Saumu 82:3 - Ritonõpo Omiry: A Bíblia Sagrada na língua Aparai do Brasil

³ Zae ehtoko tymõkomokãkara a, poetõpo tomo a roropa, ewomatoko toto; zae rokẽ ehtoko tyrohmanohposamo a, etuarimaketomo a roropa.

Saumu 82:3 ပူးပေါင်းရင်းမြစ်များ

Jo 29:12

Tymõkomokãkara takorehmase ya takorehmarykõ se exiketomo, poetõpo tõ pyno exiase, towomaneke pyra exiketomo.

Jo 31:21

Poetõpo tyyryhmase ahtao ya takorehmase jahtao juize tomo a,

Saumu 10:18

Iiryhmatyã kohtary etãko mase, tumyke pyra exiketõ roropa; zae apiakãko mase toto akorehmaryme, toto onyryhmara ropa ahno tõ ehtohme.

Exutu 23:3

Zae pyra ehtoh poko pyra ehtoko, tymõkomokãkara akorehmary se awahtao ro.

Exutu 23:6

— Tymõkomokãkara tooehse ahtao apiakane ẽpataka zae ehtoko imaro.

Porowepio 31:9

Toto akorehmatohme oturuko, zae rokẽ apiakaneme exiko. Tymõkomokãkara ewomako, etuarimaketõ roropa.

Izaja 1:17

atamorepatoko zae ehtoh riry poko, zae rokẽ tyritohme. Zae rokẽ ehtoko imehnõ maro, imehnõ akorehmatoko tyrohmanohpose toto ahtao, poetõpo tõ ewomatoko, pytỹpo tõ roropa ewomatoko.”

Izaja 1:23

Otuisarykõ ewokananõme mã toto, omato tõ epeme mã toto. Tineru apoĩko mã toto zae pyra toehtohkõ epehpyryme. Poetõpo tõ onewomara mã toto, pytỹpo tõ omiry onetara mã toto towomarykõ se toto ahtao.

Jeremia 22:16

Zae rokẽ nexiase tymõkomokãkara poko, etuarimaketõ poko roropa, naeroro emero kure toehse eya. Moro riryhtao ahno a enetupuhnõko mase, juaro mokyro mana. Ywy, Ritonõpo, oturũko ase.

Jeremia 22:3

— Ywy Ritonõpo ynara ãko ase oya xine: zae ehtoh tyritoko, ajohpe pyra ehtoko. Tyyryhmase exiketõ ewomatoko iiryhmananõ wino. Imehnõ nonory poe exiketõ onyryhmara ehtoko, toto onenekunohpyra ehtoko, poetõpo tomo te, pytỹpo tõ roropa; ahno zae exiketõ onetapara ehtoko sero pata kurã po.

Jeremia 5:28

tupune mã toto, kure tynahpase roropa mã toto. Popyra toto ehtoh enahpyra mana; poetõpo tõ onewomara mã toto, oty kara mã toto jamihme pyra exiketõ osanumary eneryhtao tyya xine.

Zakaria 7:9

— Ywy Ritonõpo, Jamihmehxo Exikety, ynara ase ypoetory tomo a: “Zae rokẽ ehtoko oximaro, ajohpe pyra ehtoko, kure rokẽ ehtoko imehnomo a. Toto pyno ehtoko.

Teuteronomiu 10:18

Poetõpo tõ ewomãko mana, pytỹpo tõ roropa. Imehnõ nono põkõ pyno mana tõsesarise exiketõ kymaro xine. Tonahsẽ ekarõko eya xine mana, upo roropa.

Teuteronomiu 24:17

— Poetõpo tõ ewomatoko, imepỹ nono poe aehtyã roropa zae rokẽ oehtohkõme toto poko. Pytỹpo tõ zupõ anapoipyra exiko axĩtao rokẽ tineru tokarose ahtao eya moro epehmatohto ropa.

Tiaku 1:27

Ynara rokẽ kure mana Kumykomo a, Ritonõpo a: poetõpo tõ pyno kuahtao xine, pytỹpo tõ etuarimaketõ pyno kuahtao xine, kyyrypyrykõ poko pyra kuahtao xine; morara kuahtao xine, kure sytatose Ritonõpo a.