Sowonia 3:11 - Ritonõpo Omiry: A Bíblia Sagrada na língua Aparai do Brasil

¹¹ Moro ẽmepyry toehse ahtao, amarokõ, ypoetory tõ ehxirokehnõko matose, tuhke jurumekatopõpyry pokoino oya xine. Ynara exiryke owino xine epyrypaketõ oũko ase, imehnõ motye kure osekaroketomo, mokaro panõ osenepyra ehtohme amaro xine. Jũme epyrypaketõme exipyra exĩko matose jesary po, ypy kurã po.

Sowonia 3:11 ပူးပေါင်းရင်းမြစ်များ

Saumu 131:1

Ritonõpo Jesemy, imehnõ motye tuisame jehtoh poko epyrypara ase; imehxo jehtopõpyry turumekase ya, yamene se pyra jexiryke. Tuaro pyra jehtoh tonõ poko torẽtyke pyra ase, morohne poko onenetupuhsaromepyra jahtao.

Saumu 49:5

Enaromyra ase popyra ehtoh toehse ahtao, tomyehmase jahtao yzehnotokomo a.

Saumu 59:12

Tahxime jepetõkara otururuhtao, iirypyryme mã toto. Ah tapoisẽme nexĩ toto aepyryparykohtao! Popyra ehtoh enehpõko mã toto imehnõ pona, ajohpe oturũko roropa mã toto;

Izaja 11:9

Ypy Xião po, jesary kurã po, popyra ehtoh exipyra exĩko mana; imehnõ onyryhmara exĩko, ynara exiryke: Tuisamehxo Kuesẽkõ enetupuhnõko sero nono põkõ mana emero porehme, tuna konõto pehkary samo tuna ke.

Izaja 2:12

Moro ẽmepyry toehse ahtao tuisamãkõ emero poremãkapõko Kuesẽkõ Jamihmehxo Exikety mana, epyrypaketõ poremãkapõko mana, imehnõ motye tuisamehxo toexirykõ se exiketõ maro.

Izaja 45:17

Yrome Izyraeu tõ mã typynanohse Ritonõpo a; jumãme typynanohse mã toto, jũme toto onyporemãkapopyra ropa exĩko mã toto, jũme ehxiropyra exĩko mã toto.

Izaja 5:15

Ehxirõko mã toto emero porehme, epyrypaketõ roropa typoremãkasẽme exĩko mã toto.

Izaja 54:4

Enaromyra exiko, ehxiropyra roropa exiko; oserehpyra exiko, iiryhmazomopỹme exĩko mase. Wenikehnõko mase ohtomatopõpyry poko oryxime awahtao, omuhpe oehtopõpyry poko roropa pytỹpome toehse awahtao.

Izaja 56:7

aarotorỹko ase jesaka ypy kurã pona, tãkye exĩko matose ymaro oturutoh tao. Onekarorykõ yzamaro exĩko mã kehko apoto apõ po. Ytapyiny esehtõko mã toto: ‘Ritonõpo maro Oturutohme’ imeimehnõ nonory põkomo a roropa.

Izaja 61:7

Ohxirotopõpyrykõ tonahse, oporemãkatopõpyrykõ roropa, toanahtose oya xine asakoro oorypyrykõ epehpyryme; yrome seromaroro ononorykõ pona oehnõko matose, asakoro omõkomohpyrykõ apoĩko ropa matose omõkomorykõme, jũme tãkye exĩko roropa matose.

Jeremia 13:9

— Moro saaro Juta tõ epyrypatoh enahkapõko ase, Jerusarẽ põkõ epyryparykõ enahkapõko roropa ase.

Jeremia 7:4

Omi zae pyra ehtoh onenetupuhpyra ehtoko, ajohpe exiryke: “Towomase sytatose! Sero Ritonõpo Tapyĩme mana, sero Ritonõpo Tapyĩme mana, sero Ritonõpo Tapyĩme mana!”

Ezekieu 20:40

Moroto Izyraeu tõ nonory po, jesary kurã po, ypy kae exikety po Izyraeu tõ nonory po amarokõ emero jeahmãko matose. Yzamaro exĩko matose; onekarorykõ enepyry eraximãko ase, onyahkahpyrykomo, onekarorykõ kurano, onekarotyã kurãkõ ya.

