Sowonia 2:14 - Ritonõpo Omiry: A Bíblia Sagrada na língua Aparai do Brasil

¹⁴ Kaneru tõ oxikone oseremãko mã toto, onokyro tõ roropa, emero rokẽ, oseremãko mã toto, moroto patãpo po. Suhsuku tõ moroto exĩko mã toto tapyĩpo tõ tao, kohtãko mã toto osenuhmatoh tae Sãtaru tõ roropa kohtãko mã toto tapyi tõ omõtoh tae. Apupari emero tousẽme exĩko mã kehko tapyi tõ tae.

Sowonia 2:14 ပူးပေါင်းရင်းမြစ်များ

Saumu 102:6

Torõ sã ase patãpo po, ahno esao pyra, suhsuku samo tapyĩpo tao.

Izaja 14:23

Mame pata Papironia rĩko ase nono tahxikure, ikurepato esary samo, purapuramãme. Moroto suhsuku esaryme exĩko mana. Sapi ke sã pata Papironia itumehnõko ase, pata enahkatohme. Ywy, Ritonõpo Jamihmehxo Exikety, morara oturuno.

Jeremia 22:14

Tuãnohsẽme exĩko mokyro, ynara kahpono: “Tapyi amõko ase, inunomo, nyhtoh ke zumo pohto roropa zara po kae!” Mame osenuhmatoh rĩko mã ynororo, apupari rĩko apuru tõ pokona, tonohse kamirarame.

Amoxi 9:1

Mame Ritonõpo Jesemy enease apoto apõ pũto. Ynara tykase ynororo: — Tapyi Kurã nepuru tõ zupuhpyry etapako moro tapyi tytororo tykytyky kamexipotohme. Ah inepuru tõ etahkasã nepukã toto ahno tõ zupuhpyry pona moro tao. Epaketõ isene ro exiketõ etapãko ase aosetaparykohtao; epara exĩko mã toto, orihnõko rokẽ mã toto.

Sowonia 2:6

Ononorykõ tuna konõto ehpio po okyno tõ esaryme exĩko, onahpoty nae exĩko mana, tapyi pitiko rokẽ exĩko kaneru tõ pyno exiketõ esaryme, apurutoh roropa kaneru tõ esaryme.”

Apokaripxi 18:2

Opore ynara tykase ynororo: — Papironia tonahse, moro pata konõto patãpome toehse. Seromaroro joroko tõ esaryme toehse mana, akuaryhpo tõ esaryme rokene, iirypyryme exiketõ esaryme, torõ tõ xihpyry esaryme, enara.