Tanieu 2:35 - Ritonõpo Omiry: A Bíblia Sagrada na língua Aparai do Brasil

³⁵ Axĩ moro kurimene orino maro te, metau te, parata te, uuru roropa tãtakuhmose. Akumurume toehse, tiriiku pihpyry samo, tarose emero tyryrykane a, atakoinohpyra toehse kehko. Mame moro topu tahtase, zumohxo toehse ypy sã konõto. Nono typehse ike.

Tanieu 2:35 ပူးပေါင်းရင်းမြစ်များ

Jo 6:17

Yrome imeĩpo tuname exĩko, mame axitũ pohto toehse ahtao anorỹko mana. Axitũ nymyry toehse ahtao, tonore exĩko mana tũpore roropa.

Saumu 103:16

Mame tyryrykane tyryry ãko mana. Moro ekuru tonahsẽme exĩko; jũme osenepyra ropa exĩko mana.

Saumu 22:27

Imeimehnõ nonory põkõ emero osenetupuhnõko mã toto Ritonõpo poko. Sero nono etyhpyry po eramãko mã toto eya, Tosẽkõme aenetupuhnõko mã toto, eahmãko mã toto, emero.

Saumu 37:10

Okynã pyra popyra exiketõ mã osenepyra exĩko mana; toto zupiry se awahtao, toto zupĩko mase repe, yrome toto onenepyra exĩko mase.

Saumu 37:36

Yrome imeĩpo esary kuroko toytose jahtao onenepyra exiase; upiase repe, yrome mokyro onenesaromepyra exiase.

Saumu 46:9

Osetapatoh konõto mynyhpãkãko mana sero nono po porehme; taky tõ tahkãko mana, warata tõ roropa, osewomatoh tonõ zahkãko mana.

Saumu 66:4

Sero nono põkõ emero oeahmãko mã toto, eremiãko mã toto, oeahmaryme, eremiãko mã toto imehxo oekaroryme.”

Saumu 86:9

Emero ahno onyrityã oehnõko, tosekumuru po porohnõko mã toto oẽpataka; imehxo oehtoh eahmãko mã toto

Izaja 11:9

Ypy Xião po, jesary kurã po, popyra ehtoh exipyra exĩko mana; imehnõ onyryhmara exĩko, ynara exiryke: Tuisamehxo Kuesẽkõ enetupuhnõko sero nono põkõ mana emero porehme, tuna konõto pehkary samo tuna ke.

Izaja 8:9

Oximõtoko ahno tomo, yrome enaromỹke ehtoko! Etatoko pahne moe nono tõ poe aehtyamo! Opyrekõ ikurãkatoko etonatohme, yrome typoremãkaposẽme exĩko matose! Ije opyre tõ ikurãkatoko etonatohme, yrome typoremãkaposẽme exĩko matose!

Tanieu 2:44

Mame tuisame mokaro ahtao ro, Ritonõpo Kapu Esẽ tuisame toehtoh enepõko mana, jũme tuisame exikehpyra ehtohme; imehnõ mã onyporemãkaposaromepyra exĩko mana. Mãpyra imehnõ tuisa tõ porehme enahkapõko mã ynororo jũme tuisame toehtohme.

Ozeja 13:3

Morara exiryke mokaro osenepyra exĩko mã toto, akurũ samo ẽmepyryhtao, xixi tũtaryhtao, konopo akoĩpyry sã onahpoty po, axĩ tonore exĩko, tiriiku pihpyry sã aroryhtao tyryrykane a, orexĩto sã roropa tõnuhse ahtao.

Mikeja 4:13

Ynara ãko Ritonõpo mana: — Jerusarẽ põkomo, owõtoko oepetõkara wãnohtohme! Jamihme oritorỹko ase pui orutua samo kurimene risẽ tyretyke, metau risẽ ipupuru tomo. Ahno tuhkãkõ poremãkãko matose. Inapoityã kurã imehnõ etaparyke eya xine, moro enehnõko matose onekarorykõme ya, Ritonõpo sero nono Esemy.

Zakaria 12:3

Yrome moro ẽmepyry toehse ahtao Jerusarẽ rĩko ase topu omoxinety samo imehnõ ahno tomo a emero; anymyry kukuruhtao imepyny a atapurõko mana itamurume. Mame imeimehnõ ahno tõ emero oximõnõko mã toto etonatohme pata Jerusarẽ poremãkatohme.

1 Korĩtiu 15:25

Mame tuisa konõtome Kyrixtu exĩko. Zehno exiketõ poremãkapõko Ritonõpo mana. Toto jamitunuru enahkapõko roropa mana. Kyrixtu omipona exĩko mã toto emero.

Apokaripxi 11:15

Mame imepỹ Ritonõpo nenyokyhpyry rue etone, etyhpyrymano. Mame omi opore exiketõ etase kapu ao. Ynara nase toto: — Seromaroro Kuesẽkõ sero nono esẽme toehse rahkene tynymenekahpyry maro. Tuisame exikehpyra mana jũme, nase toto.

Apokaripxi 12:8

Morarame zakareimo konõto typoremãkapose ipoetory tõ maro. Taropose toto kapu ae porehme.

Apokaripxi 20:11

Morarame tuisa apõ konõto enease, karimutumano. Tapõ po typorohse exikety enease roropa. Ewinoino sero nono toepase samo, kapu roropa toepase samo, osenepyra toehse.