Sowonia 3:17 - Ritonõpo Omiry: A Bíblia Sagrada na língua Aparai do Brasil

¹⁷ Ritonõpo Oesẽkõ amaro xine mana. Jamihme mana, opynanohtorỹko mana. Tãkye exĩko mã opoko xine. Opyno xine toexiryke isene oritorỹko roropa mana. Eremiãko mana tãtãkyemaryme opoko xine, oseahmatoh ritoh samo.”

Sowonia 3:17 ပူးပေါင်းရင်းမြစ်များ

Jenexi 1:31

Morara exiryke tynyrityã eneryhtao tyya Ritonõpo zamaro inyrityã kynexine. Kure rokẽ kynexine. Xinukutu, sã tõmehse, 6mano.

Jenexi 17:1

Morarame 99me jeimamyry taropose Aparã ahtao tõsenepose ropa Ritonõpo eya, ynara tykase ynororo eya: — Ywy ase Ritonõpo Jamihmehxo Exikety. Jomiry omipona exiko, zae ehtoh poko rokẽ exiko roropa.

Jenexi 18:14

Oty tupime nae Ritonõpo a? Arypyra, emero tupime pyra ya. Naeroro morara ykano: “Taroino jeimamyry taropose ahtao oehnõko ropa ase. Mame morara ahtao Sara emũkuãko mana.”

Jenexi 2:2

7me tõmehse ahtao tõtyhkase ynororo tynyriry tõ riry poko, mame tõseremase ynororo, toerohkehxĩpo.

Saumu 147:11

Ritonõpo zamaro mokaro, aomiry omipona exiketomo, penekehpyra exiketõ Ritonõpo eraximary poko typynanohtohkõme.

Saumu 149:4

Kuesẽkõ zamaro ipoetory tomo; imehnõ motye osekaropyra exiketõ orẽpyra tyripõko mana.

Saumu 78:65

Morarame Ritonõpo typakase ropa, nyhxĩpo samo, orẽpyra exikety sã tykohtase ynororo aetymyhpyry samo.

Izaja 12:2

Ypynanohneme Ritonõpo mana; enetupuhnõko ase, mame enaromyra ase exĩko. Yjamihtanohnõko Ritonõpo mana, orẽpyra jehtohme. Ypynanohneme mã ynororo.

Izaja 12:6

Xião põkomo, atãkyematoko, Ritonõpo eahmatoko roropa. Ritonõpo kurano, Jamihmehxo Exikety, Izyraeu tõ Esemy moroto mana typoetory tõ maro osesarĩko mana.”

Izaja 18:4

Ynara tykase Ritonõpo ya: “Enẽko ase kapu ae, jesary poe, mynyhme xixi saereme ehtoh samo eina toehse ahtao, konopo pitiko xiriri katoh samo aepyryhtao tykyrysã anymyryhtao.”

Izaja 63:1

“Onoky mose oehnõko Etõ nonory poe, pata Posora poe? Onoky mose ro tupoke kurã ke, kamiraramã ke, tuisamehxo exikety sã ytõko, jamihme, orẽpyra exiketyme?” “Ywy ase,” ãko Ritonõpo mana “Orẽpyra ase, yjamitunuru ke Opynanohnekõme ase.”

Izaja 63:12

tyjamitunuru ke tynyrityã kurã tyripose Moeze a? Tuna konõto tapiakase eya typoetory tõ neneryme imehxo toehtoh poko zuaro imehnõ ehtohme jũme.

Izaja 65:19

Ywy atãkyemãko ase Jerusarẽ poko, moro pata põkõ poko roropa tãkye exĩko ase. Jũme xitara ropa exĩko mã toto moroto, kui kara roropa exĩko mã toto toetuarimatohkõ poko.

Izaja 9:6

Poeto tonuruse, mokyro tonehpose Ritonõpo a, kutuisarykõme exĩko mana. Ynara tosehpasẽme exĩko mana: Kuamorepanekõ Kurano te, Ritonõpo Jamihmehxo Exikety te, Papa jũme Exiketyme te, Tuisame Exikety Kukurãkanekõme, enara.

Jeremia 32:41

Tãkye exĩko ase kure rokẽ toto riry poko. Otyro sã toto arykãko ase sero nono pona jũme toto esaryme sero nono ehtohme.

Ozeja 14:4

Ynara ãko Ritonõpo mana: “Ypoetory tõ kurãkãko ase, toto amonohtopõpyrykõ korokãko ase. Toto pyno exĩko ase yronymyryme ukurohtao, tohne toehkehse jexiryke ipoko xine.

Joeu 2:21

“Tupito tomo, enaromyra ehtoko, atãkyematoko, ynyrihpyry imehxo ehtoh pokoino! Ywy ase Ritonõpo.

Sowonia 3:15

Awãnohtohkõ totypohkapose Ritonõpo Oesẽkomo a. Oepetõkara tonyohse eya typoetory tõ winoino. Ritonõpo Oesẽkõ, Izyraeu tõ Tuisary, amaro xine mana. Popyra ehtoh oepyry zuno pyra exĩko matose.

Sowonia 3:5

Yrome Ritonõpo moroto ro mana, pata po. Zae ehtoh poko exikehpyra mana. Zae pyra ehtoh poko pyra mana. Kokoro rokẽ ẽmehnõko moroto mana, anamonohpyra roropa mana, zae ehtoh ripõko kyya xine mana; yrome zae pyra exiketõ popyra toehtohkõ onurumekara mã toto, ehxiropyra roropa mã toto.

Numeru 14:8

Ritonõpo Kuesẽkõ kuakorehmarykohtao, kuarotorỹko mana moro nono pona. Moro ekarõko kyya xine mana kuesarykõme, nono kurano, otyro zamaro exikety.

Ruka 15:32

Yrome ãkorony aorikyhpyry sã monexiano amerehme. Mame aẽsemamyhpyry ropa sã noehno ropa. Itatyhpyry sã roropa monexiano. Mame seromaroro aosenepohpyry ropa sã nase. Naeroro otuhtoh konõto yripono tãkye kuehtohkõme,” tykase jumy eya. Morara tykase Jezu eya xine.

João 13:1

Morarame toiro tynyhse ise ro Oseahmatoh Paxikoa poko ehtohme. Morarame toytotoh poko tuaro Jezu kynexine, sero nono rumekary poko tyya. Tumy a toytotoh poko tõsenetupuhse. Moino ro typoetory pyno Jezu kynexine. Toto pyno exikehpyra kynexine, toorikyry ponãmero.

João 15:11

— Naeroro otuarõtanohtorỹko ase moro poko ypoe rokẽ tãkye oehtohkõme, tãkye nymyry oehtohkõme.

Teuteronomiu 23:15

— Ahno namoto onekaropyra ropa ehtoko esemy a, toepase ynororo ahtao tosẽ winoino, amaro ehtohme osewomatohme.

Teuteronomiu 30:9

Mame kure rokẽ oritorỹko Ritonõpo mana emero poko oerokurukohtao, opoenõ tuhke ekarõko oya xine mana, tuhke okyno tõ ekarõko roropa mana, anapyrykõ itamurume apoĩko roropa matose. Tãkye exĩko mana kure orirykõ poko, kure atamurukõ ritopõpyry samo eya.

Epereu 7:25

Jumãme toexiryke iirypyrymãkõ pynanopyry waro mana. Toto oepyryhtao tyya, Jezu enetuputyryke eya xine toto pynanohnõko Ritonõpo mana. Orihpỹme Jezu exiryke oturukehpyra mana Tumy maro, kure toto riry poko.