Tanieu 4:19 - Ritonõpo Omiry: A Bíblia Sagrada na língua Aparai do Brasil

¹⁹ Morara kary etaryke Tanieu a, esety akorõ Peutesazaa, tõserehse ynororo, otupĩko rokẽ kynexine aporo. Mame tuisa ynara tykase: — Peutesazaa, torẽtyke pyra exiko moro josenehtopõpyry poko, moro enetupuhtoh poko roropa. Yrome ynara tykase Tanieu: — Tuisa, kurehxo ya exiry, õsenehtopõpyry opoko pyra ahtao, oepetõkara poko ahtao!

Tanieu 4:19 ပူးပေါင်းရင်းမြစ်များ

Jenexi 31:35

Tumy a ynara tykase Rakeu: — Yzehno pyra exiko, owõsaromepyra ase oẽpataka; munume ase. Moro sã tykyryry tupise Rapão a repe. Yrome onenepyra tokurehse ynororo.

Jenexi 32:18

Ynara ãko mase eya: “Moxiamo opoetory Jako eky tomo. Inekarory tosemy a Ezau a,” kaxiko eya. “Oehnõko mã ynororo okomino,” kaxiko eya, tykase ynororo typoetory tõ osemazupu a.

Jenexi 40:12

Ynara tykase Joze: — Ynara enetupuhnõko ase, moro uwa amoriry oseruao ẽmepyry oseruao ehtoh enetupuhtohme mana.

1 Tuisa 18:7

Mame Opatia ytoytoryhtao mõtoino rokẽ tõseporyse Eria maro. Tonetupuhse ynororo eya. Tosekumuru po typorohse Opatia Eria ẽpataka, tõmyty po nono pokoxi. Mame tõturupose ynororo eya: — Omoro mahno, tuisa? tykase.

Exutu 32:32

Ajohpãme sã iirypyrykõ ikorokako ropa! Mãpyra ikorokary se pyra awahtao, jesety imikako ropa apapẽ poe. Moroto opoetory tõ esetykõ tymerose oya.

Jeremia 29:7

Erohtoko kure rokẽ apatarykõ ehtohme, morotona taropose ya oexirykõke imehnõ namotome. Oturutoko ya kure rokẽ moro pata ripotohme ya, kure rokẽ moro pata ahtao amarokõ roropa kure exĩko.

Jeremia 4:19

Sam ãko ase! Emynyhmãko ase ipunaka ukurohtao! Ukurohtao jeano tahtah ãko jamihme sã mana! Mynyhme ehsaromepyra ase. Rue totase ya exiryke, kui kui katoh tonõ roropa etonatoh poko.

Tanieu 1:7

Yrome tyoro tosehpase toto Axipenaze a: Peutesazaame te, Satarakeme, Mesakeme, Apete-Nekome, enara toh nexiase.

Tanieu 2:26

Tuisa tõturupose Tanieu a, esety akorony Peutesazaame kynexine, ynara tykase ynororo: — Ajohpe pyra, josenehtopõpyry ekarory waro mah? Oty kary se moro josenety? Moro ekarory waro roropa mah? tykase.

Tanieu 2:37

Tuisa, imehnõ tuisa tõ emero motye jamihme mase, Ritonõpo Kapu Esẽ omi poe tuisame mase. Ipoe rokẽ orẽpyra mase, imehnõ esẽme mase, tuisamehxo mase.

Tanieu 4:24

Morarame tõturuse ro Tanieu, ynara tykase ynororo: — Seromaroro moro enetupuhtoh ekarõko ase oya. Õsenehtopõpyry ãmorepatoh nexiase Ritonõpo Kapu Esẽ a taroino ehtoh poko oya, tuisa.

Tanieu 5:12

Mokyro Tanieu tosehpase ropa omy a Peutesazaame. Kure rokẽ osenetupuhnõko mana; tuaro exiketyme mã ynororo, emese kure roropa osenehtoh poko enetuputyry poko, tupime aexityã enetupuhtoh amorepãko mana. Naeroro mokyro Tanieu enehpoko, moro oma nymerohpyry apuru pokona enetupuhtoh ekarõko mana.

Tanieu 5:18

Omy Napukotonozo tuisame tyrise Ritonõpo Imehxo Exikety a. Eya omy tyrise jamihmehxo, orẽpyrahxo, tuisamehxo, enara.

Tanieu 5:19

Omy jamitunuru, Ritonõpo nekarohpyry eya, imehnõ motye kynexine. Imehnõ nonory põkõ tykytyky tykase enaromỹke exiryke ẽpataka. Imepỹ etapary se tahtao totapase eya; imehnõ se tahtao isene tynomose eya. Toitoine tuisame ahno tyrise eya, imehnõ tuisame pyra tyrise eya ise toehtopõpyry ae ro.

Tanieu 7:15

Tõserehse exiase josenehtopõpyry poko, torẽtyke toehse exiase.

Tanieu 7:28

Nenahno moro enetupuhtopo. Torẽtyke ro exiase, osenetupuhnõko rokene, jẽmyty tyoro sã nexiase. Yrome moro poko imehnõ onurupyra exiase ipunaka.

Tanieu 8:27

Ywy Tanieu kure pyra exiase okynã pitiko. Moromeĩpo kure toehse ropa jahtao toerohpitose ropa ywy kowenu erohtoh poko. Torẽtyke ro exiase moro enepotopõpyry poko, onenetupuhpyra jexiryke ipoko.

Apakuke 3:10

Ypy tõ oeneryke tykytyky tykase kehko; tuna tukuãse kapu aeino. Tuna tõ nono zopino panaikatome toehse sororokane samo, pohkane konõto samo tõnuhse mã kehko.

1 Samueu 1:15

— Arypyra, Pãna, tykase ynororo. — Atasamãko ase yronymyryme ukurohtao. Eukuru onẽpyra akene. Oturũko rokẽ akene Ritonõpo netaryme jatasamaryke ukurohtao.

1 Samueu 24:8

Morarame okomino tutũtase roropa Tawi. Tykohtase Sauu netaryme: — Sauu tuisa, tykase Tawi. Mame toeramase Sauu ahtao tỹkakoxi tõsenuhmase, Tawi tonese eya. Nono pona tosekumuru po typorohse Tawi, “Imehxo mase,” katohme eya.

1 Samueu 26:15

Tawi a tozuhse: — Orutua kara hma? Soutatu imehxo exiketyme pyra hma? Oty katoh oesẽ onewomara make, Izyraeu tõ esemy? Imepỹ tooehse seromaroro oesẽkõ etapase.

1 Samueu 3:17

— Aimo, oty nykã Ritonõpo oya? Ekaroko emero. Awãnohnõko Ritonõpo mana onekaropyra awahtao, tykase.