Tanieu 1:20 - Ritonõpo Omiry: A Bíblia Sagrada na língua Aparai do Brasil

²⁰ Tuisa konõto tõturupose ahtao toto a emero rokẽ poko, tuaro toto ehtoh waro toehtohme tonese ynororo imehnõ motye kuhse tuaro Tanieu nexiase epe tõ maro. 10me tuarohxo mokaro 4mãkõ nexiase, imehnõ tuaro exiketõ motye, amorepananõ motye roropa Papironia po.

Tanieu 1:20 ပူးပေါင်းရင်းမြစ်များ

Jenexi 31:7

Yrome tonekunohse ywy eya. Jerohtamitu tyotyoro tyrise eya tuhke, omame porehme. Yrome towomase ywy Ritonõpo a yyryhmara aehtohme.

Jenexi 41:8

Tõmehse ahtao torẽtyke toehse ynororo. Naeroro tuaro exiketõ tykohmapose eya, Ejitu põkomo, oximõme toto oehtohme. Tõsenehtopõpyry tokarose eya xine repe. Yrome zuaro pyra toh kynexine emero. Oty moro? Zuaro pyra ynanase ipunaka.

Neemia 4:12

Tuhke pixo juteu tõ tooehse yna a, yna epetõkara rãnao exiketomo, yna zuruse yna epetõkara omiry poko yna ryhmary se toto ehtoh poko.

Jo 19:3

Tuhke rokẽ typoihtose ywy oya xine. Ehxiropyra hmatou azahkuru oehtopõpyrykõ poko ypoko?

Saumu 119:99

Jamorepananõ emero motye enetupuhnõko ase, jamorepatopõpyry poko oya josenetuputyryke.

Exutu 7:22

Yrome pyaxi tõ a roropa tukuhse ahtao morara tyrise eya xine isaaro. Naeroro tuisa aosenetupuhtoh tũpore ro kynexine. Ritonõpo omihpyry ae ro Moeze tõ omiry Arão maro onymoipyra kynexine.

Exutu 8:19

Ynara tykase pyaxi tomo tuisa a: — Azamo panõ onyrisaromepyra ynanase Ritonõpo a rokẽ mokaro tyrise, tykase toto. Yrome tũpore ro tuisa osenetupuhtoh kynexine. Ritonõpo omihpyry ae ro Moeze omiry onenetupuhpyra kynexine, Arão maro.

Exutu 8:7

Yrome pyaxi tõ a roropa tukuhse ahtao pororu tõ tonehpose Ejitu nonory pona.

Izaja 19:3

Mame Ejitu põkõ orẽnõko mã toto, tyriry se toto ehtoh onyrisaromepyra toto ripõko ase. Morara ahtao ekaropõko mã toto tyneponãmarykomo a, typyaxiry tomo a, joroko tõ maro oturuketomo a roropa tuaro ehtoh ekarotohme eya xine.

Ezekieu 28:3

Tuarohxo osekarõko mase, Tanieu motye, imehnõ nyriry tokare pyra ahtao ro, otonẽsaromepyra mã toto owino, ekarõko mase.

Tanieu 1:17

Mame zuaro tyripose toto Ritonõpo a papironio tõ nymerohpyry poko, emero poko tuaro ehtoh roropa. Yrome Tanieu tuaro ehtoh tokarose Ritonõpo a osenehtohtoh põ poko zuaro ehtohme.

Tanieu 2:13

Mame tuisa nyripohpyry tokarose emero netaryme, moromeĩpo toytose toto Tanieu tõ enehse epe tõ maro, toto orihmapotohme roropa repe.

Tanieu 2:21

Xixi esẽme mana, nuno roropa, xirikuato tõ roropa; xixime ehtoh eina myakamãko mana konopome ehtohme roropa. Tuisa tõ tuisame exĩko Ritonõpo poe, toto poremãkapõko roropa mana. Tuaro exiketõ tuaro exĩko Ritonõpo poe, tãtamorepary se exiketõ amorepãko mana.

Tanieu 5:17

Ynara tykase Tanieu: — Okyryry kurã ikurãkako. Ekarory se awahtao onekarory tõ ekaroko imepyny a. Yrome moro omi tymerose aexihpyry apuru poko sekeremãko ase, enetupuhtoh ekarõko roropa ase oya.

Numeru 14:22

mokaro orutua kõ emero eporehkara mã toto moro nono pona. Ysaerehkatoh tonese eya xine, yjamitunuru roropa Ejitu po ona po roropa repe. Yrome jukukuase toto 10me, penekehpyra jexiry tukuhse eya xine, jomiry omipona se pyra toexirykõke.