Sowonia 2:15 - Ritonõpo Omiry: A Bíblia Sagrada na língua Aparai do Brasil

¹⁵ Moro sã exĩko pata Niniwe, pata epyrypakety, tyjamitunuru poko. Ynara tykase ynororo: “Imepỹ pata pyra mana jamihme exikety ysamo.” Patãpome exĩko mana, onokyro tõ esaryme. Ytoketõ morotona oserehnõko mã toto, osenuruhkãko roropa mã toto moro pata enahkatopõpyry eneryke tyya xine.

Sowonia 2:15 ပူးပေါင်းရင်းမြစ်များ

Jo 16:4

Jesao awahtao xine, oesarykõ po jahtao roropa, ywy sekere kary oya xine asã xine. Jupuhpyry kywyh kywyh ykamexipory asã xine tuaro exikety samo. Morararo openekehkatorỹko ase jomiry ke, asã xine.

Jo 27:23

Tururume ytõko mana torehse toexiryke, jamihme exiryke emero enahkãko mana.”

Izaja 22:2

Kohtãko, oseahmãko matose? Oty katohme apatary põkõ emero panaikato ke atãkyemãko? Soutatu tomo, Jerusarẽ põkõ aorihtyamo, etonatoh poko pyra toh nexiase.

Izaja 32:11

Tupime pyra nexiase oya xine, torẽtyke pyra mexiatose; yrome seromaroro tykytyky kahtoko enaromỹke oehtohkõke! Ometỹkõ toutoko, kamisãpo amurutohme ometỹkõ myakãme.

Izaja 32:14

Tuisa tapyĩ kurã turumekasẽme exĩko mana. Pata roropa turumekasẽme exĩko. Tapyi tõ jamihmãkõ, soutatu tõ pata ewomananõ esary tõ tykararahsẽme exĩko, typahsãme kaetokohxo ehtohme jũme. Jumẽtu tõ tosẽke pyra exiketõ moroto ytoytõko rokẽ mã toto, kaneru tõ onahpoty enahnõko roropa moroto.

Izaja 32:9

Nohpo tomo, kure rokẽ osekaroketomo, etatoko pahne jomiry; otato ehtoko, torẽtyke pyra exiketomo!

Izaja 47:10

Orẽpyra mosekaroase oorypyry poko awahtao, imehnõ onyriry onenepyra mekaroase repe. Yrome tuarohxo oehtoh ke mosenekunopyase. Ynara tõsenetupuhse omoro: ‘Ywy imehxo ase, imehnõ ysã pyra mã toto.’

Jeremia 18:16

Sero nono tyrise eya xine osa popyra ipunaka, jũme ise pyra imehnõ ehtohme. Moro rãnakuroko ytoketõ osenuruhkãko mã toto, tupuhpyrykõ kywyh ãko eunohnõko roropa mã toto.

Jeremia 19:8

Sero pata enahkapõko ase popyra ehtoh ke ipunaka. Sero pata kuroko ytoketõ osenuruhkãko mã toto, oserehnõko roropa mã toto morohne eneryke tyya xine.

Jeremia 50:13

Mokaro zehno jexiryke Papironia ipapyhpyryme exĩko mana, typahse nono pona. Ahno pyra exĩko moroto mã rahkene. Moro kuroko ytoketõ: “To!” ãko mã toto, osenuruhkãko mã toto. Enaromỹke exĩko moro eneryke tyya xine.

Ramẽtasão 1:1

Myhene! Myhene! Jerusarẽ turumekase mana. Apitoryme tẽme nexiase ahno ke! Pata kure potu nexiase. Enese tooehse mã toto moino, nono etyhpyry poe, yrome seromaroro pytỹpome sã toehse mana. Tuisa ẽxiryme sã nexiase pata tõ rãnao, yrome imehnõ namotome sã toehse mana.

Ramẽtasão 2:1

Zehno toehse Ritonõpo ahtao, pata Jerusarẽ tyõtose eya akurũ xinukutumã ke. Pata Jerusarẽ tyripose eya ypyme typahsẽme rokene. Apitoryme pata kurãme nexiase, kapu ao aexihpyry samo, toepyrypase Izyraeu tomo typatarykõ poko. Yrome typenekehse Ritonõpo ahtao moro turumekase eya. Tytapyĩ kurã roropa turumekase eya.

Ramẽtasão 2:15

Ytoytoketõ pata kuroko oeunohnõko mã toto. “To!” ãko mã toto opoihtotorỹko roropa mã toto, Jerusarẽ põkomo. “Ajohpe pyra, sero pata tosehtose: ‘Pata Kurãme, Enekure Potu?’ nary.” “Sero pata kure ehtoh poko epyrypãko toh nexiase, imehnõ nonory po porehme?”

Ezekieu 27:36

Omoro tonahkase jũme, osepekahketomo sero nono po tõserehse mã toto, enaromỹke mã toto, tonahkarykõ zuno mã toto oenahkatopõpyry saaro.

Ezekieu 28:2

— Ahno mũkuru, pata Tiro tuisary zuruko, ywy, Ritonõpo Oesẽkõ ynara ãko ase eya: “Epyrypaketyme mase, Ritõme osekarõko mase. Ritõme sã typorohse mase tuisa apõ po, tuna konõto õmye. Ritõme oexiry se mase repe, yrome orihketyme mase; ahnome rokẽ mase Ritonõpo sã pyra.

Ezekieu 28:9

Tooehse mokaro ahtao oetapase, ritõme osekarõko ro mahno? Oetapananõ ẽpataka toehse awahtao ahnome rokẽ exĩko mase, orihketyme, Ritonõpo sã pyra.

Ezekieu 29:3

Kaxiko eya, ynara ãko Ritonõpo Oesẽkomo: “Oepekara ase, Ejitu tuisary, zakareimo tosary po exikety nakuao. Tuna Niro otunaryme ekarõko mase; onyrihpyryme ekarõko mase okyryryme ehtohme repe.

Tanieu 4:27

Tuisa, etako pahne jomiry: Oorypyry irumekako, zae ehtoh poko rokẽ exiko; imehnõ onyryhmara exiko, tymõkomokãkara akorehmako. Morara awahtao, otarame okynahxo isene exĩko mase torẽtyke pyra, tãkye rokene.

Naum 3:19

Opi pyra mana ãpurotopõpyry tõ epinohtohme; naeroro ekurãkasaromepyra mã toto. Oehxirotopõpyry etaryke imeimehnomo a atãkyemãko mã toto, tahtah ãko mã toto. Ynara exiryke: ahno emero sam tykamexipose oya xine, popyra oehtohkõ enahpỹme nexiase.

Apakuke 1:7

“Mokaro zuno imehnõ ripõko mã toto. Tõmihpyrykõ omipona rokẽ imehnõ ripõko mã toto imehnõ motye kure tõsekarorykõke eya xine.

Mateu 27:39

Morarame Jezu tounohse osema ae ytoketomo a.