Ezekieu 24:21

ekarotohme oya xine, Izyraeu tomo: epyrypãko matose Ritonõpo Tapyĩ kurã tosao ro jamihme exiryke. Moro enery se matose, moro taka oytorykõ se roropa matose. Yrome moro rĩko Ritonõpo mana nuriame. Opoenõ tehme ahtao Jerusarẽ po totapasẽme exĩko mã toto etonatoh po.

Tanieu 9:16

Ritonõpo, yna towomase oya moino ro; seromaroro yna zehno exikehko ropa, Jerusarẽ zehno pyra exiko ropa; apataryme mana, moro ypy kurã oesaryme mana. Yna katonõ nonory põkõ emero Jerusarẽ eunohnõko mã toto, opoetory tõ poihtõko mã toto yna rypyry pokoino, yna tamuru tõ rypyhpyry pokoino roropa.

Tanieu 9:20

Oturũko ro exiase Ritonõpo a, osekarõko exiase, yyrypyry ekarõko eya te, wekyry Izyraeu tõ rypyhpyry roropa. Ekaropõko exiase Ritonõpo a, Jesemy a Itapyĩ kurã poko, ikurãkapotohme ropa.

Mikeja 3:11

Jerusarẽ tuisary tõ tineru apoĩko mã toto tokarose ahtao eya xine zae pyra exiketomo a zae ehtoh tyorõmatohme, oturuketõ ahno a epehmapõko mã toto Ritonõpo Omihpyry poko amorepatamitume, urutõ kõ ahno a epehmapõko mã toto imeĩpo ehtoh ekarotohme. Yrome moro sã toto ahtao ro: “Ritonõpo yna akorehmãko mana,” ãko mã toto. “Popyra ehtoh onenehpopyra Ritonõpo mana kymaro xine aexiryke,” ãko.

Numeru 16:3

Oximõme toytose toto oturuse Moeze tõ maro Arão maro. Ynara tykase toto: — Epo hnae tuisamehxo oehtohkomo! Moxiã emero Ritonõpo Kuesẽkõ poetoryme mã toto. Typoetory tõ rãnao Ritonõpo mana. Naeroro oty katohme tuisamehxo osekarõko matou, Ritonõpo poetory tõ esãme?

Mateu 3:9

Ynara kara ehtoko roropa: “Kytamurukõ Aparão ekepyry Ritonõpo poetoryme imehxo kynexine. Iparyme yna exiryke Ritonõpo poetoryme ynanase,” kara ehtoko. “Ritonõpo poetoryme yna exiryke yna onuãnohpyra Ritonõpo mana yna rypyry poko,” kara roropa ehtoko. Etatoko pahne, senohne topu tõkehko tyriry se Ritonõpo ahtao Aparão pakomotyãme, tyrĩko mana tyriry waro toexiryke.

Romanos 2:17

Amarokõ ke, juteu tomo? Moeze nymerohpyry enetuputyryke oya xine: “Ritonõpo nymenekahpyryme ase, typoetoryme,” ãko matose repe. Epyrypãko matose Ritonõpo nymeropohpyry Moeze a waro oexirykõke repe. Kure matose osekarõko repe.

Romanos 9:33

Moro poko ynara tymerose Ritonõpo omiryme, “Etatoko pahne, Xião po ypoetory tõ esẽ rĩko ase. Topuimo sã mã mokyro exĩko orẽpyra. Yrome ise pyra exĩko mã toto, morotõkomo. Topu pona osetapaketõ sã ise pyra exĩko mã toto. Mãpyra tosẽkõme enetuputyryhtao eya xine atasamara mã toh exĩko,” katoh, tymerose.

1 Peturu 2:6

Ynara tymerose Ritonõpo omiryme: “Mokyro ynymenekahpyry tapyi rinanõ topu menekary samo, typyne exikety menekary samo, jamihme tapyi ritoh menekary sã roropa. Emero esẽme mokyro rĩko ase. Emero motye tuisamehxo tyrĩko ase. Mokyro aropõko ase Xião patary panõ pona. Morarame mokyro enetupuhnanõ mã atasamara mã toto. Tãkye rokẽ exĩko mã toto,” me tymerose.