tuisame exikehnõko mase. Kuesẽkõ omipona pyra toehse oexiryke imepỹ zupĩko mana tosẽ zamaro exikety, aomipona se exikety. Typoetory tõ esẽme mokyro rĩko mana, tykase Samueu.

1 Samueu 15:23

Kuesẽkõ omihpyry omipona pyra awahtao, popyra mase ipunaka Ritonõpo a, pyaxi omipona oehtoh samo. Imehnõ motye kure oexiry poko oepyryparyhtao, popyra mase Ritonõpo a, imehnõ neponãmary eahmary sã oya. Ritonõpo omiry turumekase oya exiryke turumekase mase Ritonõpo a Izyraeu tõ tuisaryme oehtoh poko.