Tanieu 10:14 - Ritonõpo Omiry: A Bíblia Sagrada na língua Aparai do Brasil

¹⁴ Seromaroro toeporehkase ywy oya ãmorepase imeĩpo oekyry tõ ehtoh poko. Moro enepotopõpyry oya imeĩpo ehtoh poko enetupuhtohme mana, tykase.

Tanieu 10:14 ပူးပေါင်းရင်းမြစ်များ

Jenexi 49:1

Mame tumũkuru tõ tykohmase tyya Jako a. Ynara tykase ynororo: — Jomye ehtoko, imeĩpo ehtoh ekarõko ase oya xine.

Izaja 2:2

Imeĩpo, moro ypy Ritonõpo Tapyĩ esary kaehxo exĩko mana, imehnõ ypy tõ kae ehtoh motye, emero porehme. Mame morotona iporiry sã ytõko ahno, imehnõ nonory põkomo, imehnõ nonory poe emero porehme.

Ezekieu 12:27

— Ahno mũkuru, etako pahne, mokaro Izyraeu tõ ynara osenetupuhnõko mã toto ynenepohpyry poko oya: Otarame okynahxo ahtao moro sã exĩko mana, tuhke jeimamyry aroporyhtao, ãko toh mã repe.

Ezekieu 38:16

Moro ẽmepyry toehse ahtao jomi poe oehnõko mase ynonory pona imeimehnõ nonory põkõ juaro ehtohme, kure jehtoh enetohme eya xine ynyriry poko amaro xine.

Tanieu 10:1

Morarame oseruao jeimamyry taropose ahtao tuisa Xiro a Perexia tuisaryme, ywy, Tanieu, Ritonõpo omiry etase; jesety akorõ Peutesazaame nexiase. Ritonõpo nekarohpyry ya zae nexiase, yrome tupime nexiase enetuputyry ya. Mame tuaro enetupuhtoh tokarose ya enepotoh ae.

Tanieu 12:4

Ynara tykase ropa ynororo ya: — Seromaroro, Tanieu, senohne onekaropyra exiko imehnomo a, moro pape apuruko apuhtoh ke onetapuruhmakara ropa imehnõ ehtohme etyhpyry pona. Tuhkãkõ xiaxiake tururume ytoytõko mã toto tuarohxo toehtohkõme.

Tanieu 12:9

Ynara tykase ynororo ya: — Torẽtyke pyra exiko, Tanieu, ytoko ropa rokene. Sero omi tokare pyra exĩko, tapuruse samo etyhpyry pona.

Tanieu 2:28

Yrome Ritonõpo Kapuaõ tuaro Exiketyme mana, õsenehtopõpyry ekarory waro mana. Ãmorepary se toexiryke taosenehkapose mase eya, imeĩpo ehtoh poko zuaro oehtohme. Seromaroro, tuisa, õsenehtopõpyry ekarõko ase oya, Ritonõpo nekarohpyry oya tynyhse awahtao õsenetoh ae:

Tanieu 8:16

Ahno omiry totase ya tuna Urai kuae, ynara tykase tykohtase: — Kapirieu, mose amorepako inenehpyry enetupuhtoh poko.

Tanieu 8:26

Mame tõturukehse Kapirieu, ynara karyke: — Moro enepotopõpyry oya okyno zatyry poko pakeimo, kokonie pukuro roropa Ritonõpo eahmaryme kuuruno. Moro ynekarohpyry exĩko mana, ajohpe pyra. Yrome morohne poko oturupyra exiko imehnomo a, okyna rohxo exiryke morara ehtohme, tykase ynororo.

Tanieu 9:22

Tõturuse ynororo ya tuaro jehtohme. Ynara tykase ynororo: — Tanieu, oehno oya seromaroro ãmorepase õsenehtopõpyry poko, tuaro oehtohme.

Ozeja 3:5

Yrome ẽmepyry oehnõko mana: Izyraeu tõ oehnõko ropa Ritonõpo eahmase ropa Tosẽkõme. Tutuisake exĩko mã toto tuisa Tawi paryme exikety. Morarame Ritonõpo eahmãko mã toto Tosẽkõme, aomiry omipona, inekarory kurã tuhke apoĩko roropa mã toto.

Mikeja 4:1

Imeĩpo moro ypy, Ritonõpo Tapyĩ esary imehnõ ypy tõ motye kaehxo exĩko mana, emero porehme. Mame morotona ytõko ahno tõ mana, imehnõ nonory põkomo, imehnõ nonory poe emero porehme.

Apakuke 2:3

Sero enepotoh oehpyra ro mana, yrome morohne exĩko sero etyhpyry po, ekurehpyra mã rahkene. Okynahxo oehpyra ahtao eraximatoko. Ynara exiryke moro enepotoh toehse ahtao morohne exĩko mã rahkene.

Numeru 24:14

Ynara tykase Paraão Parake a: — Seromaroro ytõko ropa ase wekyry tomo a; yrome osemazuhme ekarory se hano Izyraeu tõ nyriry poko opoetory tomo a imeĩpo.

Teuteronomiu 31:21

Morara exiryke tuãnohsẽme exĩko mã toto ya, popyra ehtoh toehse ahtao toto pona, mame sero eremiatoh ke eremiãko ro mã toto, enetupuhpotohme, zae pyra toto ehtopõpyry poko. Seromaroro toto anaropyra ro jahtao moro nono ynekarory pona ynetapohpyry ae ro, toto osenetupuhtoh ritohme moro nono po zuaro ase.

Teuteronomiu 31:29

Zuaro ase, toorihse jahtao iirypyryme exĩko mã toto, ynyripohpyry tõ omipona pyra exĩko mã toto. Mame imeĩpo tuãnohsẽme exĩko mã toto. Iirypyrykõ pokoino tohne exĩko Ritonõpo mana toto poko.

Teuteronomiu 4:30

Mame imeĩpo oetuarimarykohtao, morohne emero toehse ahtao oya xine, toeramase ropa awahtao xine, oehtohkõme ropa Ritonõpo Kuesẽkomo a, aomiry omipona toehse ropa awahtao xine,

2 Timoteu 3:1

Tuaro ehtoko, Jezu oehsasaka ahtao tuhke ehtomaketõ exĩko mana, Jezu omipona exiketõ poremãkapory se exiketomo.

Epereu 2:3

Yrome Kuesẽkõ Jezu omiry mokaro omihpyry motye kuhse mana. Otato pyra kuahtao xine kuãnohtorỹko mana, ekurehpyra mana. Osemazuhme kypynanohtohkõ poko tyya kynoturune. Morarame etananõ roropa kutuarõtanohpotone zae aehtoh poko.