Sowonia 2:8 - Ritonõpo Omiry: A Bíblia Sagrada na língua Aparai do Brasil

⁸ Ynara ãko Ritonõpo Jamihmehxo Exikety: — Moapita tõ omiry etase, amonita tõ omiry roropa ypoetory tõ eunohnõko, toto poihtõko roropa. Epyrypãko toh mana inonorykõ poremãkary poko tyya xine.

Sowonia 2:8 ပူးပေါင်းရင်းမြစ်များ

Jenexi 19:37

Mokyro ẽxiry apitorymã toemũkuase Moapeme. Moape tõ tamurume toehse ynororo.

Jenexi 19:38

Mokyro Ro ẽxiry etyhpyrymã roropa toemũkuase orutuame, tumũkuru tosehpase eya Pẽ-Amime. Amonita tõ tamurume toehse ynororo.

Izaja 15:1

Sero nase Ritonõpo omiry Moape poko: Pata Ara tonahkase mana; Pata Kia roropa toiro kohmamyry ae.

Izaja 16:6

Ynara ãko Juta tomo: “Turuse yna Moape tõ epyrypary poko; ahno epyrypaketõme mã toto, typoko xine rokẽ osenetupuhnõko mã toto, imehnõ motye kure osekarõko mã toto. Yrome ajohpe mã toto. Epyrypãko rokẽ mã toto.”

Jeremia 12:14

Ynara ãko Ritonõpo mana: — Seromaroro oturũko ase popyra exiketõ poko Izyraeu tõ zomye, moro nono popyra tyrise eya xine, ynekarohpyry ypoetory tomo a. Mya mokaro arõko ase inonorykõ poe, otyro samo touse ahtao. Juta tõ roropa pynanohnõko ase mokaro winoino.

Jeremia 48:1

Ritonõpo Jamihmehxo, Izyraeu tõ Esemy ynara tykase Moape tõ poko: “Emynyhmatoko pata Nepo põkõ poko, ipatarykõ tonahkase exiryke! Pata Kiriataĩ tapoise nexiase, isoutatu tõ tapyĩ jamihme exikety tytahkase, tomase nono pona, epõkõ typoremãkase.

Jeremia 49:1

Ynara tykase Ritonõpo Kuesẽkõ amonita tõ poko: — Otoko hnae Izyraeu tõ orutua komo? Sero nono, Ritonõpo nekarohpyry Izyraeu tõ esaryme ehtohme ewomananõ pyra hnae? Oty katoh ritõ Moroke a Kate tõ nonory tapoise, eahmananõ toytose roropa moro pona osesarise?

Ramẽtasão 3:61

Ritonõpo Jesemy, jeunohtopõpyry eya xine totase oya, tyriry se toto ehtoh waro mase emero.

Ezekieu 21:28

— Ahno mũkuru oturuko, jomiry ekaroko amonita tomo a, ywy ase Ritonõpo. Ypoetory tõ Izyraeu tõ poihtõko mã toto amonita tomo. Naeroro ynara kaxiko eya xine: “Tapema, tapema mã moroto eraximãko oenahkatohkõme; tykorokase mana, zemime otapatõme, zemizemiãko mana nenenehkane samo.”

Ezekieu 25:1

Ynara tykase Ritonõpo ya:

Ezekieu 35:12

Mame zuaro exĩko matose ywy, Ritonõpo, õmirykõ etase Izyraeu tõ ypy tõ po jyhtomaryme. Ynara matose: ‘Izyraeu tõ ypy tõ typõke pyra toehse kuesarykõme sapoitone.’

Ezekieu 36:2

Ritonõpo Oesẽkõ, ynara ãko: “Izyraeu tõ epetõkara ynara tykase toto: Tãkye sytatose! Izyraeu nonohpyry moro ypy tõ pakatokõ kuesarykõme toehse mana, ohkato!”

Amoxi 1:13

Ynara tykase Ritonõpo: — Amõ põkõ iirypyryme toehse itamurume. Morara exiryke toto wãnohnõko ase. Tõsetaparykõ poko toto ahtao, Kireate nonory po, itamurumehxo nono apoitohme tosarykõme nohpo tõ tuahkase eya xine, poetoẽme exiketomo.

Amoxi 2:1

Ynara tykase Ritonõpo: — Moape põkõ iirypyryme toehse itamurume, naeroro toto wãnohnõko ase. Etõ tuisary ekepyry tyahkase eya xine, orunome rokẽ ehtohme.

Sowonia 2:10

Moro sã tuãnohsẽme exĩko mã toto. Toepyrypase toto exiryke, Ritonõpo, Jamihmehxo Exikety poetory tõ tounohse eya xine exiryke, toepyrypase roropa exiryke inonorykõ poremãkary poko tyya xine.

Jozue 5:9

Ynara tykase Ritonõpo Jozue a: — Seroae ohxirotopõpyrykõ ykorokano, õsanomatopõpyrykõ Ejitu põkõ namotome oehtopõpyrykomo. Morara exiryke moroto tosehpase Kiukaume eya xine. Moro esety mã jumãme toehse.