Sowonia 3:14 - Ritonõpo Omiry: A Bíblia Sagrada na língua Aparai do Brasil

¹⁴ Atãkyematoko, Jerusarẽ põkomo! Izyraeu tomo, eremiatoko Ritonõpo eahmaryme! Oseahmatoko yronymyryme.

Sowonia 3:14 ပူးပေါင်းရင်းမြစ်များ

Neemia 12:43

Moro ẽmepyry ae okyno tuhke tyahkase eya xine tynekarorykõme Ritonõpo a. Oseahmãko toh nexiase, tãkye toexirykõke. Ritonõpo poe atãkyemãko toh nexiase. Nohpo tõ roropa poetohti tõ maro oseahmãko toh nexiase, toto panaikatõ totase imehnomo a moe exiketomo a.

Saumu 14:7

Ritonõpo, Izyraeu tõ pynanohne enehpoko, Jerusarẽ poe! Opoetory tõ enepyry ropa ahtao imeimehnõ nonory poe, tãkye exĩko mã toto Jako pakomotyamo.

Saumu 149:2

Atãkyematoko, Izyraeu tomo, Ritonõpo Oesẽkõ poko. Oseahmatoko, Jerusarẽ põkomo, Otuisarykõ poko.

Saumu 97:8

Zae rokẽ imehnõ apiakary poko oya, Ritonõpo, pata Jerusarẽ põkõ tãkye mã toto, Juta patary põkõ roropa atãkyemãko mã toto.

Izaja 12:6

Xião põkomo, atãkyematoko, Ritonõpo eahmatoko roropa. Ritonõpo kurano, Jamihmehxo Exikety, Izyraeu tõ Esemy moroto mana typoetory tõ maro osesarĩko mana.”

Izaja 29:19

Tymõkomokãkara tãkye exĩko mã toto Ritonõpo poe, Izyraeu tõ Esẽ Kurã nyrihpyry ke atãkyemãko mã toto.

Izaja 35:2

Otyro ekuru tõ ke pehme, ona tonorẽ eremiãko mana tãtãkyemaryke. Kure potu moro ona rĩko Ritonõpo mana ypy tõ Ripano samo, otyro zamaro moro nono rĩko roropa mana ypy Karameru samo, jakanahmã Sarõ sã roropa. Emero saeremehxo Ritonõpo ehtoh enẽko mã toto, tuisamehxo Kuesẽkõ enẽko roropa mã toto.

Izaja 37:22

ynara ãko Ritonõpo mana: “Pata Jerusarẽ põkõ oeunohnõko mã toto, Senakeripe, opoihtõko roropa mã toto.

Izaja 40:1

Ynara ãko Ritonõpo Kuesẽkõ mana: “Emuhkehkatoko! Yje, ypoetory tõ emuhkehkatoko!

Izaja 40:9

Omoro, omi kurã ekaroneme mase Jerusarẽ põkomo a, onuhko ypy kaetoko ehtoh pona; omoro, omi kurã ekaroneme Xião põkõ netaryme, opore omi kurã ekaroko. Ihximyra exiko Juta patary põkõ zuruko, ynara kaxiko opore: “Ritonõpo Oesẽkõ oehnõko mana.”

Izaja 51:11

Naeroro onypynanohtyã ytõko ropa mã toto Jerusarẽ pona tytapyĩkõ taka, eremiãko, atãkyemãko, kohtãko tãtãkyemarykõme. Jũme tãkye exĩko mã toto, atasamara exĩko mã toto, onyhnamozomopyra exĩko mã toto.

Izaja 52:9

Jerusarẽ typahse aexihpyry, oeremiako ãtãkyemaryme, nupunato typoetory tõ enẽko Kuesẽkõ mana, Jerusarẽ pynanohnõko mana.

Izaja 54:1

Jerusarẽ, nohpo emũkuapitopỹ sã mexiase, yrome seromaroro oeremiako, okohtako ãtãkyemaryme, ynara ãko Ritonõpo exiryke: “Mose nohpo, inio nurumekahpyry tuhkehxo emũkuãko mana, tynioke exikety motye.”

Jeremia 30:19

Moro põkõ eremiãko mã toto Ritonõpo eahmãko, kohtãko mã toto tãkye toexirykõke. Toto emãkapõko ase, aomirykõ etary se exĩko imehnõ mana imehxo exiketõ samo.

Jeremia 31:13

Mame oryxiamo wãko mã toto atãkyemãko roropa, nuasemãkomo, tamuhpomãkõ roropa oseahmãko mã toto. Emuhkehkapotorỹko ase, ixitarykõ myakamãko ase tãkye ehtoh ke, aemynyhmarykõ myakamãko ase atãkyematoh ke.

Jeremia 33:11

kui katoh tonõ tãkye exiketõ omiry, atãkyemaketõ panaikato roropa otuhtoh riry poko, pytary poko roropa. Ahno eremiaketõ etãko roropa matose, tynekarorykõ enehnõko Ytapyĩ taka, “Kure mase,” katohme ya. Ynara ãko mã toto eremiãko: “ ‘Kure mase,’ kahtoko Ritonõpo Jamihmehxo Exikety a, kure aexiryke, kypyno xine exikehpyra mana, jũme.” Sero nono po tymõkomoke toto ripõko ase, osemazuhme toto ehtopõpyry samo. Ywy Ritonõpo oturuno.

Joeu 2:23

“Atãkyematoko, Jerusarẽ põkomo, ywy, Ritonõpo Oesẽkõ, nyrihpyry imehxo ehtoh pokoino. Konopo ekaroase oya xine zae konopo oehtoh po, ikonopotatoh po te, eina exisasaka ahtao roropa, konopo itamurume, osemazuhme ehtopõpyry samo.

Mikeja 4:8

Mame pata Jerusarẽ po, Ritonõpo, kaneru tõ esẽ sã typoetory tõ pynanohnõko mana. Mame pata imehxo exĩko ropa mana, tuisa konõto esaryme pata Jerusarẽ po.

Mateu 21:9

Mame kui kui tykase toto imoihmãkomo tãkye toexirykõke, osemazuhme ytoketomo Jezu mykapo ytoketomo, enara. Ynara tykase toto: — Kure Tawi parỹpyry mana. Kure mose tyriko Ritonõpo, õmi poe aepyhpyryme aexiryke. Kure Ritonõpo mana, imehxo, tykase toto.