Sowonia 3:18 - Ritonõpo Omiry: A Bíblia Sagrada na língua Aparai do Brasil

¹⁸ Ynara ãko Ritonõpo mana: “Omuhpe exiketõ oseahmatoh poko oximõme enehpõko ase, omuhpe pyra, ohxirotopõpyrykõ tonahse.

Sowonia 3:18 ပူးပေါင်းရင်းမြစ်များ

Saumu 43:3

Saerehkatoh enehpoko ya jamorepaneme zae jesemary poko. Kuaroko ropa ypy Xião pona, oesary kurã pona, atapyĩ kurã pona.

Saumu 79:4

Imehnõ nonory põkõ, ynakatonomory, yna poihtõko, exianãko mã toto, yna eunohnõko mã toto.

Jeremia 23:3

Ypoetory tõ akoĩpyry enehpõko ase imehnõ nonory tõ poe. Morotona toto taropose ya, inonorykõ pona toto enehnõko ropa ase. Emũkuãko mã toto tuhke, emãnõko mã toto.

Ramẽtasão 1:4

Seromaroro oehpyra ahno Ritonõpo Tapyĩ taka, eahmatohme Otuhtoh konõto po. Osema tõ Xião pona mynyhme rokẽ mã toto, omõtoh tonõ tytaõke pyra roropa. Nohpo tõ eremiaketõ Ritonõpo Tapyĩ tao xitãko, oturuketõ pusuh ãko. Pata põkõ etuarimãko mã toehse oximõpyra mã toto osema tao ahno pyra exiryke.

Ramẽtasão 1:7

Seromaroro tãkye pyra oseanahtõko, Jerusarẽ põkõ mana, etuarimãko. Wenikehpyra mã toto tymõkomohpyrykõ kurã poko pake ahtao. Tapoise ahtao epetõkara a takorehmaneke pyra nexiase, tounohse rokẽ ynororo epetõkara a.

Ezekieu 34:13

Imeimehnõ nonory poe toto enehnõko ropa ase oximõme toto ehtohme, toto enehnõko ropa ase inonorykõ pona. Toto arõko ase ypy tõ pona, Izyraeu tõ nonory pona, moroto iporiry tõ pũto toto nahpãko ase, ahno esary tõ po emero.

Ezekieu 36:24

Ãpoitorỹko ase imeimehnõ nonory poe emero porehme oenehtohkõme ropa ononorykõ pona ropa.

Ezekieu 9:4

Ynara tykase: — Ytoko pata Jerusarẽ rãnakuroko ahno merotohme ipery pokona, emero emynyhmaketomo kananomo te, pusuh kananomo roropa emero typenekehse exiketomo popyra ehtoh poko sero põkõ nyrityã poko sero pata po.

Ozeja 1:11

Juta tomo Izyraeu tõ maro oximõnõko mã toto. Oximõme toiro tuisa menekãko mã toto tutuisarykõme. Ahno tõ jamihme exĩko ropa mã toto, tymõkomoke roropa. Moro ẽmepyry toehse ahtao Oseahmatoh konõtome exĩko mana, Jezereu ẽmepyryme.

Ozeja 9:5

Morarame oseahmatoh konõto toehse ahtao Ritonõpo eahmatohme otara tyrĩko toh nae?

Sowonia 3:20

Moro ẽmepyry toehse ahtao oximõme oenehtorỹko ase oenehtohkõme ropa ononorykõ pona. Kure rokẽ oritorỹko ase, amarokõ emãtohme ropa. Imehxo oehtohkõ waro exĩko imehnõ mana, emero nono põkomo. Õmirykõ etary se exĩko imehnõ mana imeimehnõ nono põkomo.” Ywy, Ritonõpo, oturuno.