Tanieu 2:4 - Ritonõpo Omiry: A Bíblia Sagrada na língua Aparai do Brasil

⁴ Ynara tykase toto tuisa a aramaiku omiry ae: — Tuisa, jũme isene exikehpyra exiko! Õsenehtopõpyry ekaroko yna a, mame tuaro ehtoh ekarõko oya ynanase, tykase toto.

Tanieu 2:4 ပူးပေါင်းရင်းမြစ်များ

Jenexi 31:47

Moro tosehpase Rapão a Jekaa-Saatutame. Jako a tosehpase Kareeteme.

Jenexi 41:8

Tõmehse ahtao torẽtyke toehse ynororo. Naeroro tuaro exiketõ tykohmapose eya, Ejitu põkomo, oximõme toto oehtohme. Tõsenehtopõpyry tokarose eya xine repe. Yrome zuaro pyra toh kynexine emero. Oty moro? Zuaro pyra ynanase ipunaka.

1 Tuisa 1:25

Seroae toytose ynororo tynekarory etapase pui tomo te, pui mũkuru tupune exiketomo te, kaneru tomo, enara, jahkatohme tynekaroryme Ritonõpo a. Omũkuru tõ emero toahmase eya, Joape soutatu tõ tuisary maro te, Apiataa, Ritonõpo omihpyry ẽ puimane maro, enara. Seromaroro otuhnõko mã toto, eukuru ẽnõko imaro. Kohkohtãko toto “Imehxo mase tuisa Atonia,” ãko toto.

1 Tuisa 1:31

Mame tosekumuru po typorohse Pate-Sepa, tuisa ẽpataka: — Tuisa Tawi, jũme isene oexiry se ase, tykase.

2 Tuisa 18:26

Mame ynara tykase Eriakĩ tomo, Sepena maro, Joa maro mokyro a: — Oturuko aramaiku omiry ae; enetupuhnõko ynanase. Epereu omiry ae, yna omiry ae, oturupyra exiko; mokaro, pata apuru po exiketõ oetãko mã toto.

Extara 4:7

Moro pape tymerose Pixirã tomo a, Mitiretate maro, Tapeeu maro, toto maro exiketõ maro, aropotohme tuisa Arataxerexe, Perexia esemy a. Moro pape tymerose aramaiku omiry ae, mame tyripose Perexia omiry aka.

Neemia 2:3

Ynara tykase ywy eya: — Tuisa, jũme isene oehtoh se ase! Tãkye nymyry ehsaromepyra ase ytamuru tõ zonẽtopõpyry, pata Jerusarẽ tyhtomase ahtao, omõtoh tonõ tyahkase roropa ahtao apoto ke?

Izaja 36:11

Mame ynara tykase Eriakĩ, Sepena, Joa maro, mokyro a: — Tuisa, oturuko aramaiku omiry ae, ajohpãme samo, enetupuhnõko ynanase. Epereu omiry ae oturupyra exiko, mokaro pata apuru po exiketomo a oetarykõ ino.

Izaja 44:25

Imeĩpo ehtoh ekaronanõ tyrĩko ase putupyra exiketõme, urutõ ajohpãkõ omiry ae onyripopyra ase. Tuaro exiketõ omiry tyrĩko ase zae pyra, zuaro toto ehtoh enepõko ase zuaro pyra ehtoh samo.

Tanieu 1:4

Kurãkõ rokẽ imenekako, ahmitara exiketomo; tuaro exiketomo, tamorepase exiketomo, emese kure toto ehtohme jakorehmananõme ytapyĩ konõto tao. Toto amorepãko mase papironio tõ omiry poko, isekeremary waro toto ehtohme, imerory waro roropa toto ehtohme, tykase tuisa.

Tanieu 2:7

Mame tozuhse ynororo tuaro exiketomo a emero. Ynara tykase toto: — Kaxiko omoro õsenehtopõpyry yna a, mame moro etaryhtao enetupuhnõko ynanase, ourũko ynanase, tykase toto.

Tanieu 3:9

Ynara tykase toto tuisa Napukotonozo a: — Tuisa, jũme isene exikehpyra exiko!

Tanieu 4:19

Morara kary etaryke Tanieu a, esety akorõ Peutesazaa, tõserehse ynororo, otupĩko rokẽ kynexine aporo. Mame tuisa ynara tykase: — Peutesazaa, torẽtyke pyra exiko moro josenehtopõpyry poko, moro enetupuhtoh poko roropa. Yrome ynara tykase Tanieu: — Tuisa, kurehxo ya exiry, õsenehtopõpyry opoko pyra ahtao, oepetõkara poko ahtao!

Tanieu 4:7

Tooehse toto ya, tuaro exiketomo te, pyaxime exiketomo te, xirikuato poko tuaro exiketomo te, oremime exiketõ roropa, enara. Eya xine josenehtopõpyry ekaroase repe. Yrome moro enetupuhtoh onekarosaromepyra toh nexiase.

Tanieu 4:9

“Etako pahne Peutesazaa, pyaxime exiketõ tuisaryme mase, zuaro ase, ritõ tõ zuzenu kurã amaro mana. Morara exiryke zuaro pyra imehnõ ehtoh waro mase. Josenehtopõpyry ekarõko ase oya, ipoko enetupuhtoh ekarotohme ya.

Tanieu 5:10

Mame tuisa eny, mokaro tuisa tõ kui kary etaryke tyya, tomõse moro oseahmatoh esaka. Ynara tykase ynororo tuisa a: — Isene oexiry se ase jũme! Oserehpyra exiko, moro oma nymerohpyry poko torẽtyke pyra exiko.

Tanieu 5:8

Tuaro exiketõ emero tomõse toh nexiase moro oseahmatoh esaka repe. Yrome oma nymerohpyry onysekeremasaromepyra toh nexiase. Morara kary enetupuhtoh ekarory waro pyra roropa toh nexiase porehme.

Tanieu 6:21

Tanieu a tozuhse. Ynara tykase: — Tuisa, jũme isene exikehpyra exiko!

Tanieu 6:6

Naeroro toytose toto oturuse tuisa a, ynara tykase toto: — Tuisa, jũme isene oexiry se ynanase!

Tanieu 6:7

Tõximõse yna opoetory tõ tuisary tomo: kowenatu tomo te, pata esamo te, imehnõ ãkorehmananõ maro. Ynara tonetupuhse yna a, ynara ekaropory se ynanase oya, tyripotoh se ynanase oya onytyoromara imehnõ ehtohme, õmiry omipona yna ehtohme emero porehme. Ynara tyripoko: 30me ẽmepyry ae yna emero onekaropopyra imepỹ ritono a te, imehnõ ahno a, enara; oya rokẽ yna ekaropotohme porehme. Mãpyra imepyny a ekaroporyhtao sero 30me ẽmepyry ae, ritono a te, ahno a roropa mokyro tomasẽme exĩko mana reão tõ ẽ aka.

Mateu 21:9

Mame kui kui tykase toto imoihmãkomo tãkye toexirykõke, osemazuhme ytoketomo Jezu mykapo ytoketomo, enara. Ynara tykase toto: — Kure Tawi parỹpyry mana. Kure mose tyriko Ritonõpo, õmi poe aepyhpyryme aexiryke. Kure Ritonõpo mana, imehxo, tykase toto.

1 Samueu 10:24

Mame ynara tykase Samueu eya xine: — Mose Ritonõpo Kuesẽkõ nymenekahpyryme mana. Mose sã pyra imehnõ mana, tykase. Mame opore ynara tykase toto oximõme: — Isene exiko okynahxo, tuisa imehxo! tykase toto.